1 Reyes 22:8 - Biblia Enxet

⁸ Apchátegmowágkek axta wesse' apwányam Israel ma'a Josafat: —Apheyk makham xama, negmowána agásenneykxak elmaxneyha m'a Wesse' egegkok, apwesey nak Micaías, Imlá apketche. Ataqnawhok eyke ko'o m'a, hakte mehéltennassók makham aqsok ektaqmela, aqsok ekmaso aqsa chá'a héltennaksek. Apchátegmowágkek axta eyke m'a Josafat: —Ná etne aqsa appeywa xa.

1 Reyes 22:8 ပူးပေါင်းရင်းမြစ်များ

Génesis 37:8

Keñe axta apkelpepma aptáha apkelátegmowágko s'e: —¿Apkeneykeya exchep etnehek wesse' apwányam egagkok, tén han hentemessásekxak kóneg negko'o? Yágwokmók axta aqsa aptaqnawaya, apkeltennásencha'a m'a ektáhakxa apwanmagko.

1 Reyes 18:4

xama axta eyeynamo élnapma Jezabel ma'a Wesse' egegkok nak apkellegasso appeywa, apkelmeykekxeyk axta cien Dios appeywa apkellegasso, keñe axta appenchessama chá'a apkexpánchesso cincuenta, apkelya'assama chá'a apkelyexánegkesseykmo m'a ánet meteymog áxwa, apkelmeyáseykegkek axta chá'a aptéyak tén han yegmen.

1 Reyes 19:10

Apchátegmowágkek axta m'a: “Awanhók agko' ko'o exchep sélmeyeykha, Wesse', Dios ekha nak apyennaqte, hakte apyamasmeyk énxet'ák Israel ekhémo mók nélpaqhetchásamáxkoho apagkok, apkelyaqnegkessáseykegkek han ma'a kélwatnéssamakxa nak chá'a aqsok, sókwenaqte axta han chá'a apkelyetxeykegkok apkelnapma m'a apkellegasso nak appeywa. Ko'o aqsa exakko' seyeymomáxko, étamsamáxcheyk han yaqwayam amátog.”

1 Reyes 19:14

Apchátegmowágkek axta m'a: “Awanhók agko' ko'o exchep sélmeyeykha, Wesse', Dios ekha nak apyennaqte, hakte apyamasmeyk énxet'ák Israel ekhémo mók nélpaqhetchásamáxkoho apagkok, apkelyaqnegkessáseykegkek han ma'a kélwatnéssamakxa nak chá'a aqsok, sókwenaqte axta han chá'a apkelyetxeykegkok apkelnapma m'a apkellegasso nak appeywa. Ko'o aqsa exakko' seyeymomáxko, étamsamáxcheyk han yaqwayam amátog.”

1 Reyes 21:20

Apchátegmowágkek axta Ahab ma'a Elías: —¿Sénmexma, éteyákxéya makham xép? —Ekwetákxe' neykhe —axta aptáhak apchátegmowágko Elías—. Aqsok ekmaso aqsa chá'a exchep elának nápaqtók Wesse' egegkok.

1 Reyes 22:13

Aptáhak axta apcháneya Micaías ma'a ektáha axta apchánémap éntawakxa': —Tásek apchátegmoweykegkokxa wesse' apwányam ma'a apyókxoho apkellegasso nak amya'a, meyke ekyeykhamaxche mók. Etne exchep xa epaqmétek xa aptamhágkaxa nak, etaqmelchesho apchátegmoweykegkokxa.

1 Reyes 22:18

Aptáhak axta wesse' apwányam Israel apcháneya m'a Josafat: —¡Éltennássek xeyk xép mehéltennassama chá'a ko'o aqsok ektaqmela xa, aqsok ekmaso aqsa chá'a héltennaksek!

1 Reyes 22:27

Kóltennés sa' sektáha ko'o séltémo kólaqxegkesek kañe' negmomaxchexa', tén han séltémo kólmések wánxa ketchetseyk pán tén han yegmen, ekwokmoho sekwa'akto sa' ko'o makham meyke setnahakxa'.

1 Reyes 22:7

Apkelmaxneyáha axta han ma'a Josafat: —¿Mékoya han pók Dios appeywa aplegasso s'e yaqwayam enxoho han ólmaxneyha?

1 Reyes 22:9

Yetlókok axta apwóneykha wesse' apwányam Israel xama apkeláneykha, aptáhak axta apcháneya: —¡Éntementa sa' heykxa Micaías se'e, apketche nak Imlá!

2 Reyes 9:22

Xama axta apwet'a Joram ma'a Jehú, axta aptáhak apcháneya s'e: —¡Jehú! ¿Ya eláwak apxegakmo? Apchátegmowágkek axta Jehú: —¿Háxko katnehek ko'o malwehek élenxanmégkoho enxoho ektémakxa megkamasexta élpeykessamo kéleykmássesso m'a Jezabel, egken nak, tén han ekxámokma ekteme yohóxma?

2 Crónicas 36:16

Apkelasméssegkek axta eyke aqsa chá'a m'a apkelseykha axta Dios appeywa, apwanyémók axta m'a amya'a apkelseykha, apkelasméssegkek axta aqsa chá'a m'a apkellegasso nak appeywa, ekwokmoho aplawa apagko' ma'a Wesse' egegkok, apkelenmexa m'a énxet'ák apagkok, massék axta kélewagko kélmássessekmo yaqwánxa etnehek.

Salmos 34:21

Apkeltémakxa ekmaso chá'a kalnápekxak ma'a élmasagcha'a nak apkeltémakxa; kóllegássesagkohok sa' ma'a apkeltaqnagko nak chá'a énxet'ák meyke apkeltémakxa.

Proverbios 15:12

Megyásekheyk ektáha nak chá'a apnókáseykha m'a énxet apchásennamap nak, mepáxaqwomek nahan ma'a énxet'ák apkelya'áseykegkoho nak aqsok.

Proverbios 29:10

Énxet apchaqhe nak chá'a pók, tén han élmasagcha'a nak apkeltémakxa', etaqnawhok apagko' ma'a énxet meyke nak aptémakxa'.

Proverbios 9:8

Apkeltennásekxók sa' agkok xép aqsok apkelane m'a énxet megkeyxnegwayam nak chá'a appeywa, etaqnók sa'; apnókáseyha sa' agkok xép ma'a énxet apya'áseykegkoho nak aqsok, yásekhohok sa'.

Isaías 3:11

Énxet'ák élmasagcha'a apkeltémakxa sa' laye, asagkek sa' chá'a katnehek ma'a aqsok apkelánéyák, Dios sa' ellegássesagkohok ekhawo m'a ektémakxa nak aqsok apkelánéyák.

Isaías 30:10

Etnehek chá'a elának énxet'ák apkelwetayo nak chá'a aqsok se'e: “Nágkayet akke aqsok kélwete”, keñe chá'a etnehek elának apkellegasso nak Dios appeywa s'e: “Ná hẽltennasha eyke aqsok ekxekmowásamáxkoho ekmámnaqsoho nak; hẽltennasha aqsa chá'a m'a amya'a ekmátsa nak ageyxho'; náhentawássesha m'a aqsok élxéneykencha'a nak egwáxok agweta'.

Isaías 49:7

Aptáhak Wesse' egegkok apcháneya énxet kélwanyémo kélagko' axta chá'a s'e, cham'a Dios Aptaqmalma nak Israel, segwagkassamo nak teyp, aptaqnagkamo apagko' axta chá'a m'a pók énxet'ák nak, aptéma axta chá'a apchásenneykha naqsa m'a kelwesse'e apkello nak: “Apwet'ak sa' agkok chá'a exchep ma'a kelwesse'e apkelwányam nak tén han ma'a pók kelwesse'e nak, elchempekxak sa' chá'a néten eltekxeyagkok aptapnák xóp apmonye' exchep hakte ko'o axta sélyéseykha exchep sektáha nak Wesse' Dios Sektaqmalma m'a Israel, alánhok chá'a ko'o m'a sekxeyenma nak alána'.”

Jeremías 18:18

Aptáhak axta apkelpaqmeta énxet'ák se'e: “Anlánekxak sa' nentáhakxa yaqwayam agmasséssók Jeremías. Megkatnehek eyke chá'a meyke apkelmaxnéssesso Dios énxet'ák apagkok yaqwayam hẽlxekmóssek, apxámok nahan ma'a apkelya'áseyak nak aqsok, yaqwayam hempékessesagkok, tén han Dios appeywa apkellegasso yaqwayam chá'a hẽltennaksek Dios appeywa. Ansexnenak sa', yaqwayam sa' emátog. Mageyxók sa' chá'a m'a aptáhakxa enxoho chá'a sẽláneya.”

Jeremías 20:10

Añohok chá'a ko'o etnehek elyexchesakpohok elpaqmétek énxet'ák se'e: “¡Sawheykxók élmeneymaxche ekyókxoho yókxexma!” Etnehek nahan chá'a s'e: “¡Kólchempoho, ansexnenak sa'!” Weykmók nahan chá'a apkelhaxanma atlapmok ma'a sélxegexma'a ahagko' nak. Etnehek chá'a elpaqmétek se'e: “Elyahakxohok sa' kexa kólyexanchesha; keñe sa' agmok, agyaqmagkásekxak ma'a senteméssessamakxa nak negko'o.”

Jeremías 36:23

Xama axta appenchesa apkelyetsete Jehudí ántánxo essenhan cuatro kéltáxésso, apyaqténchek axta wesse' apwányam xama sawo m'a weykcha'áhak, tén axta apkelwatna. Cháxa apteméssesakxa axta xa, ekwokmoho eksawhéxko élmeyesma ekyókxoho m'a weykcha'áhak nak.

Jeremías 38:4

Tén axta apkelámha apmonye'e aptáha apcháneya wesse' apwányam se'e: —Tásek agaqhek xa énxet nak, hakte kelyélaqtéssessegkek chá'a apkelwáxok appeywa m'a sẽlpextétamo apkeleymomap nak makham se'e tegma apwányam nak, tén han ma'a apyókxoho énxet'ák. Mektagkassók ektaqmalma apheykha énxet'ák xa énxet nak, apmáheyók aqsa etwássesha apheykha.

Amós 5:10

¡Kéxegke laye, kéltaqnagko nak chá'a m'a énxet apmasma nak nentémakxa ekpéwomo, tén han megkaleklo nak chá'a kélwáxok ma'a apteméssesso nak chá'a naqsók appeywa!

Miqueas 2:11

Yetneyk agkok xama énxet aptamheykha apmopwána amya'a, etnehek chá'a s'e: “Añeksohok chá'a ko'o kéxegke m'a anmen yámet égmenek, tén han ma'a mók anmen nak”, cháxa yaqwayam etnehek Dios appeywa aplegasso apagkok ekleklamo apwáxok xa énxet'ák nak.

Miqueas 2:7

¿Apkeltaqnómakpek enxeykel'a m'a Jacob énxet'ák apagkok? ¿Aplamchek enxeykel'a kaxwók ma'a Dios? ¿Keya aptémakxa Dios elának aqsok xa? ¿Megkataqmalmakhaya chá'a appeywa elának ma'a ekpéwo nak aptémakxa?

Zacarías 11:8

Élántekkessek axta nahan apqántánxo keláneykha nepkések xama pelten, séleklágwayam axta ko'o apkeltémakxa tén han setaqnagko axta ko'o.