1 Reyes 22:34 - Biblia Enxet

³⁴ Apya'ássek axta aqsa han apmakta'a yágke xama sẽlpextétamo, tásek axta han apmakte m'a wesse' apwányam Israel, apchaqhassásawo malámog apcháhakkásamap. Keñe axta aptáha apcháneya m'a apxegkesso axta yátnáxeg apyenyawasso apagkok: —Etaqheksoho sa', hetekkesek sa' ko'o s'e émpakháxchexa nak, tásek ko'o sekmaktamaxche'.

1 Reyes 22:34 ပူးပေါင်းရင်းမြစ်များ

2 Samuel 15:11

Apkeláneyáha axta han doscientos énxet apkeleñama Jerusalén, apkelxegkek axta apkelyo'ókmo yetlo meyke ektamheykha apkelwáxok, tén han meyke apkelya'áseyak ektáhakxa'.

1 Reyes 22:17

Keñe axta Micaías aptáha s'e: “Ekweteyak ko'o apyókxoho israelitas apkexpaqneykencha'a m'a egkexe nak, máxa m'a nepkések meykel'a éltaqmelchesso. Aptemék han Wesse' egegkok apkelxeyenma s'e: ‘Méko wesse' apagkok xa; tásek eltaqhekxak aqsa apxanák yetlo meyke ektáhakxa apkelwáxok.’”

1 Reyes 22:33

apkelwet'ak axta metnaha wesse' apwányam Israel ma'a, keñe apkelwátesagko apyaqmasso.

1 Reyes 22:35

Kayhek axta apkelnápomap xa ekhem nak, keñe m'a wesse' apwányam nak, kélchenegkáseyha axta aqsa m'a kañe' nak apchánte yátnáxeg apyenyawasso, kélenmexchásawo m'a sirios. Taxnakmek axta eyke apketsapa, hakte kelpexyawánteyk axta éma apagkok ma'a kañe' awáxok nak yátnáxeg apyenyawasso eñama apyense.

2 Reyes 9:24

Keñe axta apkeykesa axát'ák yágke apagkok Jehú apmakta'a m'a Joram, apkapok axta taxnak, mallahanwokmók axta m'a aphekhek, tén axta Joram apyaqnena apketsapa m'a kañe' nak yátnáxeg apyenyasso apchánte.

2 Crónicas 18:30

Apkeltamhók axta eyke wesse' apwányam Siria, mektamagkehek metnaha enxoho wesse' apwányam Israel ma'a sẽlpextétamo apkelámha apmonye'e apagkok, apkelchántamo axta chá'a yátnáxeg apkelyenyawasso apkenchesso kempakhakma.

2 Crónicas 35:23

apkelyát'ak axta yágke, apkelmeykha nak yágke m'a wesse' apwányam Josías. Tén axta wesse' apwányam aptáha apkeláneya sẽlpextétamo apkelámha apmonye'e apagkok se'e: “¡Héltekkes ko'o s'e émpakháxchexa nak, tásek ko'o sekmaktamáxche'!”

Lamentaciones 3:37

Xénáxcheyk agkok chá'a xama aqsok, temégwokmok agkok nahan chá'a exma, Wesse' egegkok apkeltémo katnehek xa.

Miqueas 6:13

Cháxa keñamak seklegássásegkoho nak, tén han sekmasséssekmo eñama mey'assáxma.

1 Samuel 17:49

Appogwatweykxeyk axta nahápa apagkok, aplekkek axta xama meteymog apketchesa m'a mélwakto apagkok apyenha m'a filisteo, ekpayhakxa nápat axta han apchaqhásawo', apkelpólégkek axta han apyaqnena filisteo ektaxna ekpayhakxa nápat ma'a meteymog.