1 Reyes 21:3 - Biblia Enxet

³ Apchátegmowágkek axta Nabot ma'a Ahab: —Mowanchek ko'o agkések xép xapop segkeyáseykekxa axta ẽlyapmeyk nano'.

1 Reyes 21:3 ပူးပေါင်းရင်းမြစ်များ

Génesis 44:17

Aptáhak axta apcháneya José s'e: —Matnéssesek sa' xa ektáha nak. Sa' eyke aqsa atnehek seyásenneykha naqsa m'a kélwetasa nak egheykok. Keñe sa' kélnápakha nak kóltaqhekxa aqsa kólmeyekxak ma'a kélyáp apxagkok nak. Méko sa' kalya'aksek exma.

Génesis 44:7

aptáhak axta apkelátegmowágko s'e: —¿Yaqsa ektáha aptáha nak xép sẽláneya xa ektáha nak? ¡Mantemék negko'o xama enxoho xa ektáha nak!

1 Crónicas 11:19

Axta aptáhak se'e: “¡Megyohók ko'o eynek ma'a Dios! ¡Hakte máxa katnehek sekyena enxoho éma apagkok se'e énxet'ák, melmeyágweykxo nak apkelyennaqte apkelmahágko seyekwéssekmo yegmen!” Axta emakók ének. Cháxa ektáhakxa axta aqsok apkeláneyak ma'a apqántánxo énxet'ák megyeye nak elmahagkok eyesagkexa'.

Job 27:5

Alenxanmohok sa' aqsa sekxeyenma sekteme meyke sektémakxa sekyennákxa nak makham; ¡magwohók sa' ko'o kéxegke kólteméssesek naqsók ma'a kéltémakxa sélxeyenma!

Ezequiel 46:18

Mopwanchek nahan émentagwók aqsa ektáhakxa enxoho xapop apagkok énxet ma'a wesse' apkeláneykha nak apchókxa. Apkelméssek agkok chá'a apketchek ma'a aqsok apkeltaqmelchessesso nak yaqwayam elmeyásekxa', tásek elmések chá'a m'a ektáhakxa nak chá'a xapop apagkok; keñe sa' méko xama énxet enxoho etnehek meyke nak xapop apagkok, megyexpaqnaha sa' nahan ma'a énxet'ák ahagkok.”

Levítico 25:23

“Megkólyenyewek sa' chá'a kéxegke xapop kélyamasmo kélagko': ko'o ahagkok xapop, yaqwatakxoho kélheykha eyke aqsa kéxegke kañe' nak, máxa meyk'a ahagkok ko'o.

Números 36:7

Megkólwanchek kólmeyásekxak chá'a pók énxet ma'a xapop ekpehewayam nak chá'a apxawe xama énxet ma'a Israel; apyókxoho israelitas payhawók etaqmelchessesek chá'a xapop apagkok yaqwayam egkeyásekxak ma'a ektáhakxa nak chá'a énxet'ák apagkok apagko'.

Números 36:9

Megkólwanchek kólmeyásekxak pók énxet ma'a xapop nak. Apyókxoho énxet'ák Israel payhawok chá'a eltaqmelchesek ma'a xapop élpehewayam nak chá'a apkelxawéyak.

Josué 22:29

Mogwanchek negko'o ónmexekxak ma'a, mogwanchek han agyenyók, mogwanchek han anlának mók ekwatnamáxchexa aqsok yaqwayam agwatnek ma'a aqsok kéltósso, essenhan ansakxak ma'a aqsok negmésso naqsa kélcheneykekxa nak ekyexna, essenhan han ma'a mók aqsok nélnapma, megkatnaha enxoho m'a ekwatnamáxchexa nak aqsok apagkok ma'a Dios Wesse' egegkok, ekyetnama nak ma'a ekpayho nak tegma appagkanamap apagkok.

Josué 24:16

Keñe axta énxet'ák aptáha apkelátegmowágko s'e: —¡Magyenyewek eyke negko'o Wesse' egegkok agyetlakxak ma'a mók aqsok kéláyókxa nak!

1 Samuel 12:23

Ko'o han, malanyek sa' chá'a may'assáxma nápaqtók Wesse' egegkok, sélwátéssekmo sa' sélmaxnéssesso kéxegke. Awasqápekxohok sa' sélxekmósso yaqwayam enxoho kóllának chá'a kéxegke aqsok ektaqmela, tén han ma'a ekpayhawo nak chá'a kóltéhek.

1 Samuel 24:6

aptáhak axta apkeláneya m'a apkelxegexma'a: —¡Megyohók ko'o atnéssessamhok exma ekmaso Wesse' egegkok ma'a wesse' apwányam ahagkok nak! ¡Hakte wesse' apwányam xa, Wesse' egegkok apagko' axta han apkelyéseykha!