1 Reyes 2:6 - Biblia Enxet

⁶ Elána sa' aqsok yetlo apya'áseykegkoho, nágyoho kataqmelek apketsapma.

1 Reyes 2:6 ပူးပေါင်းရင်းမြစ်များ

Génesis 42:38

Aptáhak axta apchátegmowágko Jacob se'e: —Melyetlewek sa' kéxegke m'a hatte nak. Apketsepmeyk ma'a José, apepma axta, wánxa apkeymomákpo xa. Temégwokmok agkok exma neyseksa kélxega, kéxegke han kañék sélsexnenagko watsapok sélapwayam, sektáha nak énxet apwányam.

Génesis 9:5

Añássesagkohok sa' ko'óxa m'a énxet apchaqhe nak chá'a pók, tén han aqsok nawhak eyaqhe nak chá'a énxet. Wának sa' chá'a emátog ma'a énxet apchaqhe nak chá'a pók.

Génesis 9:6

“Apchaqhak sa' agkok pók énxet, énxet sa' nahan yaqhek ma'a, hakte apkelánamákpek axta énxet aphawo aptémakxa nak Dios.

2 Samuel 3:39

Cháxa keñamak sekyelqáxko nak ko'o sekwet'a aptamhágkaxa m'a Seruiá étchek apkello nak, sektáhakxoho eykhe ko'óxa wesse' apwányam, Dios axta sélyéseykha. ¡Wesse' egegkok sa' eñássesagkohok ektáha nak apkelane s'e aqsok ekmaso nak!

1 Reyes 2:7

Keñe sa' ma'a Barzilai apketchek, apkeñama nak Galaad, kataqmalmakha sa' apwáxok elano', epásem sa' chá'a apto, hakte etaqmelchessegkek axta ko'o sényahama axta seyáya m'a apepma' Absalón.

1 Reyes 2:9

Nágkapyósho aqsa elano'. Apwanchek xép aqsok, ey'asagkoho sa' yaqwánxa etnéssesek. Yának sa' emátog ekmaso agko'.”

1 Reyes 3:12

alának sa' ma'a sélmaxneya nak: agkések sa' apya'áseykegkoho tén han apmopwána, megkeytnama axta chá'a xama meykexa axta exchep, méko sa' nahan keytek ma'a neptámen sa' xép.

2 Reyes 22:20

Cháxa keñamak peya nak ko'o wohok yetsapok xép meyke ektáhakxa, epáxaqwakxak sa' ma'a apyapmeyk nano', metagkehek sa' aqsok ekmaso peya nak ko'o wahak se'e yókxexma nak, tén han nepyeseksa énxet'ák apheykha nak kañe'.’ Apkeltaqháwok axta m'a wesse' apwányam apkeláneykha, yaqwayam esakxések ma'a amya'a nak.

Salmos 37:37

Elano énxet meyke nak aptémakxa, tén han eyáxñeyo nak aptémakxa: yetneyk aptawán'ák neptámen ma'a énxet meyke nak ektáhakxa apha.

Proverbios 20:26

Elántekkesek chá'a aphakxa wesse' apwányam apya'áseykegkoho nak aqsok ma'a élmasagcha'a nak apkeltémakxa, elteyágkasek chá'a aqsok amnek.

Proverbios 28:17

Énxet apchaqhe nak chá'a pók, esexnánekpok sa' ekwokmoho apketsapa: ¡nágkólmeyaw chá'a!

Eclesiastés 8:11

Megkólmagkek chá'a ekmanyehe agko' ma'a aqsok ekmaso nak, megkóllegássesagkók nahan chá'a m'a ektáha nak apkelane, cháxa keñamak ekxéneykencha'a nak aqsa apwáxok énxet elának ma'a aqsok ekmaso nak.

Isaías 48:22

Méko ektaqmalma apheykha m'a élmasagcha'a nak apkeltémakxa. Wesse' egegkok apxeyenma xa.

Isaías 57:2

tén han ekyetna kaxwók ma'a meyke ektáhakxa apkelwáxok. Apkelyetlamchek axta ámay ekpéwomo keñe kaxwók apkellókasa apkelyampe m'a kañe' takhaxpop apagkok.

Isaías 57:21

Méko ektaqmalma apheykha m'a énxet'ák élmasagcha'a nak apkeltémakxa.” Dios apxeyenma xa.

Isaías 65:20

Méko sa' xama sakcha'a yetsapok aptáhakxoho ketchetsék ma'a kañe' nak, méko sa' nahan xama enxoho apwányam yetsapok aqsa neyseksa mewagkasso néxa apteme apwányamo. Apketsapma nak cien apyeyam apagkok exénakpok sa' apketsapma apketkok, keñe sa' ma'a mewayam nak cien apyeyam apagkok, exénakpok sa' aptaqnómap.

Números 35:33

“Nágkóletsagkas apchókxa kélheykegkaxa nak, hakte katsagkashok apchókxa m'a ekyetno nak negyógkexma, wánxa aqsa nahan awanchek kataqmelekxak apchókxa m'a apmatñà enxoho m'a ektáha nak ekyetno apyógkexma.