1 Reyes 19:9 - Biblia Enxet

⁹ Xama axta apwokmo m'a, keñe aptaxnegwokmo kañe' meteymog áxwa, axta apténak axta'a m'a. Appaqhetchessek axta eyke Wesse' egegkok ma'a, aptáhak axta apcháneya: “Elías, ¿yaqsa apkelana s'e?”

1 Reyes 19:9 ပူးပေါင်းရင်းမြစ်များ

Génesis 16:8

Aptáhak axta apkelmaxneyáncha'a s'e: —Agar, Sarai nak eyásenneykha, ¿háxko éñamakxa? ¿Háxko ekmahágkaxa? —Wesse' ahagkok Sarai ko'o ekyexánegkásak —axta entáhak eyátegmowágko.

Génesis 3:9

Apwóneyha axta eyke Dios Wesse' egegkok ma'a énxet. Aptáhak axta apkelmaxneyeyncha'a s'e: —¿Háxko apmahágkaxa?

1 Reyes 19:13

Xama axta apleg'a, yetlókok axta apchaqlasso nápat apchaqlamap ma'a Elías, aptekkek axta keñe apkenegwákxo m'a átog nak meteymog áxwa. Cháxa apleg'akxa axta han kélpeywa ektáha eyáneya s'e: “Elías, ¿yaqsa apkelana xa?”

Jeremías 2:18

¿Yaqsa kagkések kéxegke kólmeyekxak Egipto kólyahagwakxak yegmen ma'a wátsam Nilo? ¿Yaqsa kagkések kéxegke kólmeyekxak Asiria kólyahagwakxak yegmen ma'a wátsam Éufrates?

Jeremías 9:2

¡Kaxho annal'a xama yókxexma sekhamakxa m'a meykexa nak énxet, yaqwayam enxoho axnamok makhawo' akxák apheykegkaxa m'a énxet'ák ahagkok! Hakte apyókxoho aptamhéyak apnaqtawáseykegkoho apnaqteyegka'a m'a apkelánegwayam chá'a mók; tén han appelakkassesso chá'a elsexnenak apnámakkok.

Jonás 4:5

Aptekkek axta Jonás ma'a nepyeseksa nak tegma apwányam, appakxenwokmek axta m'a ekpayhókxa nak ekteyapmakxa ekhem nepyáwa tegma apwányam. Axta apkelánegwokmok xama appakxanma yámet áwa' m'a, tén axta apha kóneg pessesse agkok, apkelhaxna etagkohok yaqwánxa katnehek ma'a tegma apwányam.