1 Reyes 19:2 - Biblia Enxet

² Keñe axta Jezabel eyáphasa xama apseykha amya'a éltamho etnehek yának Elías se'e: “¡Elías xeyep, Jezabel ko'o! Heñássesagkohok sa' ko'o ekyentaxno agko' aqsok séláyókxa matnéssesa enxoho ko'o exchep saka, keso ekwánxa nak ekhem, apteméssesakxa axta exchep ma'a apkellegasso nak Baal ekpeywa.”

1 Reyes 19:2 ပူးပေါင်းရင်းမြစ်များ

2 Samuel 19:13

Axta apkeltamhók han kóltéhek kólának ma'a Amasá: “Émók ahagko' ko'o exchep, xép sa' etnehek kaxwók apkemha apmonye' sẽlpextétamo ahagkok, apyaqmagkasso m'a Joab. Sa' agkok alanak xa sektáhakxa nak sekpeywa, Wesse' egegkok sa' heñássesagkohok ekyentaxno agko'.”

2 Samuel 3:9

¡Heñássesagkohok sa' ko'o ekyentaxno agko' Wesse' egegkok matnéssesa enxoho David ma'a apmáheyókxa axta etnéssesek Wesse' egegkok,

1 Reyes 2:23

Tén axta apteméssesa naqsók agko' appeywa wesse' apwányam Salomón yetlo apxeyenma apwesey Wesse' egegkok: “¡Heñássesagkohok sa' ko'o Dios ekyentaxno agko' megyetsapa enxoho Adonías, eñama xa aptémakxa nak appeywa.

1 Reyes 2:28

Appasmeykekxeyk axta Joab ma'a Adonías, keñe axta mepasmoma m'a Absalón; xama axta apleg'a amya'a Joab ma'a ektáhakxa axta, yetlókok axta apkenye apmahágko m'a Wesse' egegkok kélpakxanma appagkanamap apagkok, apyexánegwokmek axta m'a ekwatnamáxchexa nak aqsok.

1 Reyes 20:10

keñe axta Ben-hadad apkeltamho kóltéhek kólának Ahab: “¡Heñássesagkohok sa' ko'o ekyentaxno agko' aqsok séláyókxa eyeyméxko enxoho ketsék xóp ánek ma'a Samaria, yaqwayam enxoho almésagkok chá'a m'a sélxegexma'a!”

2 Reyes 19:22

¿Yaqsa axta énxet apkenmexeyncha'a chá'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

2 Reyes 6:31

Keñe axta aptáha wesse' apwányam se'e: “¡Heñássesagkohok sa' ekyentaxno agko' Dios se'e ekhem nak, mayaqténchesa enxoho apyespok ma'a Eliseo, apketche nak Safat!”

Éxodo 10:28

Aptáhak axta nahan faraón apcháneya Moisés se'e: —Etyep kaxwók se'e, ná ewatámho aqsa kaxwo' hetyánegwatámho', hakte apwa'akteyk sa' agkok makham xama ekhem se'e sekhakxa nak, yetsapok sa'.

Éxodo 15:9

Keñe m'a ektáha axta sẽlenmexma ektáha élchetamso apwáxok se'e: ‘Agmenxenek sa' ekwokmo néltahanyékxo, agmelaskok sa' nahan ma'a aqsok nélyementaméyak enxoho, ekwokmoho élpayhékxo egwáxok. Ólhexyawasagkok sa' sawo élwenaqte egagkok, tén sa' egmék kamasséssók ma'a apyókxoho.’

Proverbios 27:1

Nágkeyxkoho chá'a appeywa exének elának aqsok saka, hakte mey'asagkehek xép katnehek ma'a élsaka enxoho.

Jeremías 20:10

Añohok chá'a ko'o etnehek elyexchesakpohok elpaqmétek énxet'ák se'e: “¡Sawheykxók élmeneymaxche ekyókxoho yókxexma!” Etnehek nahan chá'a s'e: “¡Kólchempoho, ansexnenak sa'!” Weykmók nahan chá'a apkelhaxanma atlapmok ma'a sélxegexma'a ahagko' nak. Etnehek chá'a elpaqmétek se'e: “Elyahakxohok sa' kexa kólyexanchesha; keñe sa' agmok, agyaqmagkásekxak ma'a senteméssessamakxa nak negko'o.”

Jeremías 26:21

Aplegayak axta nahan wesse' apwányam Joaquim, tén han apkeláneykha, tén han ma'a apkelámha apmonye'e apagkok, ektémakxa axta aqsok apxeyenma, keñe axta wesse' apwányam apmáheyo eykhe yának emátog. Xama axta aplegaya m'a Urías, apcháyak axta, tén axta apxegáneykmo apmaheykegko m'a Egipto.

Daniel 3:15

¿Kóltekxeyagkoya sa' kaxwók kéltapnák amonye' m'a kéleykmássesso séltémo axta héllanaksek, kélleg'a enxoho élpáwa m'a aqsok kélpáwasso nak? ¿Kólpeykeshoya sa'? Sa' agkok kólpeykásawo', kaxwók sa' kólchexák kañe' táxa axagkok eyáléwágkaxa nak; ¿yaqsa sa' dios apwanchek elwagkasek teyp?

Rut 1:17

Watsapwók sa' nahan ma'a étsapwánxa enxoho exche', sa' émenyeyk han hélátawañegwók ma'a. Hakte heñássesagkohok katnehek ko'o Wesse' egegkok ekyentaxno agko' sekyenyawa enxoho exche', megkatnaha enxoho seyenyókasso m'a nétsapma.