1 Reyes 18:7 - Biblia Enxet

⁷ Náxet ámay axta han aptépak Elías apmonye' m'a Abdías, xama axta apyekpelchágwokmo m'a, keñe apháxahánto apmonye', aptáhak axta apcháneya s'e: —¡Elías wesse' ahagkok neyke!

1 Reyes 18:7 ပူးပေါင်းရင်းမြစ်များ

Génesis 18:12

Axta keñamak éktegmeyncha'a awáxok ma'a Sara, axta táhak awáxok se'e: ¡Mogwanchek enxa'agkok negko'o óltemégwomhok exma kaxwo', nélwányamók nentamhágkok!

Génesis 18:2

Apkelyaháha axta Abraham, apwet'ak axta apchaqnáncha'a apqántánxo énxet ma'a ekpayhókxa aphakxa'. Xama axta apwet'a, yetlókok axta apchampeykekxa néten apkelma takha', apháxahánteyk axta ekwokmoho aptekxeya ekpayhakxa nápat xapop,

Génesis 44:16

Aptáhak axta Judá apchátegmowágko s'e: —¡Méko negko'o antéhek agának xép! ¿Háxko antéhek negko'o anxekmósek xép megkatnaha nenteme? Apweteyak negko'o Dios nenláneya mólya'assáxma. Keso negchaqnáncha'a negko'o s'e; negko'o nenteme apkelásenneykha naqsa, tén han ma'a kélwetasa nak egheykok.

Génesis 44:20

keñe axta negko'o negátegmowágko néltennasa apha egyáp apwányamo, tén han pók egyáxeg apketkok apagko', aptéyam axta aptéma apwányamók ma'a egyáp nak. Néltennássek axta han apchásekhayo apagko' ma'a egyáp nak, hakte wánxa axta xama apkeymomákpo apketche apagko' egken xamo' ma'a, hakte apketsepmeyk ma'a pók apepma axta.

Génesis 44:33

Hexneyásekxa ko'o yaqwayam atnehek apchásenneykha naqsa, sekyaqmagkasso m'a wokma'ák nak. Yána elyetlakxak apkelpepma m'a.

Génesis 50:18

Keñe axta apkelya'aweyktámho apagko' ma'a apkelpepma nak, apkelháxahanteyk axta apmonye' ekwokmoho apkeltekxeya élpayhakxa nápaqta'a xapop, aptáhak axta apcháneya s'e: —Keso negko'o s'e. Negko'o nenteme apkelásenneykha naqsa.

2 Samuel 19:18

apkelyeykhákxo m'a éttakhexa nak wátsam yaqwayam epasmok apkelyeykheykekxa m'a wesse' apwányam apnámakkok, yaqwayam enxoho kataqmalmakha makham apwáxok elanok ma'a wesse' apwányam. Xama axta peya eyeykhekxak wesse' apwányam ma'a wátsam Jordán, apháxahánteyk axta apmonye' m'a Simí,

1 Reyes 11:29

Xama ekhem axta aptahanya'awo Dios appeywa aplegasso Ahías ma'a Jeroboam, aptepa axta m'a Jerusalén, cham'a Ahías apkeñama axta m'a Siló, aphaxnagko' axta han apchaqlamap ma'a. Apxakcha'awók axta han apháha apqánet ma'a yókxexma,

1 Reyes 18:6

Apkexpáncháseykpek axta yaqwánxa elweynchamha chá'a xama m'a apchókxa nak, Ahab axta apmahágkok mók ámay, keñe axta Abdías han ma'a mók ámay nak.

1 Reyes 18:8

—Éhay, ko'o —axta aptáhak apchátegmowágko Elías—: Eltennássekxa sa' wesse' apagkok sekha ko'o s'e, axta aptáhak han apcháneya.

Isaías 60:14

Elya'áwak sa' kéxegke m'a apketchek nak énxet'ák apnaqtawáseykegkoho axta chá'a, eltekxeyagkok sa' aptapnák kélmonye'e, metwasha apagko' sa' elháxahagkok eltekxeyagkok aptapnák xóp kélchaqnágkaxa apyókxoho m'a ektáha axta chá'a apkelwanyeykha, eltéhek sa' nahan Jerusalén ‘Wesse' egegkok Tegma Apwányam apagkok’, ‘Dios Aptaqmalma nak Israel Sión apagkok’.

Números 12:11

aptáhak axta apcháneya Moisés se'e: “Moisés, wesse' ahagkok, ná hẽllegássesagkoho aqsa eñama nenlane xa mólya'assáxma nak, nenlánegko nak yetlo sẽlyeyháxma.

1 Samuel 20:41

Xama axta apwenchapákxo m'a apkeláneykha nak, aptekkek axta David ma'a teyp eyaqneykekxexa axta meteymog, ántánxo apháxaheykenta axta han aptáhak David apmonye' m'a Jonatán, ekweykmoho aptekxeya ekpayhakxa nápat xapop. Appathetáha axta han pók, apkellekxagweyha axta han ekwokmoho ektaqmelákxo apwáxok David.