1 Reyes 18:2 - Biblia Enxet

² Apxegkek axta Elías apmeyákxo m'a aphakxa nak Ahab. Awanhók agko' axta ekteyapma meyk segaqhe m'a Samaria.

1 Reyes 18:2 ပူးပေါင်းရင်းမြစ်များ

1 Reyes 18:1

Wenaqtémók axta élyeykhéyák ekhem. Apqántánxo apyeyam axta temék, keñe Wesse' egegkok aptéma apkenagkama Elías se'e: “Emyekxa sa' ma'a aphakxa Ahab, hakte wáphaksek sa' ko'o makham ekmámeye.”

1 Reyes 18:3

Apcháneyáha axta Ahab ma'a Abdías, apkemha apmonye' apagkok axta chá'a m'a aphakxa nak, apteme axta apkelpeykessamo Wesse' egegkok yetlo apcháyo apagko',

2 Reyes 1:4

Eltennés sa' han sektáha ko'o sekxéna m'a Ocozías, ko'o sektáha nak Wesse': ‘Metaqmelwomek sa', yetsapok sa' aqsa.’” Apxegkek axta han ma'a Elías, aptemék axta m'a apcháneyákpexa axta etnehek.

2 Reyes 6:25

Teyepmeyk axta meyk segaqhe m'a Samaria, hakte apwakhamákpók apagko' axta, meyke nentepakxa', ochenta sawok selyaqye aktek ekmope axta han weykmok ekyánmaga xama m'a yámelyeheykok apqátek, keñe axta cinco sawok selyaqye aktek élmope m'a un cuarto litro wáx'ay apteyáseykha.

Salmos 27:1

Wesse' egegkok apteme ko'o sélsássessóxma, tén han sewagkasso teyp, ¿yaqsa aqsok ko'o wé'? Wesse' egegkok apteme semasma, ¿yaqsa awanchek ko'o hégwakkasek?

Salmos 51:4

Xép aqsa énmexmak séláneya may'assáxma, xép aqsa énmexmak séláneya aqsok ekmaso aptaqnagkamo nak chá'a exchep. Cháxa keñamak ekpayhawo nak ma'a yaqwánxa nak hetnéssesek; naqso' agko' ma'a ektémakxa nak xép segyekpelchémo.

Salmos 56:5

Yókxoho ekhem sepaqhetchesseykta ekmaso; wánxa aqsa élxeyenma apkelwáxok hetnéssessamhok exma ekmaso.

Proverbios 28:1

Méko eykhe chá'a kayaqmaksek ma'a ekyeyháxma nak, exyenmok aqsa chá'a, méko eyke katnehek chá'a apkelakakxa m'a apkelpéwomo nak, máxa etnahagkok ma'a ektémól'a yámakméwa.

Isaías 51:12

“Ko'o ahagko' sélwasqakkáseykekxoho chá'a kéxegke. ¿Yaqsa kéláya chá'a kéxegke? ¿Énxet ya? ¿Keya kélayeyk chá'a kéxegke m'a énxet'ák apkeletsapmo nak chá'a, aphémo nak pa'at?

Jeremías 14:18

Ektekkek agkok yókxexma, ótak kaxnagkok kélhapák aptekyawa neyseksa kempakhakma; ektaxneyk agkok tegma apwányam, ótak apkeletsapma énxet'ák eñama meyk élnapma. Weykmok apkellegasso Dios appeywa, tén han apkelmaxnéssesso Dios énxet'ák apagkok apkelmaheykegko m'a apchókxa melya'ásegkaxa nak.’”

Levítico 26:20

Kaqhok sa' chá'a kólwasqápekxohok kóltemeykha, megkatekkesek sa' xama aqsok enxoho m'a xapop, megkeyxek sa' han yenta'a élaqnéyak nak yókxexma.

Levítico 26:26

“Ekmasséssekmek sa' agkok ko'o m'a kéltéyak nak, diez kelán'ák sa' chá'a kamakhetchesek kéltéyak kéxegke xama táxa axagkok, ketsék sa' chá'a kalmésagkok, kóltawagkok sa' eykhe, megkólyaqkanmehek sa' eyke chá'a.