1 Reyes 18:1 - Biblia Enxet

¹ Wenaqtémók axta élyeykhéyák ekhem. Apqántánxo apyeyam axta temék, keñe Wesse' egegkok aptéma apkenagkama Elías se'e: “Emyekxa sa' ma'a aphakxa Ahab, hakte wáphaksek sa' ko'o makham ekmámeye.”

1 Reyes 18:1 ပူးပေါင်းရင်းမြစ်များ

1 Reyes 17:1

Aptáhak axta Elías apcháneya m'a Ahab, cham'a Elías, apteme axta Dios appeywa aplegasso apkeñama axta Tisbé, yókxexma nak Galaad: “¡Naqsók ko'o ektemessásak yetlo sekxeyenma apwesey Wesse' egegkok, Dios nak Israel, sekyetleykencha'a nak ko'o, megkammakyek sa' se'e apyeyam nak, tén han egmonye' nak, megkatyemek sa' nahan yálye, ekwokmoho séltamho sa' ko'o makham!”

1 Reyes 17:15

Taqháwok axta kelán'a tampe' élánegwákxo m'a apkeltamho axta kalának ma'a Elías. Cháxa kelán'a nak yetlo étche tén han Elías, xámok axta ektéyak yaqwayam kalmaha ekxámokma agko' ekhem.

1 Reyes 17:7

Yáma wenaqtémok axta han, keñe ekyamáya m'a alwáta', hakte axta kammayék xa apchókxa nak.

1 Reyes 18:2

Apxegkek axta Elías apmeyákxo m'a aphakxa nak Ahab. Awanhók agko' axta ekteyapma meyk segaqhe m'a Samaria.

1 Reyes 8:36

yeyxho sa' xeyep ma'a aphakxa nak néten, ná eyaqmagkásekxa apkeltémakxa melya'assáxma m'a apkeláneykha, énxet'ák apagkok nak Israel, elxekmós ma'a ámay ektaqmalma eyeyméxko nak elyetlók. Yáphés sa' ekmámeye s'e xapop nak, apmeyáseykekxa axta m'a énxet'ák apagkok.

Isaías 5:6

ektaqmópeyak sa' atnessásekxa'. Megkólyaqténchesagkek sa' nahan chá'a m'a axchakkok, megkólápetchesek sa' nahan chá'a m'a pa'at, kápekxak sa' ma'a am'ák tén han ma'a ekmompánaqma nak. Wának sa' nahan ko'o megkáphássesek ekmámeye m'a yaphope, yaqwayam sa' megkayássese'.

Jeremías 10:13

Appeywa ekyennaqte chá'a epáwaksek awáxok yegmen ekyetnama nak néten, etekkesek chá'a yaphope éleñama m'a néxa xapop nak; etekkesek chá'a apkelyenma neyseksa ekmámeye; etekkesek chá'a éxchahayam eñama m'a appekkenmakxa nak.

Jeremías 14:22

¿Yetnéya neyseksa xama aqsok kéleykmássesso m'a ekmowána nak kamámeyaksek? ¿Awancheya káphaksohok agkok ekmámeye m'a yaphope? ¡Ma', Dios Wesse' egegkok! Xép chá'a apcháphasso m'a, xép chá'a apkelane xa ekyókxoho aqsok nak; ¡cháxa keñamak nélhaxanma nak negko'o exchep!

Joel 2:23

¡Kalpayhekxa kélwáxok, kéxegke kélheykha nak Sión, kalpayhekxa kélwáxok eñama m'a Dios Wesse' kélagkok! Apméssek kéxegke ekmámeye ekweyktamxal'a chá'a, cham'a ekmámeye ekweyktámhol'a chá'a apmopsamágekxa nak, tén han ma'a élyapweykxal'a, aptémakxa axta chá'a m'a nanók axta.

Levítico 26:4

wáphássesek sa' ko'o ekmámeye ekweyktamxa nak chá'a ekhem, keñe sa' xapop tén han ma'a yenta'a élaqnéyak nak yókxexma, keyxek sa';

Amós 4:7

“Axta nahan wáphássessók ekmámeye ekweykmoho apqántánxo pelten amonye' kélnakxo m'a aqsok ekyexna kélcheneykekxa. Xama tegma apwányam axta aqsa chá'a ko'o ekmáméssók keñe chá'a pók tegma apwányam maltémo kamme'; xama yókxexma axta aqsa chá'a kamme' keñe axta chá'a mók yókxexma ekyamáya eñama meyke yegmen;

Deuteronomio 28:12

Emeykessesek sa' ma'a apxátamakxa nak aqsok apagkok ektaqmalma, cham'a néten, yaqwayam sa' kayássesek chá'a ekmámeye m'a xapop apagkok eyeyméxko enxoho chá'a; kataqmelchessesek sa' ekyókxoho m'a aptamheykha. Apwanchek sa' elmássesha chá'a exchep aqsok apagkok apxámokma m'a pók aptémakxa nak chá'a énxet'ák, keñe sa' xép, melmaxnayhek sa' chá'a xama énxet enxoho yának emássesha aqsok apagkok.