1 Reyes 17:6 - Biblia Enxet

⁶ Kasakxések axta chá'a kágqag pán, tén han ápetek, axto'o tén taxnám. Tén axta ének chá'a yegmen ma'a alwáta' nak.

1 Reyes 17:6 ပူးပေါင်းရင်းမြစ်များ

1 Reyes 13:28

Tén axta apxega m'a Dios appeywa aplegasso apwányamo, apwetágwokmek axta han kélhápak ekyetna ámay, tén han ekyagqa yámelyeheykok ekpayhókxa tén han méwa. Axta han katáwak kélhápak ma'a méwa, axta han kaqhak ma'a yámelyeheykok.

1 Reyes 17:5

Apkelyahákxók axta Elías ma'a apkeltamhókxa axta etnehek Wesse' egegkok, apxegkek axta aphakmo m'a neyáwa nak alwáta' Querit, ekpayho nak ekteyapmakxa ekhem ma'a teyp Jordán.

1 Reyes 17:7

Yáma wenaqtémok axta han, keñe ekyamáya m'a alwáta', hakte axta kammayék xa apchókxa nak.

1 Reyes 19:6

Apsawheyha axta exma Elías ma'a nekha apyetnakxa, apwet'ak axta nekha apteyáyam apyetna xama pán, kélmakhetchesso nak néten átex, tén han xama egheykok yegmen. Aphákxeyk axta néten, aptókek axta apto, apyenchek axta han yegmen; tén axta apyetnákxo makham.

1 Reyes 19:8

Aphákxeyk axta néten Elías, keñe aptawa apto tén han apyena yegmen. Cháxa ekméssama axta apyennaqte yaqwayam exog ekweykmoho cuarenta ekhem, tén han cuarenta axta'a xa apto nak, ekwokmoho apwokmo m'a Horeb, egkexe apagkok nak Dios.

Salmos 33:18

Elanha eyke chá'a Wesse' egegkok ma'a ektáha nak chá'a apcháyo, tén han melya'ásseyam nak chá'a ektémakxa segásekhayo,

Salmos 37:19

Wa'ak sa' agkok ekmaso apheykha, ektepa enxoho meyk segaqhe, mellegagkók sa', hakte yetneyk sa' chá'a katnehek aptéyak.

Salmos 37:3

Ná ey'ássem Wesse' egegkok, elána aqsok ektaqmela, ná eyensem apyetleykha neyseksa apha xapop apagkok.

Éxodo 16:35

Apteykegkek axta nahan israelitas maná ekweykmoho cuarenta apyeyam, ekweykmoho apkelwokmo m'a yókxexma apheykegkaxa axta nahan ma'a énxet'ák. Apteykegkek axta ekweykmoho apkelwokmo m'a néxa xapop ekyekpenta axta antexek ma'a yókxexma Canaán.

Isaías 33:16

méko sa' katnehek apha xa, kaxek sa' apyexanmomakxa m'a meteymog élyennaqte nak, kaxek sa' chá'a m'a apto, megkameykkehek sa' nahan chá'a m'a yegmen apyá.

Jeremías 37:21

Keñe axta wesse' apwányam Sedequías apkeltamho aqsa kólhések Jeremías apmomap ma'a kañe' kélhaxtegkesso nak wesse' apwányam apxagkok, tén han kólsakxések chá'a kelpasmaga ekyókxoho ekhem, apkeñama nak apkelánamap ma'a ámay ekwesey nak Apkelánéyak Kelpasmaga. Axta kélteméssessók xa ektáha nak, ekhakxa axta makham nento m'a tegma apwányam. Aphegkek axta Jeremías ma'a kañe' kélhaxtegkesso nak wesse' apwányam apxagkok.

Jeremías 40:4

Eklekkessek ko'o kaxwók xép kélpextete nak cadenas. Peyk sa' agkok hétlakxak Babilonia, exegma sa', ataqmelchesek sa' ko'o exchep. Sa' agkok epekheyha, exnekxa sa' aqsa. Apwanchek xép emok yókxexma apmakókxa enxoho emok: emhók sa' ma'a ekleyókxa enxoho apwáxok.

Números 11:23

Aptáhak axta Wesse' egegkok apchátegmowágkokxo s'e: —¿Ketséya apkenagkók xép sekmowána? Étak sa' kaxwo', katnehek sa' kexa m'a sekxeyenma nak chá'a katnehek, essenhan megkatnehe'.

Jueces 14:14

Apkeltennássek axta Sansón ma'a aqsok apxeyenma magya'áseyak nak: “Aqsok ekteykekxa nak chá'a mók katyapok chá'a nento; aqsok ekyennaqte nak katyapok chá'a nento ekmátsa.” Ántánxo ekhem axta entáhak melya'áseyak ektáhakxa aqsok ekxénamaxche magya'áseyak nak;