1 Reyes 17:18 - Biblia Enxet

¹⁸ Keñe axta kelán'a tampe' ektáha eyáneya m'a Elías: —¡Yaqsa ektáha setnéssesa nak xeyep xa ektáha nak, xép apteme nak Dios énxet apagkok! ¡Apxegeykmek enxeykel'a exchep yaqwayam hey'assásegwakxohok may'assáxma tén han yának yetsapok ma'a hatte!

1 Reyes 17:18 ပူးပေါင်းရင်းမြစ်များ

Génesis 44:16

Aptáhak axta Judá apchátegmowágko s'e: —¡Méko negko'o antéhek agának xép! ¿Háxko antéhek negko'o anxekmósek xép megkatnaha nenteme? Apweteyak negko'o Dios nenláneya mólya'assáxma. Keso negchaqnáncha'a negko'o s'e; negko'o nenteme apkelásenneykha naqsa, tén han ma'a kélwetasa nak egheykok.

Génesis 50:15

Xama axta apketsapma Jacob, tén axta José apkelpepma ektáha élchetamso apkelwáxok se'e: “Ẽltaqnaweygkek kexa José, eyaqmagkásekxak sa' ma'a ekyókxoho nenteméssessamakxa axta ekmaso.”

Génesis 50:17

apkeltémok axta antéhek agának se'e: ‘Ná eyaqmagkásekxa aqsa aqsok ekmaso apkeláneyak apkelpepma, tén han melya'assáxma, asagkók agko' axta apteméssessamakxa'.’ Cháxa keñamak néltamho nak meyaqmagkásekxeyk aqsok ekmaso nenlánéyak, hakte negko'o nenteme apkeláneykha m'a apyáp nak Dios apagkok.” Apkelekxagweyha axta han José apleg'a apkeltennáseykha m'a ektáha axta apseykekxa amya'a aphakxa.

2 Samuel 16:10

Apchátegmowágkek axta wesse' apwányam: —Seruiá étchek, háwe kéxegke ekpayhémo xa. Eyemneyha ko'o m'a, Wesse' egegkok kexa apkeltémo. Temék agkok ma'a, ¡méko awanchek kanókasha!

2 Samuel 19:22

Apchátegmowágkek axta David: —¡Seruiá étchek, háwe kéxegke ekpayhémo xa! ¡Yaqsa ektáha sélenmexákxo nak kéxegke! Ekya'ásegkók ko'o sektamhákxo makham wesse' apwányam ma'a Israel, megyetsepek sa' chá'a xama énxet Israel se'e sakhem nak.

1 Reyes 12:22

Appaqhetchessek axta eyke Dios ma'a Semaías, apteme axta Dios énxet apagkok. Aptáhak axta apcháneya s'e:

1 Reyes 13:1

Neyseksa apwatno axta Jeroboam aqsok ekmátsa ekpaqneyam éten agkok ma'a ekwatnamáxchexa nak aqsok, apwokmo Betel xama Dios appeywa aplegasso apkeñama Judá, Wesse' egegkok axta apcháphasso.

1 Reyes 17:17

Keñe axta natámen apháxamákpo étche m'a kelán'a tampe' nak, yentexók agko' axta han apháxamap, apketsepmeyk axta han.

1 Reyes 17:19

Apchátegmowágkek axta Elías: —Kay'ásenta sa' étche s'e. Apcheynchek axta Elías ekpekkenágkaxa axta awáxok étche m'a kelán'a tampe', apya'ásekxeyk axta m'a apteyenmakxa axta néten, appekkenwákxeyk axta m'a néten apyetnamakxa.

1 Reyes 18:9

Apchátegmowágkek axta Abdías: —¿Yaqsa aqsok ekmaso séláneya ko'o apkeltamho nak hemok ma'a Ahab, keñe han heyaqhek?

1 Reyes 20:28

Tén axta Dios appeywa aplegasso apwákxo aphakxa m'a wesse' apwányam Israel, aptáhak axta apcháneya: —Aptáhak Wesse' egegkok se'e: ‘Almések sa' ko'o exchep ma'a apyókxoho nak sẽlpextétamo apxámokma, hakte exeyenmeyk axta ko'o sirios sektáha aqsok kéláyókxa séñama m'a meteymog élwenaqte nak, keñe matnaha m'a aqsok kéláyókxa nak ekyapwátegweykenxa xapop. Keñe sa' xép ey'asagkohok sektáha ko'o Wesse'.’

2 Reyes 1:9

Yetlókok axta apcháphasso xama sẽlpextétamo apkemha apmonye' yetlo cincuenta sẽlpextétamo apkelxegexma'a apkeltamho éntawakxések. Xama axta apkelwokmo m'a aphakxa axta Elías néten egkexe, tén axta aptáha apcháneya m'a sẽlpextétamo apkemha apmonye': —¡Dios appeywa aplegasso, apkeltamhók xeyk etyapok wesse' apwányam!

2 Reyes 3:13

aptáhak axta Eliseo apcháneya m'a wesse' apwányam nak Israel: —¡Mowanchek ko'o apasmok xép! Ey'ókxa elmaxnegwakxak ma'a énxet'ák apkelmaxnéssesso axta chá'a aqsok kéleykmássesso apagkok ma'a apyáp axta tén han egken. Apkelenxanakmek axta eyke m'a wesse' apwányam nak Israel: —Ma', Wesse' egegkok negko'o ennaqláyekmok egqántánxo nentáha nak kelwesse'e apkelwányam yaqwayam hẽlmések ma'a moabitas.

2 Crónicas 35:21

apkeláphássek axta eyke apkelápháseykha m'a Necao apkeltamho etnehek yának se'e: Ná hémpakha aqsa ko'o exchep, wesse' apwányam nak Judá. May'awak ko'o exchep yaqwayam wanmexek, mók apchókxa ko'o peyk wampakha', sélenmexma nak ko'o. Dios ko'o apkeltamhók apekhaksek sekxega; elwatés apmáheyo emasséssók yaqwánxa etnehek Dios, sepasma nak ko'o, keñe sa' tásek katnehek ektáhakxa exchep, memasséssemek sa'.

Job 13:23

Héltennés ko'o ektémakxa may'assáxma, tén han aqsok ekmaso sélane. ¿Yaqsa aqsok ekmaso ko'o sélane?

Job 13:26

Askohok agko' appeywa segkésso sexéncháseykekxoho sektémakxa; eñassáseykegkók eñama may'assáxma sélane axta sektémakxa wokma'ák.

Números 5:15

Temék agkok xa ektáha nak, éntemekxak sa' aptáwa' énxet ma'a aphakxa nak apkelmaxnéssesso Dios énxet'ák apagkok, esakxéshok sa' nahan ánet ektegkesso kelyetsáteyak ma'a apho nak hótáhap apnek eñama m'a aptáwa', yaqwayam etnéssesek apmésso naqsa Dios. Megyenchehekxék sa' eyke pexmok égmenek, tén han ma'a aqsok ekmátsa nak ekpaqneyam, hakte cháxa ekteme kélmésso naqsa aqsok Dios eñama nak ma'a nélmeykha entáwa', yaqwayam kataxchek ma'a ektémakxa megkay'assáxma.

Jueces 13:6

Keltennássekxeyk axta atáwa' m'a kelán'a. Axta entáhak eyáneya s'e: “Xama Dios énxet apagkok xeyk ey'awak sekhakxa, etlakkásawók ahagko' han, hakte máxa eykhe m'a Wesse' egegkok apchásenneykha. Malmaxneyáha han yaqsak kexa énxet, meheltennásak han ko'o m'a.

1 Samuel 16:4

Aptemék axta han Samuel ma'a apkeltamhókxa axta etnehek Wesse' egegkok. Xama axta apwokmo m'a Belén, apkelanyexakmek axta apma takha' m'a apkelámha apmonye'e nak tegma apwányam, yetlo éltamheykha apkelwáxok, axta aptáhak apkelmaxneyáncha'a s'e: —¿Mékoya ektáhakxa apwáxok apwa'a?