1 Reyes 15:4 - Biblia Enxet

⁴ Apchásekhayo eyke keñamak Wesse' egegkok ma'a David, apméssama yaqwayam megkaspónhek élsassóxma apagkok ma'a Jerusalén, apteméssessama xama apketche wesse' apwányam apyaqmagkasso, yaqwayam enxoho megkólmasséssemek ma'a Jerusalén;

1 Reyes 15:4 ပူးပေါင်းရင်းမြစ်များ

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

Génesis 19:29

Cháxa aptémakxa axta Dios apmasséssekmo m'a tegma apwányam apkelyawe, apheykegko axta m'a xóp ekyapwate nak, aphamakxa axta m'a Lot. Xénwákxók axta eyke apwáxok ma'a Abraham, keñe aptekkesa Lot ma'a yókxexma peyakxa axta emasséssók.

Génesis 26:5

hakte élyaheykekxók axta ko'o m'a Abraham, apkeláneyak axta han ma'a séltémókxa nak chá'a etnehek, seyánamakxa axta chá'a etnehek, tén han segánamakxa ahagkok nak, keñe han ma'a nélxekmowásamáxche ahagkok nak.”

2 Samuel 21:17

Keñe m'a Abisai, Seruiá axta étche, appásegwokmo m'a David, apketámegkek axta m'a filisteo keñe apchaqha. Keñe axta David apkelxegexma'a apkeltamho melyetlewek chá'a elmahagkok kempakhakma, yaqwayam enxoho megkaspónhek élsassóxma m'a Israel.

1 Reyes 11:12

Malanyek sa' eyke s'e kaxwo' apyennákxa nak makham xép, eñama seyásekhayo m'a David, apyáp axta; sa' eyke kólyementemekxak ma'a apketche.

1 Reyes 11:32

Xama apheykegkaxa énxet'ák sa' aqsa weygkesek ma'a Salomón, eñama seyásekhayo m'a séláneykha David, tén han ma'a Jerusalén, tegma apwányam sélyéseykha axta ko'o nepyeseksa m'a apyókxoho tegma apkelyawe apagkok nak énxet'ák Israel.

1 Reyes 11:36

Xama apheykegkaxa énxet'ák sa' aqsa weygkesek ma'a apketche, yaqwayam sa' megkaspónhek chá'a ko'o nahaqtók Jerusalén élsassóxma apagkok nak ma'a David, séláneykha axta, cham'a tegma apwányam sélyéseykegkaxa axta ekyetnamakxa sekwesey.

2 Crónicas 21:7

Axta eyke emáheyók emasséssók Wesse' egegkok ma'a David axta aptawán'ák neptámen, eñama m'a apkelane axta ekhémo mók apkelpaqhetchásamákpoho m'a David, apkeltennassama axta megkamassegwomek chá'a aptamhéyak apkelwesse'e apkelwányam ma'a aptawán'ák neptámen.

Salmos 132:17

Wának sa' ko'o etépekxak makham xama wesse' apwányam ekha apyennaqte David aptáwen neptámen. Ekpenchessessek ko'o xama cháléwasso yaqwayam agkések wesse' apwányam sélyéseykha nak.

Salmos 18:28

Wesse' egegkok, xép sélsássesso chá'a exma; Dios ahagkok, xép sélsássesso exma m'a ekyáqtésakxa exma nak.

Salmos 87:5

Sa' katnehek amya'a exénakpok tegma apwányam Sión se'e: “Apyókxoho énxet apkeleñamakxa s'e.” Dios Meyke Ekhémo apagko' appekkenma m'a.

Isaías 14:32

¿Háxko sa' kóltéhek kólátegmowagkokxak ektáha nak élápháseykha m'a apchókxa nak? “Dios appekkenma m'a Sión. Sa' elyexánegwakxak chá'a énxet'ák apagkok ekyentaxnamo nak chá'a apheykha m'a”.

Isaías 37:35

Amyók sa' ko'o s'e tegma apwányam nak, awagkasek sa' nahan teyp, eñama seyásekhayo m'a séláneykha David tén han seyásekhamaxchekxoho ahagko' ko'óxa.’”

Isaías 62:7

nágkólho ellókasek apyampé ekwokmoho apkelánekxo makham ma'a Jerusalén, tén han ekwokmoho apkeltamho elxénmakha makham ektaqmela m'a apyókxoho énxet'ák.”

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Jeremías 33:2

“Ektáhak ko'o seyáneya exchep se'e, ko'o sektáha nak Wesse', sélane axta xapop, sekpekkenma axta ekyennaqte m'a ekyetnamakxa nak:

Deuteronomio 4:37

Apkelásekhayók axta kélyapmeyk nano' axta kéxegke m'a, apkelyéseykha axta nahan ma'a aptawán'ák neptámen nak, apkelántekkessegkek axta Egipto eñama ekyawe apmopwána.