1 Reyes 13:7 - Biblia Enxet

⁷ Keñe axta wesse' apwányam aptáha apcháneya m'a Dios appeywa aplegasso: —Hétlakxa sa' exagkok, etwok sa' apto, agkések sa' han aqsok sekmésso naqsa.

1 Reyes 13:7 ပူးပေါင်းရင်းမြစ်များ

Génesis 18:5

Asantagkasek sa' sekxók kéltéyak yaqwayam sa' kólyennákxohok makham amonye' kélxegeykekxa', hakte kélwa'ak se'e sekhakxa nak ko'o, sektáha nak kéxegke kélláneykha. —Hoy táse', axta aptáhak apkelátegmowágko.

1 Reyes 14:3

Kalsaw sa' diez pán, torta, tén han xama egheykok ekyawe ekyeta yányawhéna' apyegmenek, keñe sa' kay'ókxak yaqwayam eltennaksek yaqwánxa katnehek se'e sakcha'a nak.

2 Reyes 5:15

Keñe axta apxega yetlo apyókxoho apkelxegexma'a apya'aweykxo m'a Eliseo. Xama axta apwákxo makham ma'a aphakxa, aptáhak axta Naamán se'e: —¡Ekya'ásegwokmek ko'o kaxwók méko Dios ma'a ekyókxoho apheykegkaxa nak, wánxa aqsa m'a Israel! Éltamhók ko'o elmok takha' s'e aqsok sélmésso naqsa nak, ko'o sektáha nak apkeláneykha.

Jeremías 40:5

Apmakók sa' agkok etaqhoho', ey'ókxa sa' Guedalías, Ahicam nak apketche, Safán nak aptáwen, apteméssessama nak wesse' apwányam Babilonia apkeláneykha m'a apyókxoho nak tegma apkelyawe Judá, exa sa' xamók ma'a, yetlo apkelpeywomo xamo'. Emhók sa' ma'a ekleyókxa enxoho apwáxok.” Tén axta wesse' apwányam sẽlpextétamo apkemha apmonye' apagkok apmésa Jeremías xama aqsok apmésso naqsa, yetlo nento, tén axta apcháphasa.

Malaquías 1:10

“¡Kólápekxoho annal'a kélxama kéxegke m'a apátog nak tegma appagkanamap, yaqwayam enxoho megkaqhók makham kóláléwássekxak táxa m'a ekwatnamáxchexa nak chá'a aqsok ahagkok! Massegkek ko'o ekleklamo ewáxok alanok kéxegke, mómenyeyk kaxwók amok takha' m'a kélmésso naqsa nak aqsok kéxegke.

Jueces 13:15

Aptáhak axta apcháneya Manoa m'a énxet nak, neyseksa mey'áseyak apteme Wesse' egegkok apchásenneykha: —Exa sa' sekxók neghágkaxa negko'o, antawagkok sa' yát'ay apketkok peya nak ko'o wahánek. Aptáhak axta Wesse' egegkok apchásenneykha apchátegmowágko s'e: —Mowanchek ko'o apasmok xép apto, megkeyxek sekheykekxa'. Apwanchek eyke exchep ewatnések Wesse' egegkok ma'a yát'ay apketkok nak.

Jueces 19:21

Apnaqlákxeyk axta apxagkok ma'a kelaphope nak, apkelyenyeyásegkek axta sekxók apmagkok ma'a meyk'a, keñe axta aptókagko aptéyak, tén han apyenágko, tén axta m'a kelaphope nak apkelássásegko ektéyak ma'a yámelyeheykok apkelchánte.