1 Reyes 13:34 - Biblia Enxet

³⁴ Axta keñamak apkeláneykegko melya'assáxma m'a Jeroboam axta aptawán'ák neptámen, keñe han kélmassésseykmo apyókxoho.

1 Reyes 13:34 ပူးပေါင်းရင်းမြစ်များ

1 Reyes 12:26

Axta eyke entáhak élchetámeykha apwáxok se'e: “Emekxak kexaha katnehek makham David aptawán'ák neptámen se'e apchókxa nak,

1 Reyes 12:30

Cháxa élánéseykegko axta melya'assáxma énxet'ák Israel xa, hakte elmeyekxohok axta chá'a énxet'ák ma'a Betel tén han Dan, yaqwayam elpeykessekxoho'.

1 Reyes 14:1

Apháxamákpek axta Abías xa ekhem nak, Jeroboam axta apketche.

1 Reyes 14:10

Wahak sa' ko'o aqsok ekmaso m'a aptawán'ák neptámen eñama apteme xa: wának sa' eletsapok apyókxoho aptawán'ák neptámen apkelennay'a m'a kañe' Israel; esawhakpohok sa'. Amasséssók sa' apyókxoho aptawán'ák neptámen, máxa sa' atnéssesek ma'a ektémól'a kólchexák aqsok ekteyáseykha.

1 Reyes 14:11

Semheg sa' katawagkok aphopák ma'a apteme apnámakkok, apkeletsapma nak ma'a tegma apwányam, keñe sa' ma'a apkeletsapma nak yókxexma, máma sa' etawagkok, cháxa sektáhakxa nak ko'o sekpeywa xa, sektáha nak Wesse'.’

1 Reyes 14:16

Ekxák sa' Wesse' egegkok ma'a énxet'ák Israel, eñama m'a aptémakxa axta apkelane mey'assáxma m'a Jeroboam, apkelánéseykegko axta melya'assáxma m'a israelitas.”

1 Reyes 14:7

kataqhoho sa', kaltennés sa' Jeroboam aptáha apxéna Wesse', Dios nak Israel se'e: ‘Ektekkessegkek axta ko'o exchep nepyeseksa énxet'ák, keñe sekteméssessama apkemha apmonye' apagkok ma'a énxet'ák ahagkok Israel.

1 Reyes 15:25

Apqánet apyeyam axta temék apteme wesse' apwányam Asá m'a Judá, keñe apkeynamo apteme wesse' apwányam Nadab ma'a Israel, Jeroboam axta apketche. Apqánet apyeyam axta han apteme wesse' apwányam.

1 Reyes 15:26

Asagkek axta eyke ektémakxa aqsok apkelane nápaqtók Wesse' egegkok; hawók axta ektémakxa apkelane mey'assáxma m'a apyáp, cháxa apkelánéseykegko axta han melya'assáxma m'a israelitas.

1 Reyes 21:22

Sa' atnéssesek han apnámakkok ma'a sekteméssessamakxa axta Jeroboam apnámakkok, Nabat axta apketche, tén han ma'a sekteméssessamakxa axta Baasá apnámakkok, Ahías axta apketche, eñama selókasso apkelánéseykegko melya'assáxma m'a énxet'ák nak Israel.’

2 Reyes 10:29

Axta eyke elwátesseykmok apkelane mey'assáxma, cham'a aptémakxa axta Jeroboam, Nabat axta apketche, apkelánéseykegko axta melya'assáxma m'a israelitas, hakte apkelenxáneykmók axta apkelpeykessamo m'a weyke étkok kennawók kéleykmássesso élánamáxche axta sawo ekyátekto ekmomnáwa, ekyetnama axta m'a Dan tén han Betel.

2 Reyes 10:31

Axta han keytnakhassamók apwáxok Jehú elának meyke apyensayam ma'a Wesse' egegkok segánamakxa apagkok, cham'a Dios nak Israel, hakte axta elwátesseykmok apkelane m'a mey'assáxma, aptémakxa axta m'a Jeroboam apkelánéseykegko axta melya'assáxma m'a israelitas.

2 Reyes 17:21

Apkelyetnakhassegkek axta David aptawán'ák neptámen, massegkek axta appáxaqtésso m'a Israel, keñe axta énxet'ák Israel apteméssessama wesse' apwányam ma'a Jeroboam, Nabat axta apketche, apkelyenséssekmo axta apkelyetleykha Wesse' egegkok israelitas, tén han apkelánéseykegko axta melya'assáxma ekyawe agko'.

Proverbios 13:6

Aptémakxa ekpéwomo chá'a kamyók ma'a énxet meyke nak aqsok ekmaso apkelane; aptémakxa ekmaso eyke chá'a katsagkasek ma'a énxet mey'assáxma nak.

Jeremías 28:16

Cháxa keñamak aptáha nak appeywa Wesse' egegkok se'e: ‘Wának sa' xép kamassegwók apweynchámeykha keso náxop. Yetsapok sa' xép se'e apyeyam nak, hakte appeywa chá'a exchep keñamak sénmexeykekxo ko'o m'a énxet'ák nak.’

Oseas 10:8

Kólmasséssók sa' ma'a apkelpeykessamókxa nak chá'a aqsok kéleykmássesso, apkeláneykegkaxa nak chá'a melya'assáxma m'a énxet'ák Israel. Kampagqak sa' ma'a néten apkelwatnamakxa nak chá'a aqsok, katyapok sa' yámet ekha nak am'ák, keñe sa' énxet'ák etnehek elának meteymog élwenaqte élekhahéyak se'e: “¡Hẽlpós negko'o!” keñe sa' etnehek elának egkexe étkók se'e: “¡Hegápekxa negko'o!”