1 Reyes 13:11 - Biblia Enxet

¹¹ Aphegkek axta han xama Dios appeywa aplegasso apwányamók ma'a Betel, apkelye'eykekxo axta apketchek apkeltennáseykencha'a ekyókxoho aqsok apkelane Betel ma'a Dios appeywa aplegasso apkeñama axta Judá; apkeltennáseyncha'a han apyáp ektáhakxa aqsok apxeyenma m'a wesse' apwányam.

1 Reyes 13:11 ပူးပေါင်းရင်းမြစ်များ

2 Reyes 23:18

Keñe axta Josías aptáha s'e: —Kólho sa' aqsa katnehek xa ektáha nak. Nágkólpaknegwomho aqsa m'a apexchakkok nak. Keñe axta megkólpaknegweykmoho m'a apexchakkok ekweykekxoho m'a apexchakkok axta Dios appeywa aplegasso apkeñama axta Samaria.

Ezequiel 13:16

cham'a apkelxeyenma nak chá'a apkellegasso sekpeywa apheykha nak ma'a Israel apkelwete nak chá'a aqsok megkamámnaqsoho, apkellegasso nak chá'a apyókxoho énxet'ák Jerusalén ektaqmalma apheykha, neyseksa eykhe megkataqmalma apheykha.’ Ko'o sekxeyenma xa sektáha nak Wesse'.

Ezequiel 13:2

“Eltennés sa' ko'o sektáhakxa sélxeyenma m'a apkelxeyenma nak chá'a apkellegasso sekpeywa, apheykha nak ma'a Israel, cham'a apkelxeyenma nak chá'a apkellegasso sekpeywa, apkelxeyenma nak chá'a m'a ektémakxa élchetamso agko' apkelwáxok. Etne sa' elának se'e: ‘Kóleyxho Wesse' egegkok appeywa:

1 Reyes 13:25

Chaqhawók axta han apkelchexyámxa énxet'ák ma'a ámay nak, keñe apkelwetágwa'akto aphápak ekyetna m'a ámay nak, keñe han ekyetnawo makham xamók ma'a méwa. Xama axta apkelwákxo m'a tegma apwányam aphakxa axta m'a Dios appeywa aplegasso apwányamo, apkeltennáseyha axta ektáhakxa apkelwete.

1 Samuel 10:11

Keñe m'a apyókxoho ektáhakxa axta apkelweteykxa', apkelwet'a apweyhenawo apkelnextegeykha néten ma'a Dios appeywa apkellegasso, aptáhak axta chá'a apcháneya pók se'e: “¿Yaqsa ektáha Quis apketche? ¿Saúl enxeykel'a han Dios appeywa aplegasso?”

Números 24:2

Xama axta apwet'a Balaam énxet'ák Israel aptéma apkelpakxenéyak apagko' chá'a m'a ektáhakxa nak chá'a énxet'ák apagkok, aptaxneyk axta apwáxok Dios espíritu apagkok.

1 Reyes 13:10

Keñe axta Dios appeywa aplegasso apmeyeykekxo mók ámay, yaqwayam enxoho mepéwók ma'a ámay appéwomókxa axta apmaheykegko m'a Betel.

1 Reyes 13:12

Keñe axta apchátegmowágko m'a apyáp: —¿Háxko exchek appéwókxa m'a? Keñe axta apketchek apkeltennasa m'a ámay appéwókxa axta aptaqháwo m'a Dios appeywa aplegasso apkeñama nak Judá.