1 Reyes 12:8 - Biblia Enxet

⁸ Axta eyke elyahákxak Roboam ektáhakxa apkelpeywa m'a apkelámha apmonye'e nak, keñe apkelmaxnegwákxo han ma'a wokma'ák apkektegeykegkoho xamo' axta, ektáha axta apkeláneykha.

1 Reyes 12:8 ပူးပေါင်းရင်းမြစ်များ

1 Reyes 12:7

Aptáhak axta apkelátegmowágko s'e: —Apkelánéssek sa' agkok xép aqsok se'e énxet'ák nak, tén han aptaqmelchásawo enxoho chá'a appeywa apchátegmoweykegkokxa', etnahagkok sa' chá'a apkeláneykha.

1 Reyes 12:9

Aptáhak axta apkelmaxneyáncha'a s'e: —¿Háxko sa' kóltéhek hélának kéxegke yaqwánxa enxoho ko'o atnehek wátegmowagkok ma'a énxet'ák apkeltamho nak waxyawassásekxak apteméssessamakxa ekyentaxno m'a táta?

2 Crónicas 10:8

Axta eyke elyahákxak Roboam ektáhakxa apkelpeywa m'a apkelámha apmonye'e nak, keñe apkelmaxnegwákxo han ma'a wokma'ák apkektegeykegkoho xamo' axta, ektáha axta apkeláneykha.

Proverbios 1:25

Kéltaqhésawók aqsa m'a sekpeywa; megkólmak takha' m'a seknókáseykha nak.

Proverbios 1:30

Megkólmenyeyk kólmok takha' m'a sekpeywa nak; kéltaqnagkamchek ma'a sektémakxa nak seknókáseykha.

Proverbios 19:20

Yeyxho chá'a ektáhakxa kélpaqhetchesso, ema chá'a takha' ektáhakxa kélnókáseykha; keñe sa' etnehek ekha apya'áseykegkoho aqsok.

Proverbios 25:12

Megkaxnawok ektaqmalma ektémakxa nak chá'a kélnókáseykha énxet apmomo nak chá'a takha' kélnókáseykha m'a kélatchesso kélaphék sawo ekyátekto, tén han ma'a kélnatanma.