1 Reyes 11:1 - Biblia Enxet

¹ Háwe axta wánxa xama faraón apketche apchásekhayo m'a wesse' apwányam Salomón, xámok axta han ma'a kelán'a éleñama nak mók apkelókxa: kelán'ák moabitas, edomitas, sidonias tén han ma'a kelán'ák nak hititas;

1 Reyes 11:1 ပူးပေါင်းရင်းမြစ်များ

1 Reyes 11:8

Apkelánessegkek axta han ekyókxoho m'a apnaqteyegka'a éleñama axta mók nekha, élwatnéssamakxa axta chá'a aqsok ekmátsa nak ekpaqneyam éten agkok ma'a aqsok éláyókxa', tén han élnáhakkassamakxa axta chá'a aqsok kélnaqtósso.

1 Reyes 14:21

Aptemegkek axta wesse' apwányam Roboam ma'a Judá, Salomón axta apketche. Cuarenta y un apyeyam apagkok axta apkeynamo apteme wesse' apwányam, diecisiete apyeyam axta han apteme wesse' apwányam ma'a Jerusalén, tegma apwányam apkelyéseykegkaxa axta Wesse' egegkok nepyeseksa m'a apyókxoho tegma apkelyawe apagkok nak énxet'ák Israel, yaqwayam katnehek ekyetnamakxa apwesey. Naamá axta ekwesey egken ma'a Roboam, ekteme axta amonita.

1 Reyes 14:31

Xama axta apketsapma Roboam, kélátawanyegwákxeyk axta xamo' ma'a kélátawanyamakxa axta apyapmeyk nano', ekpayho nak David Tegma Apwányam apagkok. Naamá axta ekwesey egken, eñama axta m'a Amón. Keñe axta apyaqmagkasa apteme wesse' apwányam ma'a apketche Abiam.

1 Reyes 16:31

axta yeyék apkeláneya m'a ektémakxa axta apkeláneya mey'assáxma m'a Jeroboam, Nabat axta apketche. Weykmok axta han apma aptéma aptáwa' m'a Jezabel, Et-baal axta apketche, wesse' apwányam axta m'a Sidón, tén axta apkelpeykessamo m'a Baal,

1 Reyes 3:1

Apteme apnámakkok axta aptemék Salomón ma'a faraón, wesse' apwányam axta Egipto, hakte apmomchek axta m'a apketche kelwána, keñe apyentameykekxo m'a David Tegma Apwányam apagkok, ekwokmoho appenchásekpo apkelánamap ma'a tegma apyawe apagkok, tén han ma'a Wesse' egegkok tegma appagkanamap apagkok, keñe han kélhaxtegkesso nápakhaw'ék ma'a Jerusalén.

Esdras 10:44

Cháxa apyókxoho apkelméyak axta kelán'ák megkatnaha apkelpeywomo xamo', apkexeygkek axta eyke apkeláphassama yetlo étchek.

Esdras 9:1

Xama axta ekpenchásamaxko élánamáxche xa aqsok nak, elya'aweykteyk axta ko'o m'a apkelámha apmonye'e nak, peya etnehek heyának se'e: “Appáxaqxegkek aqsa israelitas tén han apkelmaxnéssesso Dios énxet'ák apagkok, tén han levitas se'e énxet'ák apheykha nak se'e apchókxa nak, cham'a cananeos, hititas, ferezeos, jebuseos, amonitas, moabitas, egipcios, tén han amorreos, neyseksa eykhe élmasagcha'a agko' apkeltémakxa melya'áseyak Dios.

Esdras 9:2

Apkelmeykegkek aptamheykegko apnaqteyegka'a apyapmeyk ekweykekxoho apketchek apkelennay'a apketchek kelwán'ák nak se'e énxet'ák nak; cháxa keñamak appaxqeykekxo nak Dios énxet'ák apagkok ma'a énxet'ák megkatnaha nak appeywomo xamo'. Apkelámha apmonye'e han chá'a sekxók apkeláneyak apmonye'e xa ektéma nak melya'assáxma, tén han ma'a apkeltaqmelchesso nak chá'a apchókxa.”

Éxodo 34:16

essenhan elmésagkok apketchek kelwán'ák nak ma'a kélketchek apkelennay'a nak kéxegke, keñe élánegko enxoho ektamheykegkaxa nak chá'a kalanagkok nentémakxa mansexta kalpeykeshok ma'a aqsok éláyókxa nak, kának nahan etnahagkok elpeykeshok ma'a kélketchek nak kéxegke.

Proverbios 2:16

Sa' kawagkasek han chá'a teyp ekpaqhetchesa enxoho m'a kelán'a megkatnaha nak aptáwa', ekmátsa nak ekpeywa henlána kaltamhok hentegkesek,

Proverbios 22:14

Máxa máxek ekmattawóneg agko' ekpeywa m'a kelán'a apha atáwa' élánegwayam nak chá'a pók énxet, apteyeykemxa nak chá'a m'a énxet apkeltaqnagko nak Wesse' egegkok.

Proverbios 23:33

Kaxekmósek sa' chá'a m'a aqsok meteykxa nak, exénwók sa' aqsa chá'a aqsok ekyeyháxma;

Proverbios 31:3

Nágyoho kasawhaksek ektémakxa apyennaqte m'a kelán'ák nak, hakte cháxa eknaqtawáseykencha'a nak chá'a m'a apkelwesse'e apkelwányam.

Proverbios 6:24

Kamyók sa' kamáwhok kalának ma'a kelán'a kay'assáxma, cham'a kelán'a ekmátsa nak ekpeywa megkatnaha nak aptáwa'.

Proverbios 7:5

Sa' kawagkasek chá'a teyp ekpaqhetchesa enxoho chá'a yetlo ekmátsa ekpeywa m'a kelán'a apha atáwa' élánegwayam nak chá'a pók énxet.

Levítico 18:18

“Ná emekxa aqsa apepye etnehek aptáwa', neyseksa ekha makham ma'a aptáwa', ná etnéssessamho aqsa exma, yaqwayam enxoho megkalenmexaxche'.

Deuteronomio 17:17

Megkeymaxcheyk sa' nahan etnehek ekxámokma m'a apnaqteyegka'a, yaqwayam enxoho megkeytnakhássessemek ektémakxa apyetleykha m'a Wesse' egegkok; megkeymaxcheyk sa' nahan yepmenyéhok ekxámokma agko' ma'a sawo ekyátekto élmomnáwa tén han ma'a sawo ekmope élmomnáwa nak.