1 Reyes 10:3 - Biblia Enxet

³ apchátegmowágkokxeyk axta chá'a Salomón ma'a ekyókxoho ektáhakxa élmaxneyeykha. Méko axta xama enxoho mey'ásegkaxa ektáhakxa élmaxneyeykha.

1 Reyes 10:3 ပူးပေါင်းရင်းမြစ်များ

2 Samuel 14:17

Élhaxneyk ko'o kamasseksek ektamheykha ewáxok appeywa nak xép, wesse', hakte apwanchek xép etnéssesek megkaxnémo mók ma'a aqsok ektaqmela nak, tén han aqsok ekmaso, aptéma nak ma'a Dios apchásenneykha. ¡Dios, Wesse' apagkok sa' epasmok xép, wesse'!

2 Samuel 14:20

Apkelanak eyke yaqwayam eykhe emasséssók ektáhakxa nak kaxwo'. Apwanchek apagko' eyke exchep aqsok, wesse', apya'áseykegkoho ekyókxoho aqsok ektémakxa nak apchókxa', máxa m'a Dios apchásenneykhal'a.

1 Reyes 10:1

Legayak axta amya'a wesse' ekwányam eñama nak Sabá, ektémakxa ektépeykha chá'a apwesey Salomón yaqwayam kataxchek ektémakxa apcheymákpoho Wesse' egegkok, tén axta ekmahágko Jerusalén yaqwayam keypkeynek kalmaxneyha m'a élmaxneyeykha ekmáske nak agya'asagkoho'. Wokmek axta yetlo eyeymáxkoho, tén han yetlo yányátnáxeg élpátegkesso sokmátsa ekxámokma, keñe han ekxámokma m'a sawo élyátekto élmomnáwa, tén han meteymog élyenma éltaqmalma. Xama axta ekwokmo aphakxa Salomón, kelmaxneyáha axta ekyókxoho ekxénakxa axta awáxok kalmaxneyha,

1 Reyes 10:4

Xama axta ekwet'a wesse' ekwányam eñama nak Sabá ektémakxa apya'áseykegkoho aqsok ma'a Salomón, tén han ma'a tegma apyawe apkelane axta,

1 Reyes 3:12

alának sa' ma'a sélmaxneya nak: agkések sa' apya'áseykegkoho tén han apmopwána, megkeytnama axta chá'a xama meykexa axta exchep, méko sa' nahan keytek ma'a neptámen sa' xép.

2 Crónicas 9:2

apchátegmowágkokxeyk axta chá'a Salomón ma'a ekyókxoho ektáhakxa élmaxneyeykha. Méko axta xama enxoho mey'ásegkaxa ektáhakxa élmaxneyeykha.

Proverbios 13:20

Epaxqaha m'a énxet'ák ekha nak apkelya'áseykegkoho aqsok, keñe sa' étak apya'ásegwayam aqsok; epaxqaha m'a élyeyháxma nak, keñe sa' etwasakpok.

Isaías 42:16

Sa' alya'ásekxak anaqlakxak énxet'ák meyke nak apaqta'ák ma'a ámay melya'ásegkaxa nak. Élseyéxma sa' atnessásekxak apmonye'e m'a ekyaqtéssóxma nak, keñe sa' xapop éláxñeyo m'a élyapwáteyak nak chá'a. Alának sa' ko'o ekyókxoho xa aqsok nak.