1 Reyes 10:11 - Biblia Enxet

¹¹ Keñe axta han ma'a aqsok élsáyam axta m'a Hiram yántakpayhe apagkok kélseykenta axta sawo ekyátekto élmomnáwa éleñama m'a Ofir, apkelsánteyk axta han ekxámokma agko' ma'a yámet sándalo, tén han meteymog élyenma éltaqmalma nak.

1 Reyes 10:11 ပူးပေါင်းရင်းမြစ်များ

1 Reyes 10:12

Apkelanak axta wesse' apwányam yámet sándalo aqsok ekhéyak nak Wesse' egegkok tegma appagkanamap apagkok, tén han ma'a tegma aptaqmalma aphakxa nak chá'a, apkelanak axta han arpa, yát'axpog yaqwayam elmaha m'a apkelpáwasso nak chá'a. Axta kaweykmok chá'a ekxámokma yámet sándalo ekwánxa axta, axta han kóteyamaxchek chá'a, ekwokmoho makham se'e negwánxa nak.

1 Crónicas 1:23

Ofir, Havilá tén han Jobab. Cháxa Joctán apketchek axta xa apyókxoho nak.

2 Crónicas 2:7

Heyaphásses sa' ko'o m'a apmopwána aptamheykha nak apkelane sawo ekyátekto ekmomnáwa, sawo ekmope ekmomnáwa, sawo ekyexwase, tén han ma'a sawo ekyentaxno nak, keñe han ma'a apáwa hómáyok, tén han apyexwase, keñe han apáwa apyápaqmate. Tén han ma'a apmopwána nak elqahaksek apkeleykmassáseykha, yaqwayam epasmok ma'a apkelxekmósso nak apkeltamheykha m'a Judá, tén han Jerusalén, aptegye axta m'a táta David.

2 Crónicas 2:8

Héláphásses sa' nahan yámet cedro, ciprés tén han yámet sándalo éleñama m'a Líbano, hakte ekya'ásegkók ko'o exchep apkeláneykha apwanchek elyaqtennek yámet ma'a Líbano. Epasmok sa' xép apkeláneykha séláneykha nak ko'o,

2 Crónicas 8:18

Apkeláphássessek axta yántakpayhe Hiram ma'a Salomón, sẽlpextétamo apkelwesse'e apagkok axta eyke apkelásenneykxa', tén han ma'a apkeláneykha apkelya'áseykegkoho axta chá'a yaqwánxa elpéwhok ma'a wátsam ekwányam, apkelyetlókek axta m'a sẽlpextétamo apkelwesse'e apagkok axta Salomón ekweykmoho m'a Ofir, apkelwokmek axta quince mil kilos sawo élyátekto ekmomnáwa m'a, keñe apkelsákxésa m'a wesse' apwányam Salomón.

Job 22:24

apteméssesa enxoho máxa xapop ánek ma'a sawo ekyátekto ekmomnáwa agko' nak, apteméssesa enxoho m'a ektémól'a meteymog ekhéyak nak alwáta',

Salmos 45:9

Heykha han kelwesse'e étkók neyseksa m'a kelán'ák ekheykha nak ma'a aphamakxa nak; kenmeykha han ekpayhókxa apkelya'assamakxa aphamakxa m'a wesse' ekwányam, yetlo ekwakhésamaxche m'a sawo ekyátekto élmomnáwa éltaqmalma agko' nak.