1 Reyes 10:1 - Biblia Enxet

^1-2 Legayak axta amya'a wesse' ekwányam eñama nak Sabá, ektémakxa ektépeykha chá'a apwesey Salomón yaqwayam kataxchek ektémakxa apcheymákpoho Wesse' egegkok, tén axta ekmahágko Jerusalén yaqwayam keypkeynek kalmaxneyha m'a élmaxneyeykha ekmáske nak agya'asagkoho'. Wokmek axta yetlo eyeymáxkoho, tén han yetlo yányátnáxeg élpátegkesso sokmátsa ekxámokma, keñe han ekxámokma m'a sawo élyátekto élmomnáwa, tén han meteymog élyenma éltaqmalma. Xama axta ekwokmo aphakxa Salomón, kelmaxneyáha axta ekyókxoho ekxénakxa axta awáxok kalmaxneyha,

1 Reyes 10:1 ပူးပေါင်းရင်းမြစ်များ

Génesis 10:28

Obal, Abimael, Sebá,

Génesis 10:7

Keso Cus axta apketchek se'e: Sebá, Havilá, Sabtá, Raamá, tén han ma'a Sabtecá, keñe axta Raamá apketchek se'e: Sebá, tén han Dedán.

Génesis 25:3

Jocsán axta apketchek ma'a Sebá tén han Dedán, Dedán aptawán'ák neptámen axta m'a asureos, letuseos, tén han leumeos.

1 Reyes 10:24

Apyókxoho énxet'ák axta apmenyeyk chá'a éta', tén han yeyxhok ma'a ektémakxa nak apya'áseykegkoho aqsok, eñama apmésso m'a Dios,

1 Reyes 4:31

Apwanchek apagko' axta aqsok, axta exnawok xama énxet enxoho: apyeykhásseykmók axta ektémakxa apmopwána aqsok ma'a Etán, Zérah axta aptáwen neptámen, tén han ma'a Hemán, Calcol tén han Dardá, Mahol axta apketchek. Sawheykekxók axta apwesey m'a ekyókxoho apheykegkaxa nak pók énxet'ák nepyáwa'.

1 Reyes 4:34

Apkelye'eykekteyk axta apyókxoho énxet'ák apháxenweyktámho appeywa Salomón, eklegamaxchexa axta chá'a apxénamap ektémakxa apmopwána aqsok, apkeleñama m'a ekyókxoho apkelókxa nak keso náxop.

1 Reyes 5:14

kéláphassegkek axta Líbano, apyaqmagkasso chá'a pók xama pelten, diez mil énxet chá'a. Xama pelten axta apheykha Líbano xa énxet'ák nak, keñe axta apqánet pelten ma'a apxanák. Adoniram axta han apxegkessesso m'a apkeltamheykha.

Job 28:28

Keñe axta Dios aptáha apkeláneya énxet'ák: “Nágkólyensem chá'a kélyetleykha Wesse' egegkok: cháxa negya'áseykegkoho aqsok xa; negyamasma aqsok ekmaso: cháxa ekha negmowána aqsok xa.”

Job 6:19

Eltamhok eykhe elwetágwók yegmen alwáta' m'a énxet'ák apkelxega nak chá'a apkeleñama m'a Temá tén han Sabá,

Salmos 49:4

ataqmelcheshok sa' ko'o élchetagkáseykha ewáxok ma'a amya'a segaqhássessamo nak sentémakxa, keñe sa' axének ektémakxa neyseksa sekpáwasso arpa.

Salmos 72:10

¡Elsókásegmak sa' apkelmésso naqsa aqsok, tén han apcháncheseykekxa m'a kelwesse'e nak Tarsis, tén han ma'a egkexe étkók nak, tén han ma'a kelwesse'e apkelwányam nak Sabá, tén han ma'a Sebá!

Salmos 72:15

¡Memassegwomek sa' chá'a wesse' apwányam! ¡Kólmések sa' sawo ekyátekto ekmomnáwa éleñama nak Sabá! ¡Kólmaxnéssesek sa' chá'a Dios ma'a! ¡Megkamassegwomek sa' chá'a appasmo Dios!

Isaías 60:6

Kólwetak sa' ewakhegwak apxámokma apagko' yányátnáxeg apkeleñama m'a Madián tén han ma'a Efá; elwak sa' apyókxoho m'a énxet'ák apkeleñama nak Sabá, elpatmohok sa' ma'a sawo ekyátekto élmomnáwa tén han ma'a aqsok ánek ekmátsa nak ekpaqneyam éten agkok, elxének sa' nahan aqsok éleymáxkoho apkelane nak ma'a Wesse' egegkok.

Jeremías 6:20

¿Yaqsa ektáha sélsántegkesa nak ko'o kéxegke aqsok ánek ekmátsa nak ekpaqneyam éten agkok éleñama nak Sabá, tén han yámet ekmátsa nak ekpaqneyam éleñama nak ma'a apkelókxa makhawók agko'? Megkalchek ko'o ewáxok ma'a aqsok kélwatno nak, tén han ma'a mók aqsok kélnaqtósso kélnapma nak.”

Ezequiel 16:14

Payheykekxeyk axta ekwesey ekyókxoho apheykegkaxa nak chá'a pók aptémakxa énxet'ák ma'a ektémakxa ektaqmalma, taxnéssamók axta m'a aqsok élyenma sélnáxegkáseykencha'a axta. Ko'o sekxeyenma xa, sektáha nak Wesse'.

Ezequiel 38:13

Sa' etnehek elmaxneyha énxet'ák apkeleñama nak yókxexma Sabá tén han Dedán, tén han énxet'ák ekha nak aqsok apkexeykekxa m'a Tarsis, tén han ma'a nápakha nak tegma apkelyawe: ¿Apxegakmeya yaqwayam emenyexek? ¿Apchánchesákxeya sẽlpextétamo apagkok yaqwayam énnaqtések apyempehek emenyexek tén han elmok ma'a sawo ekmope élmomnáwa nak tén han ma'a sawo ekyátekto élmomnáwa nak, tén han ma'a weyke nak tén han ma'a mók aqsok egagkok nak, tén elsakxak ekxámokma agko' ma'a aqsok?”