1 Reyes 1:52 - Biblia Enxet

⁵² Apchátegmowágkek axta Salomón: —Aptaqmelcháseykpok sa' agkok aptémól'a xama énxet ektaqmalma nak aptémakxa, megkóllegássesagkók sa' xama enxoho; wetáxcheyk sa' agkok aptémakxa ekmaso, emátog sa'.

1 Reyes 1:52 ပူးပေါင်းရင်းမြစ်များ

2 Samuel 14:11

Axta eyke táhak makham eyáneya kelán'a: —¡Éltamhók ko'o exchep ewónmakha Dios Wesse' apagkok, wesse', yaqwayam enxoho megkayawagkehek apkelane aqsok ekmaso heyaqhássesek pók hatte m'a apnámakkok nak, apmáheyo exnésseshok mók apmatñà m'a pók hatte axta! Keñe axta aptáha appaqmeta wesse' apwányam se'e: —¡Naqsók ko'o sektáha sekpeywa nápaqtók Wesse' egegkok, megkólteméssessamók exma ekmaso m'a étche nak!

1 Reyes 1:51

Xama énxet axta apkeltennássekxak ma'a Salomón: —Apkekak xeyep Adonías, wesse', apyexánegwákxak ma'a ekwatnamáxchexa nak aqsok. Apkeltamhók etnéssesek naqsók agko' appeywa keso kaxwo' nak megyánhek emátog, wesse'.

1 Reyes 1:53

Yetlókok axta han Salomón apkeltémo kóltekkessekxak ma'a ekwatnamáxchexa nak aqsok. Tén axta Adonías apmeyákxo apháxegwákxo apmonye' m'a wesse' apwányam Salomón, tén axta apkeltamho etaqhekxak apxagkok.

Job 15:22

Mopwanchek kaxének apwáxok éxánegkesek ekyáqtésso exma: ¡hakte kelhaxneyk sókwenaqte yaqwayam kaqhek!

Proverbios 13:6

Aptémakxa ekpéwomo chá'a kamyók ma'a énxet meyke nak aqsok ekmaso apkelane; aptémakxa ekmaso eyke chá'a katsagkasek ma'a énxet mey'assáxma nak.

Proverbios 21:12

Dios apteme nak appéwomo, elanha chá'a apxagkok ma'a énxet ekmaso nak aptémakxa', yehekxak han aqsok élmaso m'a élmasagcha'a nak apkeltémakxa'.

1 Samuel 14:45

Keñe axta énxet'ák aptáha apchátegmowágko Saúl se'e: —¡Mopwanchek yetsapok Jonatán, hakte apkelmallahanchessegkek kempakhakma m'a énxet'ák Israel! ¡Móltamhók negko'o katnehek xa! ¡Naqsók negko'o nentáha nélpeywa yetlo nenxeyenma Wesse' egegkok, móghók kólteméssessamhok exma ekmaso xama enxoho! Hakte Dios appasmak apkelana nak se'e sakhem nak. Cháxa apwagkasa axta teyp énxet'ák ma'a Jonatán megya'awo yetsapok.