1 Reyes 1:41 - Biblia Enxet

⁴¹ Chaqhawók axta appenchásegkaxa aptéyak apkelleg'a ekyennama exma m'a Adonías yetlo apyókxoho ektáha axta apkeláneyeykha. Xama axta apleg'a Joab ekpáwà m'a aqsok egkepetek kélaqkahasso, axta aptáhak se'e: —¿Yaqsa ektáha ekyennama nak exma tegma apwányam?

1 Reyes 1:41 ပူးပေါင်းရင်းမြစ်များ

1 Reyes 1:40

Apkelyetlókek axta han apyókxoho énxet, apkelpáwássek axta yámámok. Awanhók agko' axta élpayheykekxa apkelwáxok, máxa axta táhak ekpaqxa enxoho neyseksa xapop eñama apkelpáxameykha ekyennaqte.

1 Reyes 1:42

Neyseksa appaqmeyesma axta han apwákxo m'a Jonatán, Abiatar axta apketche, apteme axta apkelmaxnéssesso Dios énxet'ák apagkok. Aptáhak axta Adonías apcháneya s'e: —Etex, xép apteme énxet ekha kéláyo, megkatnehek meseykenta amya'a ektaqmela.

Job 20:5

yaqwátawók chá'a katnehek ekpayheykekxa apwáxok ma'a ekmaso nak aptémakxa; yaqwatakxoho m'a apchátseykha nak.

Éxodo 32:17

Xama axta apleg'a apkelpáxameykha yetlo apkelwehéseykha énxet'ák ma'a Josué, aptáhak axta apcháneya Moisés se'e: —Ekleg'a nak ko'o apkelwehéseykha apkempakhe énxet'ák ma'a nélpakxeneykegkaxa nak.

Proverbios 14:13

Néktegmeykha kápok ma'a senlapwayam nak, massegwokmek agkok ekpayheykekxa egwáxok, kayaqmegekxak ma'a nenlekxagweykha.