ZEPHANIAH 3:8 - Edisana ñwed Abasi Ibom

⁸ Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

ZEPHANIAH 3:8 ပူးပေါင်းရင်းမြစ်များ

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 123:2

Sese, nte enyin ifin esede ubɔk mme ete mmɔ, nte enyin ofin aŋwan esede ubɔk eka esie, kpa ntre ke enyin nnyin ese Jehovah Abasi nnyin, tutu enye ɔfɔn ido ye nnyin.

ŊWED MME PSALM 27:14

Bet Jehovah: sɔŋ idem, ndien enye eyesɔŋ fi esit: tim bet Jehovah.

ŊWED MME PSALM 37:34

Bet Jehovah, nyuŋ nim ido esie, ndien enye eyemenere fi onim ke enyɔŋ, man ada isɔŋ enyene.

ŊWED MME PSALM 37:7

Dop uyo nɔ Jehovah, nyuŋ bet enye, kuyat esit ubaŋa owo eke okutde unen ke usuŋ esie, ubaŋa owo eke anamde idiɔk uduak.

ŊWED MME PSALM 62:1

UKPƆŊ mi odop ɔnɔ Abasi ikpɔŋ-ikpɔŋ: erinyaŋa mi oto enye.

ŊWED MME PSALM 62:5

O ukpɔŋ mi, dop nɔ Abasi ikpɔŋ-ikpɔŋ: koro idorienyin mi otode enye.

ŊWED MME PSALM 79:5

O Jehovah, adaŋa didie ke afo ediyaresit ke nsinsi?

ŊWED MME PSALM 79:6

Nte ufup fo edisak nte ikaŋ? Ŋwaŋa iyaresit fo ke mme idut eke mifiɔkke fi, ye ke mme obio eke misemeke ikot enyiŋ fo.

MME ŊKE 20:22

Kudɔhɔ ete, Nyenam usiene idiɔk-ŋkpɔ: bet Jehovah, ndien enye eyeŋwam fi.

IKWƆ SOLOMON 8:6

Nim mi nte seal ke esit fo, ye nte seal ke ubɔk fo: koro ima ɔmɔsɔŋ nte mkpa; ufup onyuŋ ɔsɔŋ ubɔk nte udi: edemikaŋ esie esesak nte edemikaŋ Jehovah.

ISAIAH 14:26

Emi edi uduak emi ekeduakde ebaŋa ofuri ererimbot: emi onyuŋ edi ubɔk emi enyanarede ke enyɔŋ kpukpru mme idut.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 34:2

Koro Jehovah ayatde esit ye kpukpru mme idut, onyuŋ ofutde esit ye kpukpru mme udim ekɔŋ mmɔ: enye omonim mmɔ ɔnɔ nsobo; ɔnɔ mmɔ, ete eda ekewot.

ISAIAH 63:6

Ndien nyedigi mme idut ke iyaresit mi, nnyuŋ nnam mmɔ eŋwɔŋ eyuhɔ ke ifuresit mi, nnyuŋ nnam enyam mmɔ ɔsuhɔre ke isɔŋ.

JEREMIAH 10:25

Ŋwaŋa iyaresit fo ke idem mme idut eke mifiɔkke fi, ye ke mme ufɔk eke mikotke fi enyiŋ: koro emedia Jacob, mmɔ esuk eta enye, enyuŋ etak enye, enyuŋ esobo iduŋ esie.

HOSEA 12:6

Afo ndien fiak tiene Abasi fo: nim ima ye ikpe, nyuŋ dori enyin ye Abasi fo kpukpru ini.

JOEL 3:2

ndien nyebon kpukpru mme idut, nda mmɔ nsuhɔre ke itihere Jehosha-phat, nnyuŋ ŋkpe ikpe ye mmɔ do, mbaŋa ikɔt mi ye Israel udeme mi, emi mmɔ ekesuande ke otu mme idut, ndien ebahare isɔŋ mi.

MICAH 7:7

Edi ami nyetiŋ enyin ke Jehovah: nyebet Abasi emi anyaŋade mi: Abasi mi eyekop uyo mi.

HABAKKUK 2:3

Koro ŋkukut anade kaŋa ɔnɔ ini emi enimde; ndien enye eyesioro uyo ke utit, idinyuŋ isuhɔ nsu: enye ama ebigi, bet enye; koro enye miditreke ndidi, midinyuŋ ibehe ini.

ZEPHANIAH 1:18

Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.

HAGGAI 2:22

ndien nyeyut ebekpo mme idut ŋkabare nnim; nyenyuŋ nsobo odudu mbɔŋ mme idut; nyenyuŋ nyut chariot ye mmɔ eke edorode ke esit ŋkabare nnim; ndien mme horse ye mmɔ eke edorode mmɔ eyesuhɔre, kpukpru owo ke ofut eyen ete mmɔ.

MATTHEW 25:32

Ndien eyebon kpukpru mme idut ke iso Esie: Enye eyenyuŋ abahare mmɔ kiet ye eken, nte emi ekpemerɔŋ abaharede erɔŋ ye ebot;

2 PETER 3:10

Edi Usen Ɔbɔŋ edibuat nte inɔ; ke usen oro ikpa-enyɔŋ eyebe efep ye akamba uyom, se edade ebot ererimbot eyenyuŋ etara ke ɔkpɔsɔŋ ufiop, ndien isɔŋ ye kpukpru utom eke enamde ke esit eyeta ikaŋ ebiara.

ERIYARARE 16:1

EKEM ŋkop ɔkpɔsɔŋ uyo emi otode ke temple ɔdɔhɔ angel itiaba oro ete, Mbufo eka ekeŋwaŋa eso iyaresit Abasi itiaba oro eduɔk ke isɔŋ.

ERIYARARE 16:14

mmɔ edi spirit mme demon emi enamde mme idiɔŋɔ, emi enyuŋ ewɔŋɔde eka ke ɔtɔ ndidem kpukpru ekondo, nditaŋ mmɔ mbok ɔtɔ kiet edi ekɔŋ akwa usen Abasi, Andikara kpukpru ŋkpɔ.