ZEPHANIAH 3:7 - Edisana ñwed Abasi Ibom

⁷ Ŋkɔdɔhɔ nte, Kam bak mi, bɔ item; ndien idisibeke iduŋ esie ifep, kpa kpukpru se ŋkonimde nnɔ enye: edi mmɔ ebak edemere enam kpukpru ido mmɔ ediɔk.

ZEPHANIAH 3:7 ပူးပေါင်းရင်းမြစ်များ

GENESIS 6:12

Ndien Abasi ese ererimbot, ndien, sese, ababiara: koro kpukpru owo ekebiatde usuŋ mmɔ ke isɔŋ.

2 CHRONICLES 33:11

Ekem Jehovah ada mme etubom udim-ekɔŋ edidem Assyria edi etiene mmɔ, ndien mmɔ emum Manasseh ke uwem, enyuŋ ekɔbi enye ufat-ubɔk ndien eda enye enyɔŋ ke Babylon.

ŊWED JOB 36:10

Enye onyuŋ aŋwaŋade mmɔ utɔŋ ɔnɔ item, onyuŋ ɔdɔhɔ mmɔ, ete efiak edem ekpɔŋ ukwaŋ-ŋkpɔ.

ŊWED MME PSALM 32:8

Nyeteme fi, nnyuŋ ŋwut fi usuŋ eke afo edisaŋade: nyeteme fi, nyetiŋ fi enyin mi ke idem.

MME ŊKE 19:20

Kop item, nyuŋ bɔ ntunɔ, man enyene ibuot ke ini iso fo.

ISAIAH 5:4

Nso ŋkpɔ ɔsuhɔ eke ŋkpanamde ye iŋwaŋ-vine mi, ndien mmeŋkanamke ke esit? Nnam didie ndien, nnim enyin nte enye eyeŋwum grape, ndien enye oŋwum ɔbɔruduk?

ISAIAH 63:8

Ndien enye ɔdɔhɔ, ete, Mmɔ edi ikɔt mi ikpɔŋ, nditɔ eke midisuhu nsu: ndien enye akabare edi andinyaŋa mmɔ.

JEREMIAH 17:23

Ndien mmɔ ikopke, inyuŋ ikpaŋke utɔŋ mmɔ, edi esɔŋɔ obot itɔŋ mmɔ, ndien mmɔ ikopke, inyuŋ ibɔhɔ item.

JEREMIAH 25:5

Mbɔk mbufo kiet kiet ekabare ekpɔŋ mme idiɔk usuŋ mbufo, ye mme idiɔk ido mbufo, enyuŋ eduŋ ke isɔŋ emi Jehovah ɔkɔnɔde mbufo ye mme ete mbufo ke nsinsi:

JEREMIAH 36:3

Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.

JEREMIAH 38:17

Ndien Jeremiah ɔdɔhɔ Zedekiah, ete, Ntem ke Jehovah Abasi mme udim Abasi Israel ɔdɔhɔ, ete, Edieke afo edinyimede ndiwɔrɔ ntiene ikpɔ owo edidem Babylon, ukpɔŋ fo eyedu uwem, ndien obio emi iditaha ikaŋ; afo ye ufɔk fo eyenyuŋ edu uwem:

JEREMIAH 6:8

Yak eteme fi, O Jerusalem, mbak ukpɔŋ mi ediwɔŋɔre ɔkpɔŋ fi; mbak ndinim fi ke desert, ke isɔŋ eke owo miduŋke ke esit.

JEREMIAH 7:7

ndien nyeyak mbufo edu ke ebiet emi, ke nsinsi-nsinsi ke isɔŋ emi ŋkɔnɔde mme ete mbufo.

JEREMIAH 8:6

Ŋkakpaŋ utɔŋ ŋkop, mmɔ idɔhɔke se inende: baba owo kiet ituaha mkpɔfiɔk ke idiɔk ido esie, ete, Ŋkanam nso? Kpukpru mmɔ ekabare eduk ke mbuba mmɔ, kpa nte horse obumerede oduk ke ekɔŋ.

HOSEA 9:9

Mmɔ emebiara ekaha kpa nte ke ini Gibeah: Enye eyeti idiɔk ido mmɔ, eyenɔ mmɔ ufen mme ukwaŋ-ŋkpɔ mmɔ.

ZEPHANIAH 3:2

Enye ikopke uyo: ibɔhɔ item: ibuɔtke idem esie ye Jehovah; isaŋake ikpere Abasi esie.

DEUTERONOMY 4:16

mbak mbufo edikabare ediɔk, enyuŋ enam edisɔi mbiet ŋkpɔ ekededi enɔ idem mbufo, eke ebietde eren mme ŋwan,

1ŊWED TIMOTHY 1:5

Edi mma nnɔ uyo emi, man oto do mmɔ enyene ima eke otode ke edisana esit, ye esit eke midiɔŋɔke idiɔk ke idem esie, ye ata mbuɔtidem.

2 PETER 3:9

Ɔbɔŋ iduɔnke ke erinam uŋwɔŋɔ Esie, ke ido nte ndusuk owo ekerede ete, Enye ɔduɔn; Enye akam enyene anyan ime ye mbufo, inyuŋ iyomke baba owo kiet atak, edi oyom kpukpru owo etua mkpɔfiɔk ekabare esit.