ZEPHANIAH 3:5 - Edisana ñwed Abasi Ibom

⁵ Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

ZEPHANIAH 3:5 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

ŊWED JOB 34:10

Mbufo mbon eti-ibuot, ekop ndien uyo mi. Nsa Abasi, enye idiɔkke. Nsa Abasi Ibom, enye inamke ukwaŋ-ŋkpɔ.

ŊWED JOB 7:18

Onyuŋ esede enye kpukpru usenubɔk, onyuŋ odomode enye kpukpru ini?

ŊWED JOB 8:3

Nte Ata Ɔkpɔsɔŋ akwaŋa se inende?

ŊWED MME PSALM 145:17

Jehovah emenen ke kpukpru usuŋ esie, onyuŋ ɔfɔn ido ke kpukpru se enye anamde.

ŊWED MME PSALM 37:6

Ndien enye eyeda eti ido fo ɔwɔrɔ nte uŋwana, ye ikpe fo nte ufɔt uwemeyo.

ŊWED MME PSALM 92:15

Man ewut ete ke Jehovah enenen: enye edi akwa itiat mi, ndien ukwaŋ-ŋkpɔ iduhe enye ke esit.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 28:19

Adaŋa ini nte ebede, enye eyeda mbufo, koro enye eyebe kpupkru usenubɔk, ke uwemeyo ye ke okoneyo: ndien erifiɔk ŋkpɔ eke edikopde edidi ndik-ndik.

ISAIAH 33:2

O Jehovah, fɔn ido ye nnyin; nnyin imebet fi: di ubɔk mmɔ ke usenubɔk, ye erinyaŋa nnyin ŋko ke ini ukut.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

ISAIAH 50:4

Ɔbɔŋ Jehovah ɔmɔnɔ mi edeme mmɔ eke ekpepde ŋkpɔ, man mfiɔk ndida ikɔ ŋŋwam mmɔ eke ekpade mba: enye eyedemere, eyedemere mi utɔŋ kpukpru usen-ubɔk, man ŋkop kpa nte mmɔ eke ekpepde ŋkpɔ.

JEREMIAH 21:12

O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

ŊWED ESEME 3:23

Mmɔ edi mbufa kpukpru usenubɔk: akpanikɔ fo omokpon.

EZEKIEL 18:25

Ndien mbufo ke edɔhɔ ete, “Usuŋ Ɔbɔŋ inenke.” O ufɔk Israel, mbufo ekop, mbɔk; nte usuŋ mi inenke? Nte idige usuŋ mbufo inenke?

EZEKIEL 48:35

Enye edi tɔsin eto idomo-okuk efureta akan okuk. Ndien toto ke usen oro enyiŋ obio eyekere, ete, JEHOVAH-SHAMMAH (JEHOVAH ODU DO).

HOSEA 14:9

Anie owo enyene ibuot, man enye otim ese ŋkpɔ emi? Anie owo edi ɔniɔŋ, man enye ɔfiɔk mmɔ? Koro mme usuŋ Jehovah enende; ndinen owo eyenyuŋ esaŋa mmɔ ke esit: ndien mmɔ eke eduede eyeduɔŋɔ ke esit.

HOSEA 6:5

Oro esin ŋkada prophet ŋkpeŋe mmɔ, nnyuŋ ŋwot mmɔ ke ikɔ inua mi: ndien ikpe fo ɔwɔrɔ nte uŋwana.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 7:9

Nyeyɔ ifuresit Jehovah, koro nduede enye: tutu enye edibiere ikɔ mi, onyuŋ ekpe ikpe mi: enye eyesio mi onim ke uŋwana: nyekut edinen ido esie.

HABAKKUK 1:3

Nsinam afo owutde mi idiɔk ido, onyuŋ esede ukut? Nsobo ye afai enyuŋ edu mi ke iso; utɔk onyuŋ odu, eŋwan onyuŋ emen idem.

ZEPHANIAH 2:1

MBUFO esop idem mbufo, enyuŋ ebono, O idut eke mikemeke ndikut but;

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

ZEPHANIAH 3:15

Jehovah ɔmɔbɔ fi ufen efep, amakabare usua fo efep: edidem Israel, Jehovah, odu ke otu mbufo: afo udukwe aba idiɔk.

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

ZECHARIAH 2:5

Jehovah onyuŋ ɔdɔhɔ, ete, Ami nyedi ibibene ikaŋ ŋkan enye ŋkuk, nyenyuŋ ndi ubɔŋ ke ufɔt esie.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

LUKE 12:2

Edi ŋkpɔ iduhe eke efukde fuk, eke midiyarakere; ŋkpɔ inyuŋ iduhe eke edipde dip, eke owo midifiɔkke.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

ŊWED MBON ROME 3:26

man onyuŋ ayarare edinen ido Esie ke ini emi, ete Imɔ ke Idem Imɔ idi edinen, inyuŋ inam ikpe etebe owo eke ɔbuɔtde idem ke Jesus.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

DEUTERONOMY 23:14

Koro Jehovah Abasi fo asaŋade ke esit fo, ete inyaŋa fi, inyuŋ ida mme asua fo inim fi ke iso: ndien nna fo edi edisana: mbak enye edikut mbubiam ke otu fo, ndien akabare ɔkpɔŋ fi.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;