ZEPHANIAH 3:12 - Edisana ñwed Abasi Ibom

¹² Nyenyuŋ nsuhɔ mbio unana ye nditɔ ubuene ke ufɔt mbufo, ndien mmɔ eyebuɔt idem ke enyiŋ Jehovah.

ZEPHANIAH 3:12 ပူးပေါင်းရင်းမြစ်များ

EZRA 9:8

Ndien ke emi Jehovah Abasi nnyin ɔfɔn ini esisit, ke erisuhɔ usuk nnyin emi ibɔhɔde, nnyuŋ nnɔ nnyin ntok ke edisana ebiet esie, man Abasi nnyin aŋwaŋa nnyin enyin, onyuŋ edemere nnyin ke itie ufin nnyin.

ŊWED MME PSALM 37:40

Jehovah omonyuŋ ɔbɔ mmɔ ubɔk, onyuŋ anam mmɔ ebɔhɔ: enye eyenam mmɔ ebɔhɔ mme idiɔk owo, eyenyuŋ anyaŋa mmɔ, koro mmɔ ebuɔtde idem mmɔ ye enye.

ISAIAH 14:30

Ndien ikpan mbon unana eyedia ŋkpɔ, mme ubuene eyenyuŋ esuhɔre ena ke mbuɔtidem; ndien nyewot oruŋ fo ke biɔŋ, ndien enye eyewot nsuhɔ fo.

ISAIAH 14:32

Edibɔrɔ ndien mme isuŋutom mme idut didie? Ete ke Jehovah omowuk Zion, ndien mbon ukut ke otu ikɔt esie ebɔhɔ eka do.

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

ISAIAH 6:13

Edi ɔyɔhɔ ubak duop eyesuk odu enye (isɔŋ) ke esit, ndien emi eyetɔŋɔ ntak edi se editade, kpa nte terebinth, ye nte ofriyo, eke etak odude ke esit, ke ekpide mmɔ eduɔk: etak esie (oro) eyedi edisana mkpasip.

JEREMIAH 17:7

Osuk ɔfɔfɔn ɔnɔ owo eke ɔbuɔtde idem ye Jehovah, eke Jehovah onyuŋ edide iberedem esie.

JEREMIAH 50:20

Jehovah ɔdɔhɔ, ete, Ke mme usen oro, ye ke ini oro, eyeyom idiɔk ido Israel, edi ididuhe; eyenyuŋ eyom mme ukwaŋ-ŋkpɔ Judah, edi idikwe: koro nyedahado nnɔ mmɔ eke ndisuhɔde.

EZEKIEL 6:8

Ndien nyesuhɔ ndusuk; koro ndusuk eke ebɔhɔde ofut eyenyene mbufo ke otu mme idut, ke ini mbufo esuanade ke otu mme obio.

MICAH 5:6

ndien mmɔ eyedia isɔŋ Assyria ke ofut, ye isɔŋ Nimrod ke inua-otop esie: ndien enye eyenyaŋa nnyin osio Assyria ke ubɔk ke adaŋemi enye odukde ke isɔŋ nnyin, ke enye onyuŋ edigide ŋkpɔ ke esit adaŋa nnyin.

NAHUM 1:7

Jehovah ɔmɔfɔn, edi ɔkpɔsɔŋ ebiet ke usen ukut; enye onyuŋ ɔfiɔk mmɔ eke ebuɔtde idem mmɔ ye enye.

ZECHARIAH 11:11

Ntem ke enye abiara ke usen oro: ndien ntem ke mme ubuene otu ufene emi esede mi, edifiɔk ete ke enye edi uyo Jehovah.

ZECHARIAH 11:7

Ndien ami mbɔk ŋkpri ufene eke ediwotde, kpa ata ubuene otu ufene. Ndien nda esaŋ iba ke idem mi, nsiɔ kiet enyin Uyai, nsio kiet eken enyiŋ Ubɔp-ŋkpɔ; ntem ke mbɔk ufene oro.

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 12:21

Ndien mme Gentile eyedori enyin ke enyiŋ Esie.

MATTHEW 5:3

Ɔfɔfɔn ɔnɔ mmɔ eke ebuenede ke spirit: koro Obio Ubɔŋ Heaven enyene mmɔ.

ŊWED MBON ROME 15:12

Isaiah onyuŋ ɔdɔhɔ ete, Orun eyeto ke Jesse ɔwɔrɔ, Edi Enye eyedaha ada ndikara mme Gentile; Mme Gentile eyenyuŋ edori Enye enyin ke idem.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

1 PETER 1:21

Oto Enye ke mbufo ebuɔt idem ye Abasi, emi akanamde Enye eset ke mkpa, onyuŋ ɔnɔde Enye ubɔŋ, kpaŋ mbuɔtidem ye idori-enyin mbufo ekpodu ke Abasi.