ZEPHANIAH 3:11 - Edisana ñwed Abasi Ibom

¹¹ Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.

ZEPHANIAH 3:11 ပူးပေါင်းရင်းမြစ်များ

ŊWED MME PSALM 131:1

O JEHOVAH, esit mi ikoŋke, mmenekede enyin mi ke enyɔŋ: nnyuŋ nsaŋake ke ikpɔ ŋkpɔ, emi edide utibe ekan mi.

ŊWED MME PSALM 49:5

Ŋkpedikhe didie ke idiɔk usen, ke ini idiɔk ido mmɔ eke edibede ebet mi, edikande mi okuk?

ŊWED MME PSALM 59:12

Ndudue inua mmɔ edi ikɔ mkpɔk-inua mmɔ: ndien eyeda mmɔ ke iseri mmɔ: ndien isuŋi ye nsu emi mmɔ esude, esin.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ISAIAH 45:17

Jehovah anyaŋa Israel nsinsi erinyaŋa: but ye esuene idinamke mmɔ ke nsinsi-nsinsi.

ISAIAH 5:15

Ndien owo ɔsuhɔre, ɔbɔŋ onyuŋ ɔduɔ, enyuŋ etuk mbon iseri enyin:

ISAIAH 54:4

Kufehe: koro but midinamke fi; kunyuŋ uyak nsia oyomo fi: koro afo mudukwe esuene: koro afo eyefre but uyen fo; udunyuŋ utihi aba itie-ebe-akpa fo.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

ISAIAH 61:7

Ke ibuot but mbufo eyekut ikaba; ndien ke ibuot esuene mmɔ eyedara ke udeme mmɔ: mmɔdo ke isɔŋ mmɔ ke mmɔ edida ikaba enyene: nsinsi idaresit eyenyene mmɔ.

JEREMIAH 13:9

Ntem ke Jehovah ɔdɔhɔ, ete, Kpa ntem ke ami ndisobo iseri Judah, ye akwa iseri Jerusalem.

JEREMIAH 7:4

Mbufo ekubuɔt idem ke ikɔ nsu, ete, temple Jehovah, temple Jehovah, temple Jehovah edi mme mmɔ emi.

EZEKIEL 20:40

Koro Ɔbɔŋ Jehovah ɔdɔhɔde ete, Ke edisana obot mi, ke edikoŋ obot Israel, do ke ofuri ufɔk Israel, kpukpru mmɔ ke isɔŋ, edinam ŋkpɔ mi: do ke mmɔ edinem mi esit, do ŋko ke ndiyom edimenere uwa mbufo, ye akpa ŋkpɔ eke mbufo emende ke kpukpru edisana ŋkpɔ mbufo enɔ.

EZEKIEL 24:21

Ntem ke Ɔbɔŋ Jehovah ɔdɔhɔ ete, Sese, ami, mmɔŋ mbiat edisana ebiet mi, ubɔŋ odudu mbufo, ŋkpɔ emi enyin mbufo emade, ye se ukpɔŋ mbufo enyenede mbɔm ke esit: ndien nditɔ-iren mbufo ye nditɔ mbufo iban emi mbufo ekpɔŋde eye-duɔŋɔ ke ofut.

DANIEL 9:16

O Obɔŋ, kpa nte ofuri eti ido fo asaŋade, mbɔk, yak iyaresit fo ye ikpahesit fo ekabare ekpɔŋ obio fo Jerusalem, edisana obot fo: koro mme idiɔk ido nnyin ye mme ukwaŋ-ŋkpɔ mme ete nnyin esinde Jerusalem ye ikɔt fo ekabare edi ŋkpɔ esuene kpukpru mmɔ eke ekande nnyin ekuk.

DANIEL 9:20

Ndien ke adaŋemi ami nsuk ndɔhɔde ikɔ, nnyuŋ mbɔŋ akam, nnyuŋ ntiŋ idiɔk ido mi, ye mme idiɔk ido oruk mi Israel, nnyuŋ nnim mkpe-ubɔk mi ke iso Jehovah Abasi mi, mbaŋa edisana obot Abasi mi:

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

NUMBERS 16:3

Ndien mmɔ esop idem enam ikɔ ye Moses ye Aaron, ekedɔhɔ mmɔ, ete, Eke mbufo ekem ke adaŋa oro: koro ofuri esop kpukpru edide edisana, Jehovah onyuŋ odu ke otu mmɔ ŋko: nsinam ndien mbufo emende idem mbufo ke enyɔŋ ntre ekan esop Jehovah.

MATTHEW 3:9

ekunyuŋ ekere ndidɔhɔ ke esit mbufo, ete, Ŋkɔm nnyin imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham.

ŊWED MBON ROME 2:17

Edi edieke afo ekerede enyiŋ Jew, onyuŋ eberide edem ke ibet,

ŊWED MBON ROME 9:33

Mmɔ etuak ukot eduɔ ke itiat iduɔ; kpa nte ewetde ete, Sese mmonim itiat iduɔ ke Zion, Ye akwa itiat emi anamde owo ɔduɔ; Owo eke ɔbuɔtde idem ye Enye idinyuŋ ikwe but.

1 PETER 2:6

Koro ewet ntem ke Ŋwed Abasi, ete, Sese, mmonim akwa Itiat ke Zion, Edimek Itiat, ɔsɔŋ-urua Itiat inuk; Owo eke ɔbuɔtde idem ye Enye ididiaha but.