ZEPHANIAH 2:9 - Edisana ñwed Abasi Ibom

⁹ Jehovah mme udim Abasi Israel ɔdɔhɔ, ete, Ma uwem mi, mmɔdo Moab miditreke ndi-biet Sodom: nditɔ Ammon idinyuŋ itreke ndibiet Gomorrah: ebiet eke nettle ɔkɔride, ye obube inuŋ, ye nsinsi ndon: ikɔt mi eke edisuhɔde eyebume mmɔ, nditɔ idut mi eke esuhɔde eyeda mmɔ enyene.

ZEPHANIAH 2:9 ပူးပေါင်းရင်းမြစ်များ

ISAIAH 11:14

Ndien mmɔ eyeduɔ mme Philistine ke afara, ke edem usop-utin: eyedi ebume nditɔ edem usiaha-utin; Edom ye Moab eyedi se mmɔ edoride ubɔk mmɔ ke esit; nditɔ Ammon eyenyuŋ ekop uyo mmɔ.

ISAIAH 25:10

Koro ubɔk Jehovah eyesuk ana ke obot emi, eyenyuŋ edigi Moab ke itie esie, kpa nte edigide nnyanyaŋa ke mmɔŋ ebube ifum.

ISAIAH 49:18

Menere enyin fo kanare kuk, nyuŋ se; kpukpru mmɔ esop idem, edi ke ɔtɔ fo. Jehovah ɔdɔhɔ ete, Ma uwem mi, afo udutreke ndisine mmɔ kpukpru, nte ŋkpɔ mbana, nnyuŋ mbɔbɔ mmɔ ke idem nte ŋwan ndɔ.

JEREMIAH 46:18

Edidem emi enyiŋ esie edide Jehovah mme udim ɔdɔhɔ, ete, Ma uwem mi, nte Tabor ke otu ikpɔ obot, ye nte Carmel ke mben inyaŋ, enye eyedi.

JEREMIAH 48:1

NTEM ke Jehovah mme udim Abasi Israel ɔdɔhɔ abaŋa Moab, ete, Ɔdɔdiɔk ɔnɔ Nebo! koro ebumede enye: enam Kiriathaim but, enyuŋ eda enye: enam edikoŋ ebiet but ye ndik.

JEREMIAH 49:1

EKE nditɔ Ammon. Ntem ke Jehovah ɔdɔhɔ, ete, Nte israel inyeneke nditɔ-iren? Nte enye inyeneke adia-akpa? Nsinam edidem mmɔ adade Gad adia? Nsinam ikɔt esie enyuŋ eduŋde ke mme obio esie?

JEREMIAH 49:18

Jehovah ɔdɔhɔ ete, kpa nte ke ini ekewuride Sodom ye Gomorrah ye mbɔhiduŋ mmɔ, kpa ntre owo ididuŋke do, eyen owo idinyuŋ itiehe do.

JEREMIAH 49:33

Ndien Hazor eyekabare edi iduŋ jackal, ye ndobo ke nsinsi: owo ididuŋke do, eyen owo idinyuŋ idaŋke ke esit.

JEREMIAH 50:40

Jehovah ɔdɔhɔ, ete, Kpa nte Abasi okosobode Sodom ye Gomorrah ye mbɔhiduŋ mmɔ, kpa ntre ke owo ididuŋke do, eyen owo idinyuŋ idaŋke ke esit.

AMOS 1:13

Ntem ke Jehovah ɔdɔhɔ, ete, Idiɔk ido nditɔ Ammon ita ye inan iyakke mi ŋkabare enye (ufen) mfep; koro mmɔ esiakde iban idibi ke Gilead, man esehere adaŋa mmɔ.

AMOS 2:1

NTEM ke Jehovah ɔdɔhɔ, ete, Idiɔk ido Moab ita ye inaŋ iyakke mi ŋkabare enye (ufen) mfep: koro mmɔ ekefɔpde mme ɔkpɔ ndidem Edom enam ndom.

ZEPHANIAH 2:14

Ndien otu ufene eyesuhɔre ena ke esit, kpukpru mme unam idut: ikpaŋ ŋko ye ebiɔŋ eyeduŋ ke otu mbuot adaha esie; uyo mmɔ eyekwɔ ke window; ŋwure eyedu ke asaŋudɔk: koro efuhɔrede cedar emi ekenamde usɔ ke esit.

ZEPHANIAH 2:7

Mben inyaŋ eyenyuŋ enyene ufɔk Judah eke ɔsuhɔde; mmɔ eyedia ŋkpɔ ke esit: ke ufɔk Ashkelon mmɔ eyesuhɔre ena ke mbubreyo: koro Jehovah Abasi mmɔ eyenɔ mmɔ ufen; ndien enye eyeda mbuot ekɔŋ mmɔ afiak edi.

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

ZECHARIAH 2:13

O ofuri obukidem, mbufo edop uyo ke iso Jehovah: koro edemerede enye ɔwɔrɔ ke edisana iduŋ esie.

NUMBERS 14:21

Edi kpa nte ami nsuk ndudu uwem, ke akpanikɔ ubɔŋ Jehovah eyeyɔhɔ ke ofuri ererimbot.

ŊWED MBON ROME 14:11

Koro ewet ete, Jehovah ete, Ma uwem Mi, kpukpru edɔŋ eyetɔŋɔ enɔ Mi, Kpukpru edeme eyenyuŋ enɔ Abasi itoro.

DEUTERONOMY 29:22

ndien emana nditɔ mbufo emi editienede mbufo edem edaha da ke ini iso, ye esen owo ŋko eke editode ke anyan idut, eyedɔhɔ, ke ini mmɔ edikutde ufen isɔŋ oro, ye udɔŋɔ esie eke Jehovah anamde enye ɔdɔŋɔ;

DEUTERONOMY 29:23

nte ofuri isɔŋ esie edide brimstone, ye inuŋ, ye edisak ikaŋ, itɔhɔ ŋkpɔ ke esit, ŋkpɔ itibeke ke isɔŋ, baba ikɔŋ kiet inyuŋ ikɔrike ke esit, ebiet nsobo Sodom, ye eke Gomorrah, ye eke Admah, ye eke Zeboiim, emi Jehovah okosobode ke iyaresit esie ye ke ifiopesit esie: