ZEPHANIAH 2:11 - Edisana ñwed Abasi Ibom

¹¹ Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

ZEPHANIAH 2:11 ပူးပေါင်းရင်းမြစ်များ

GENESIS 10:5

Mme mmɔ emi ebahare isuo mme idut ke isɔŋ mmɔ; kpukpru ke usem mmɔ, ye ke oruk mmɔ, ye ke idut mmɔ.

ŊWED MME PSALM 138:4

O Jehovah, kpukpru ndidem ererimbot eyekɔm fi, koro mmɔ edikopde ikɔ inua fo.

ŊWED MME PSALM 72:17

Enyiŋ esie eyedu ke nsi nsi; enyiŋ esie eyebigi adaŋa ini nte utin ayamade: eyeda enye ediɔŋ idem mmɔ: kpukpru mme idut eyedɔhɔ ete ɔfɔn ye enye.

ŊWED MME PSALM 86:9

Kpukpru mme idut emi afo akanamde eyedi edituak ibuot ke iso fo, Ɔbɔŋ; eyenyuŋ ekpono enyiŋ fo.

ISAIAH 2:18

Ndien ibɔk kpukpru eyetak.

ISAIAH 2:20

Ke usen oro owo eyeda ibɔk silver esie, ye ibɔk gold esie, eke ekenamde enɔ enye, ete okpono, ɔduɔk ɔnɔ oyit ye emiaŋ;

ISAIAH 42:10

Mbufo ekwɔ obufa ikwɔ enɔ Jehovah, ye itoro esie ke utit ererimbot, mbufo emi esuhɔde ke inyaŋ, ye se iyɔhɔde ke esit, mbufo mme isuo ye mme andiduŋ mmɔ.

ISAIAH 42:4

Esit ididuɔhɔ enye, idem idinyuŋ ikpaha enye, tutu enye onim ikpe ke ererimbot: mme isuo eyenyuŋ ebet mme ewuhɔ esie.

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

JEREMIAH 10:11

Ntem ke mbufo edidɔhɔ mmɔ, ete, Eyesobo mme abasi oro mikenamke enyɔŋ ye isɔŋ, efep ke isɔŋ ye ke idak ikpa-enyɔŋ emi.

JEREMIAH 46:25

Jehovah mme udim Abasi Israel ɔdɔhɔ, ete, Sese, ami mmɔŋ nda ufen ntiene Amon emi otode ke No, ye Pharaoh ye Egypt ye mme abasi mmɔ, ye ndidem mmɔ; kpa Pharaoh ye mmɔ eke ebuɔtde idem mmɔ ye enye.

DANIEL 11:18

Ndien enye eyekabare iso esie ese mme isuo, onyuŋ ada ediwak; ndien etubom ekɔŋ kiet eyenam esuene esie okure, man esuene esie okutɔŋɔ ntak osim enye.

HOSEA 2:17

Ndien nyesio enye enyiŋ Baalim ke inua mfep, idinyuŋ idaha aba enyiŋ mmɔ iti mmɔ.

JOEL 2:11

Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?

ZEPHANIAH 1:4

Nyenyuŋ nnyan ubɔk mi ndori Judah ke idem, ye kpukpru mme andiduŋ Jerusalem; nnyuŋ nsibe ikɔt Baal emi esuhɔde mfep ke ebiet emi, ŋkɔrɔ ye enyiŋ mme Chemarim ye mme oku;

ZEPHANIAH 3:9

Koro ke ini oro nyekabare edisana mkpɔk-inua nnɔ mme idut: man kpukpru mmɔ ekot enyiŋ Jehovah, man enam ŋkpɔ enɔ enye ke esit kiet.

ZECHARIAH 13:2

Jehovah mme udim onyuŋ ɔdɔhɔ, ete, Ama ekem ke usen oro, nyesibi enyiŋ ndem ke isɔŋ emi mfep, ndien iditihi aba mmɔ: nyenyuŋ nnam mme prophet ye spirit ndek edaŋa ke isɔŋ emi.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

ZECHARIAH 8:20

Ntem ke Jehovah mme udim ɔdɔhɔ ete, Ediwak owo ye mme andiduŋ ediwak mme idut eyesuk edi:

ZECHARIAH 8:23

Ntem ke Jehovah mme udim ɔdɔhɔ ete, Ke mme usen oro ke owo duop eke etode ke kpukpru usem mme idut edimum, kpa mmɔ edimum eyen Judah kiet utɔŋ ɔfɔŋidem, ete, Eyak nnyin ika ye mbufo: koro nnyin imokop ite ke Abasi odu ye mbufo.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

MALACHI 1:14

Edi osuk ɔdɔdiɔk ɔnɔ owo abiaŋa, eke ayara odude ke otu ufene esie, ndien enye akaŋa, onyuŋ awa obukpo ŋkpɔ ɔnɔ Ɔbɔŋ: koro ami ndide akwa edidem, enyiŋ mi onyuŋ enyene ndik ke otu mme idut. Jehovah mme udim ɔdɔhɔ.

DEUTERONOMY 32:38

emi eketade ikpɔŋ mme uwa mmɔ, enyuŋ eŋwɔŋde wine ediŋwɔŋ uwa mmɔ? Yak mmɔ edaha-eda enyaŋa mbufo, enyuŋ edi itie-udibe mbufo.

1ŊWED TIMOTHY 2:8

Nyom irenowo ndien ebɔŋ akam ke kpukpru ebiet, emenere ndisana ubɔk ke enyɔŋ, ekunyene iyaresit ye eneni.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.