ZEPHANIAH 1:8 - Edisana ñwed Abasi Ibom

⁸ Ndien ama ekem ke usen uwa Jehovah, nyeda ufen nnɔ mbɔŋ, ye nditɔ edidem, ye kpukpru owo eke esinede esen ŋkpɔ ke idem.

ZEPHANIAH 1:8 ပူးပေါင်းရင်းမြစ်များ

2 NDIDEM 10:22

Ndien enye ɔdɔhɔ owo emi akamade edisine-ŋkpɔ, ete, Sio edisine-ŋkpɔ nɔ kpukpru ikɔt Baal. Ntre ke enye osio edisine-ŋkpɔ ɔnɔ mmɔ.

ISAIAH 10:12

Ndien eyedi nte Ɔbɔŋ edisibede ofuri utom esiemɔ efep ke obot Zion, ye ke Jerusalem; ndien nyeda ufen ntiene mfri iseri esit edidem Assyria, ye ubɔŋ mmenere iso esie.

ISAIAH 2:6

Koro afo ɔmɔduɔk ikɔt fo, ufɔk Jacob, koro se itode ke edem usiaha-utin ɔyɔhɔde ke otu mmɔ, mmɔ enyuŋ ebre idiɔŋ, nte mme Philistine; enyuŋ esaŋa ŋkpɔ nte nditɔ mme idut.

ISAIAH 24:21

Ndien ama ekem ke usen oro, Jehovah eyeda ufen etiene udim enyɔŋ, etiene ndidem isɔŋ ke isɔŋ.

ISAIAH 39:7

Baba ŋkpɔ kiet idisuhɔke. Ndien mmɔ eyeda ndusuk nditɔ fo, eke editode fi ke idem, eke afo edibonde, efep; ndien mmɔ eyedi eunuch ke ufɔk edidem Babylon.

HABAKKUK 1:10

Ndien mmɔ eyese ndidem ke mbio, mbɔŋ enyuŋ edi ŋkpɔ nsahi ye mmɔ; mmɔ eyenyuŋ esak kpukpru mkpɔsɔŋ ebiet: ndien mmɔ eyekubi ntan enyuŋ eda mmɔ.

DEUTERONOMY 22:5

Ŋwan okusine ŋkpɔ eren-owo ke idem, eren-owo okunyuŋ esine ɔfɔŋidem aŋwan ke idem: koro Jehovah Abasi fo esede kpukpru mmɔ eke enamde ntem ke ŋkpɔ mbubiam.