ZEPHANIAH 1:7 - Edisana ñwed Abasi Ibom

⁷ Dop uyo ke iso Ɔbɔŋ Jehovah: koro usen Jehovah emekpere: koro Jehovah omowuk uwa: omotim mmɔ emi enye okokotde.

ZEPHANIAH 1:7 ပူးပေါင်းရင်းမြစ်များ

ŊWED JOB 24:1

NSINAM ABASI Ibom minimke ini? Nsinam mme mmɔ emi efiɔkde enye mikwe mme usen esie ŋko?

ŊWED MME PSALM 46:10

Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

ISAIAH 13:3

Ami mmowuk mmɔ emi ndianarede nnim nnɔ idem mi, mmonyuŋ ŋkot mbon uko mi edi edinam iyaresit mi, kpa ikɔt mi emi enyenede iwok ye iseri.

ISAIAH 13:6

Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ISAIAH 29:2

Ndien ami nyetuhɔ Ariel, ndien eyet ye ntuaŋa eyedu: enye eyenyuŋ etie nte Ariel ye ami.

ISAIAH 34:5

Koro ofut mi ɔŋwɔŋde ŋkpɔ ɔyuhɔ ke enyɔŋ: sese, enye eyesuhɔre Edom ke idem, ndikpe ikpe idut emi nnimde nnɔ nsobo.

ISAIAH 34:6

Jehovah emenyene ofut, enye ɔmɔyuhɔ iyip, emeyere aran ikpɔŋ-unam, ke iyip nditɔ-erɔŋ ye eke okpo ebot, ke aran ekput okukim: koro Jehovah enyenede uwa ke Bozarah, ye akamba eriwot ke isɔŋ Edom.

ISAIAH 6:5

Ndien ami ndɔhɔ, nte, Mbɔm mi! koro mmakpa: koro ami ndide owo edidehe mkpɔk-inua, nnyuŋ nduŋ ke otu mbon edidehe mkpɔk-inua: koro enyin mi okutde edidem, Jehovah mme udim.

JEREMIAH 46:10

Koro mfin emi enyenede Ɔbɔŋ Jehovah mme udim, usen usiene eke enye osiode usiene ye mme asua esie: ndien ofut eyedia ɔyuhɔ, onyuŋ ɔŋwɔŋ iyip mmɔ ɔyuhɔ: koro Ɔbɔŋ Jehovah mme udim oninim uwa ke edem edere, ke mben akpa euphrates.

EZEKIEL 7:10

Se usen: sese, emedi: usiere ɔmɔwɔrɔ: eto emesehe: iseri amasiaha ikɔŋ.

EZEKIEL 7:7

Usenubɔk omosim fi, O andiduŋ isɔŋ: ini emedi; usen ndutime emekpere: ndien idige mkpo ikpɔ obot.

JOEL 1:15

Mbɔm usen oro! koro usen Jehovah emekpere, enye eyenyuŋ edi nte nsobo eke otode Ata Ɔkpɔsɔŋ.

JOEL 2:11

Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?

JOEL 2:31

Utin eyekabare edi ekim, ɔfiɔŋ eyenyuŋ akabare edi iyip, ke akwa usen Jehovah emi enyenede ndik mikaidige.

AMOS 6:10

Ndien ufan esie kpa owo eke ɔfɔpde enye eyemen enye, onyuŋ osio mme ɔkpɔ ke ufɔk efep. Ndien enye eyedɔhɔ owo eke odude ke ata esit ufɔk oro, ete, Nte owo eŋwen osuk odu ye afo? Ndien enye eyedɔhɔ, ete, Omokure. Ndien enye eye-dɔhɔ ŋko, ete, Dop, koro midige nte etiŋde enyiŋ Jehovah.

AMOS 8:3

Ɔbɔŋ Jehovah onyuŋ ɔdɔhɔ, ete, Ikwɔ ufɔk edidem eyedi eseme ke usen oro: mme okpo ewak! men mmɔ duɔk ke ebiet ekededi: dop uyo!

HABAKKUK 2:20

baba ibifik inyuŋ iduhe enye ke esit. Ndien Jehovah odu ke edisana temple esie: ofuri ererimbot, dop uyo ke iso esie.

ZEPHANIAH 1:14

Akwa usen Jehovah emekpere, emekpere, eyenyuŋ ɔsɔp eti-eti, uyo usen Jehovah; do ke owo uko atua idiɔk-idiɔk.

ZECHARIAH 14:1

SESE, usen Jehovah ke edi, ndien mmɔ eyedeme mbume fo ke ufɔt fo.

ZECHARIAH 2:13

O ofuri obukidem, mbufo edop uyo ke iso Jehovah: koro edemerede enye ɔwɔrɔ ke edisana iduŋ esie.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MATTHEW 22:4

Enye ɔtɔŋɔ ntak ɔdɔŋ ikɔt esie efen, ete, Edɔhɔ mmɔ oro ekokotde ete, Sese mmanam udia mma, ewot enaŋ mi ye munam eke esehede, enyuŋ enam kpukpru ŋkpɔ ema: edi udia-ndɔ.

ŊWED MBON ROME 3:19

Edi nnyin imɔfiɔk ite se ededi eke ibet etiŋde, ke etiŋ ɔnɔ mmɔ emi edude ke idak ibet; man inua ɔkibɔ kpukpru owo, ofuri ererimbot enyuŋ esine ke idak ubiom-ikpe Abasi:

ŊWED MBON ROME 9:20

Edi afo edi anie, O owo, emi ɔbɔrɔde adian Abasi ntem? Nte ŋkpɔ eke ebotde ekeme ndidɔhɔ andibot enye ete, Nsinam afo okobotde mi ntem?

ŊWED MBON PHILIPPI 4:5

Eyak kpukpru owo ekut ete emetim ekara esit mbufo. Ɔbɔŋ ke ekpere.

ŊWED MBON COLOSSAE 1:12

mbufo ekpekam ekɔm Ete, emi akanamde nnyin idot ndibuana ke udeme nti owo ke uŋwana:

1 SAMUEL 16:5

Ndien enye ɔbɔrɔ ete, Ke ufan: ndi uwa emem ndiwa nnɔ Jehovah: mbufo enam idem-mbufo esana, enyuŋ etiene mi edi uwa. Enye onyuŋ anam Jesse ye nditɔ-iren esie esana, onyuŋ okot mmɔ edi uwa.

1 SAMUEL 20:26

Edi Saul idɔhɔke baba ikɔ kiet ke usen oro; koro enye ekerede, ete, Mme ŋkpɔ akanam enye, esin enye okusana; ŋkɔm enye isanake.