ZEPHANIAH 1:5 - Edisana ñwed Abasi Ibom

⁵ ye mmɔ eke etuakde ibuot enɔ mbon ikpa-enyɔŋ ke enyɔŋ ɔkɔm ufɔk; ye mmɔ eke etuakde ibuot enyuŋ eŋwɔŋɔde enɔ Jehovah, enyuŋ eŋwɔŋɔde enɔ Malcam;

ZEPHANIAH 1:5 ပူးပေါင်းရင်းမြစ်များ

1 NDIDEM 11:33

koro mmɔ emekpɔŋ mi, emenyuŋ etuak ibuot enɔ Astoreth idem Zidon, ye Chemosh idem Moab, ye Milcom idem nditɔ Ammon; inyuŋ isaŋake ke usuŋ mi, inyuŋ inamke se inende ke enyin mi, inyuŋ inimke mme ewuhɔ mi, ye mbet mi, nte David ete esie.

1 NDIDEM 11:5

Edi Solomon aka eketiene Ashtoreth idem mme Zidonian, ye Milcom mbubiam-ŋkpɔ mme Ammonite.

1 NDIDEM 18:21

Ekem Elijah oto edi editiene mbon oro, ndien ɔdɔhɔ, ete, Adaŋa didie ke mbufo esɔk ukot ke edem mbiba? Edieke Jehovah edide Abasi, mbufo etiene enye: edi ama edi Baal, etiene enye. Edi mbon oro ibɔrɔke enye baba ikɔ kiet.

2 NDIDEM 17:32

Ntem ke mmɔ ebak Jehovah, enyuŋ esio owo ke otu idem mmɔ, enim ke oku mme edikoŋ ebiet, emi enamde ŋkpɔ enɔ mmɔ ke ufɔk edikoŋ ebiet oro.

2 NDIDEM 17:33

Mmɔ ebak Jehovah, enyuŋ enam ŋkpɔ mme abasi idem mmɔ, ekem ke ido mme idut oro eketaŋde mmɔ ke esit edi.

2 NDIDEM 17:41

Ntre ke mme idut emi ekebak Jehovah, enyuŋ enam ŋkpɔ enɔ edisɔi mbiet mmɔ, kpa nditɔ mmɔ, ye nditɔ nditɔ mmɔ: kpa nte mme ete mmɔ ekenamde, kpa ntre ke mmɔ enam tutu osim mfin emi.

2 NDIDEM 23:12

Edidem onyuŋ owuri mme itie-uwa oro edude ke ɔkɔm ubet enyɔŋ Ahaz, emi ndidem Judah ekenamde, ye mme itie-uwa oro Manasseh akanamde esin ke esien mbiba ke ufɔk Jehovah, onyuŋ osio mmɔ ke ebiet oro, anuak emem, ada ɔkɔduɔk ke ebedeŋ Kidron.

ISAIAH 22:1

UYO Abasi emi abaŋa ebedeŋ ŋkukut. Nsinam fi ndien, eke kpukpru mbufo edɔkde ke enyɔŋ ɔkɔm ufɔk?

ISAIAH 44:5

Emi eyedɔhɔ, ete, Ami mmenyene Jehovah; emi ŋko eyeseme okot enyiŋ Jacob, ndien emi eyeda ubɔk esiemɔ ewet, ete, Eke Jehovah, onyuŋ ada enyiŋ Israel adian idem.

ISAIAH 45:23

Mmotomo idem mi, ikɔ ɔmɔwɔrɔ mi ke inua edinen, idinyuŋ ifiakke, nte kpukpru edɔŋ eyetɔŋɔ enɔ mi, kpukpru edeme eyenyuŋ etomo.

ISAIAH 48:1

EKOP ŋkpɔ emi, mbufo ufɔk Jacob, emi ekerede enyiŋ Israel, emi ekenyuŋ etode ke mmɔŋ Judah, emi etomode enyiŋ Jehovah, enyuŋ etiŋde enyiŋ Abasi Israel, edi idige ke akpanikɔ, inyuŋ idige ke eti ido.

JEREMIAH 12:16

Ndien ama ekem edieke mmɔ editimde ekpep ido ikɔt mi, enyuŋ etomo enyiŋ mi, ete, Ma uwem Jehovah; kpa nte mmɔ ekekpepde ikɔt mi nditomo Baal; ndien eyewuk mmɔ enim ke otu ikɔt mi.

JEREMIAH 19:13

ndien ufɔk Jerusalem, ye ufɔk ndidem Judah eyebiet ebiet Topheth, edi edidehe, kpa kpukpru ufɔk eke efɔpde ŋkpɔ ke enyɔŋ ɔkɔm mmɔ enɔ ofuri udim enyɔŋ, enyuŋ eŋwaŋade ediŋwɔŋ uwa enɔ abasi efen.

JEREMIAH 32:29

ndien mme Chaldean eke eŋwanade ekɔŋ ye obio emi, eyedi edikim ikaŋ ke obio emi, enyuŋ efɔp enye, ye ufɔk oro mmɔ ekefɔpde ŋkpɔ ke enyɔŋ ɔkɔm mmɔ enɔ Baal, enyuŋ ɔtɔhɔde ediŋwɔŋ uwa mmɔ enɔ abasi efen, man eyat mi esit.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

JEREMIAH 49:1

EKE nditɔ Ammon. Ntem ke Jehovah ɔdɔhɔ, ete, Nte israel inyeneke nditɔ-iren? Nte enye inyeneke adia-akpa? Nsinam edidem mmɔ adade Gad adia? Nsinam ikɔt esie enyuŋ eduŋde ke mme obio esie?

JEREMIAH 5:2

Ndien okposuk edi nte mmɔ edɔhɔde ete, Ma uwem Jehovah; mmɔ itreke nditomo nsin ke nsu.

JEREMIAH 5:7

Ndinam didie ndahado ke ŋkpɔ emi nnɔ fi? Nditɔ fo emekpɔŋ mi, enyuŋ etomo se midige Abasi: ndien ami nyak mmɔ etomo: ndien mmɔ esin efibe, enyuŋ eyire udim ekesop idem ke ufɔk mme akpara.

JEREMIAH 7:10

ndien edi edida ke iso mi ke ufɔk emi ekerede enyiŋ mi, enyuŋ edɔhɔ, ete, Nnyin imɔbɔhɔ man inam ofuri mbubiam emi?

JEREMIAH 7:9

Nte mbufo eyip inɔ, ewot owo, enyuŋ esin efibe, enyuŋ etomo Abasi ke nsu, enyuŋ efɔp ŋkpɔ enɔ Baal, enyuŋ etiene abasi efen eke mbufo mikefiɔkke,

JEREMIAH 8:2

enyuŋ esuan mmɔ enɔ utin ye ɔfiɔŋ, ye ofuri udim enyɔŋ, emi mmɔ emade, emi mmɔ enyuŋ enamde ŋkpɔ enɔ mmɔ, emi mmɔ enyuŋ etienede, enyuŋ ebupde mmɔ ŋkpɔ, enyuŋ etuakde ibuot enɔ mmɔ: iditaŋke mmɔ, idinyuŋ ibukke mmɔ ke isɔŋ; mmɔ eyekabare edi ifum ke iso isɔŋ.

HOSEA 10:2

Ebahare esit mmɔ; mmɔ eyesio isop idahemi: enye eyewuri itie-uwa mmɔ, eyebiat mbiet-ŋkpɔ mmɔ.

HOSEA 4:15

Edieke afo Israel edide akpara, Judah okukam edue; mbufo ekunyuŋ edi ke Gilgal, ekunyuŋ edɔk eka ke Beth-aven, ekunyuŋ etomo, ete, Ma uwem Jehovah.

AMOS 5:26

Edi mbufo ekebiom ataya edidem mbufo, ye Chiun mbiet-ŋkpɔ mbufo, ntantafiɔŋ abasi mbufo, emi mbufo ekenamde ke idem-mbufo.

MATTHEW 6:24

Baba owo kiet ikemeke ndisaŋa utom mme ete iba: koro enye eyesua kiet, ama eken; midige ntre, enye eyesɔŋɔ ada ye kiet, esin enye eken ke ndek. Mbufo ikemeke ndisaŋa utom Abasi ye eke mammon.

UTOM MME APOSTLE 10:9

Ke ndaŋ-nsiere, nte mmɔ esaŋade ke usuŋ, etɔŋɔ ndikpere obio, Peter ɔdɔk aka ke ɔkɔm ufɔk ndibɔŋ akam ke ekperede ufɔt uwemeyo:

ŊWED MBON ROME 14:11

Koro ewet ete, Jehovah ete, Ma uwem Mi, kpukpru edɔŋ eyetɔŋɔ enɔ Mi, Kpukpru edeme eyenyuŋ enɔ Abasi itoro.

DEUTERONOMY 10:20

Bak Jehovah Abasi fo; nam ŋkpɔ esie, nyuŋ yire ye enye, nyuŋ tomo enyiŋ esie.

DEUTERONOMY 4:19

mbak afo edinyuŋ emenere enyin fo ese enyɔŋ, onyuŋ okut utin, ye ɔfiɔŋ, ye ntantafiɔŋ, kpa ofuri udim enyɔŋ, ndien enuk fi awaha akatuak ibuot ɔnɔ mmɔ, onyuŋ anam ŋkpɔ ɔnɔ mmɔ emi Jehovah Abasi fo ama ekedeme ɔnɔ kpukpru mme idut ke idak enyɔŋ.

JOSHUA 23:7

man mbufo ekuduk ke otu mme idut emi, kpa mme mmɔ emi esuhɔde ke otu mbufo, ekunyuŋ ekot enyiŋ mme abasi mmɔ, ekunyuŋ enam owo otomo (mmɔ), ekunyuŋ enam ŋkpɔ mmɔ,