ZEPHANIAH 1:3 - Edisana ñwed Abasi Ibom

³ Nyetaŋ owo ye ufene, nyetaŋ inuen enyɔŋ, ye iyak akwa mmɔŋ, ye ŋkpɔ eke esinde mmɔ edue, ŋkɔrɔ ye mme idiɔk owo: Jehovah onyuŋ ɔdɔhɔ; ete, Nyesibe owo ke iso idut emi mfep.

ZEPHANIAH 1:3 ပူးပေါင်းရင်းမြစ်များ

GENESIS 6:7

Ndien Jehovah ɔdɔhɔ ete, Nyesɔhi owo emi mbotde ke iso isɔŋ mfep; ntɔŋɔ ye owo nsim ufene, ye ɔnyɔni, ye inuen enyɔŋ: koro mmatua ŋkpɔfiɔk koro ŋkanamde mmɔ.

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

ISAIAH 6:11

Ndien enye ɔbɔrɔ, ete, Tutu mme obio ewure enana mme andiduŋ, mme ufɔk enyuŋ ebiara enana owo, isɔŋ onyuŋ abiara fap,

ISAIAH 6:12

Jehovah onyuŋ emen owo efep onim anyan ebiet, enyuŋ ekpɔŋ akamba ubak ke ufɔt isɔŋ.

JEREMIAH 12:4

Adaŋa didie ke isɔŋ editua, mbiet kpukpru iŋwaŋ edinyuŋ asat, abaŋa mme idiɔk ido mmɔ eke eduŋde ke esit? Mme unam ye inuen emesobo: koro mmɔ ekedɔhɔde ete, Baba owo kiet idikwe utit nnyin.

JEREMIAH 50:3

Koro idut otode ke edem edere ɔdɔk edi ekɔŋ ye enye, enye eyenam isɔŋ esie edi ndon, ndien baba owo kiet eke oduŋde ke esit ididuhe: owo ye ufene emefeŋe, emedaŋa.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

EZEKIEL 44:12

Koro mmɔ ekenamde ŋkpɔ enɔ mmɔ ke iso mme ibɔk mmɔ: enyuŋ edide se inamde nditɔ Israel eduɔŋɔ ke idiɔk ŋkpɔ: mmɔdo mmemen ubɔk mi mbaŋa mmɔ, ndien mmɔ eyebiom idiɔk ido mmɔ: Ɔbɔŋ Jehovah ɔdɔhɔ.

EZEKIEL 7:19

Mmɔ eyemen silver mmɔ eduɔk ke esien; gold mmɔ eyenyuŋ akabare edi ndek: silver mmɔ ye gold mmɔ idikemeke ndinyaŋa mmɔ ke usen ifuresit Jehovah: mmɔ idiyuhɔke ukpɔŋ mmɔ, ŋkpɔ idinyuŋ iyɔhɔke mmɔ ke idibi: koro enye edide ŋkpɔ iduɔ idiɔk ido mmɔ.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

HOSEA 14:8

“Ami Ephraim nsaŋa nso ŋko ye ibɔk?” “Ami nyere: nyenyuŋ ntiŋ enye enyin ke idem:” “Ami mbiet awawa cypress.” “Ekut nte mfri fo otode mi.”

HOSEA 4:3

Mmɔdo isɔŋ eyetua eyet, kpukpru mmɔ eke eduŋde ke esit eyenyuŋ eyemere, ye mme unam ikɔt, ye mme inuen enyɔŋ; ndien eyenyuŋ emen iyak ke inyaŋ efep.

ZECHARIAH 13:2

Jehovah mme udim onyuŋ ɔdɔhɔ, ete, Ama ekem ke usen oro, nyesibi enyiŋ ndem ke isɔŋ emi mfep, ndien iditihi aba mmɔ: nyenyuŋ nnam mme prophet ye spirit ndek edaŋa ke isɔŋ emi.

MATTHEW 13:41

Eyen Owo eyesio mme angel Esie ɔdɔŋ, ndien mmɔ eyetaŋ kpukpru ŋkpɔ emi esinde owo eduɔ, ye mmɔ emi enamde ukwaŋido efep ke Obio Ubɔŋ Esie,

MATTHEW 23:39

Koro ndɔhɔ mbufo nte, Mbufo idikwe Mi aba, tutu mbufo edɔhɔ ete, Itoro enyene Enye emi edide ke enyiŋ Jehovah.

ERIYARARE 2:14

Edi mmenyene ndusuk ŋkpɔ eke ndade mbiom fi, ete, emenyene ndusuk owo do eke emumde ukpep-ŋkpɔ Balaam ekama, emi ekekpepde Balak ndinim ŋkpɔ-iduɔ ke iso nditɔ Israel, ete edia se ekewade enɔ ndem, enyuŋ enam use: