ZEPHANIAH 1:12 - Edisana ñwed Abasi Ibom

¹² Ndien ama ekem ke ini oro, nyeda utuenikaŋ nduŋɔre Jerusalem, nnyuŋ nda ufen nnɔ mmɔ eke esɔrɔde ke ntak mmɔ: eke edɔhɔde ke esit mmɔ, ete, Jehovah idinamke eti ŋkpɔ, idinyuŋ inamke idiɔk.

ZEPHANIAH 1:12 ပူးပေါင်းရင်းမြစ်များ

ŊWED JOB 21:15

Abasi Ibom edi nso, eke nnyin ikpanamde ŋkpɔ inɔ enye? Inyuŋ ikut nso udori ke nnyin ikpede enye ubɔk?

ŊWED MME PSALM 10:4

esin Jehovah ke ndek. Idiɔk owo ke akwa iseri esie idiyomke (Abasi): “Abasi iduhe” edi ofuri ekikere esie.

ŊWED MME PSALM 14:1

NDISIME owo ɔdɔhɔ ke esit esie, ete, Abasi iduhe. Mmɔ emediɔk, enyuŋ enam mbubiam-ŋkpɔ; baba owo kiet eke anamde eti ido iduhe.

ŊWED MME PSALM 94:7

Ndien mmɔ edɔhɔ ete, Jehovah idikwe, Abasi Jacob idinyuŋ ifiɔkke.

ISAIAH 5:19

“Yak enye awara, yak ɔsɔp ubɔk anam utom esie, man nnyin ikut: yak uduak Edisana Abasi Israel onyuŋ asaŋa edikpere, man nnyin ifiɔk!”

JEREMIAH 10:5

Mmɔ edi ofuri-ofuri nte eyop, ndien mmɔ idɔhɔke ikɔ: enyene ndibiom mmɔ, koro mmɔ misaŋake. Mbufo ekubak mmɔ; koro mmɔ mikemeke ndinam idiɔk, inyuŋ idige nte mmɔ enamde eti ŋkpɔ.

JEREMIAH 48:11

Moab ama oduŋ ke ifure toto ke ini uyen esie, enye ama onyuŋ etie ke ntak esie, ika-inyuŋ ikaŋake enye ke abaŋ kiet isin ke abaŋ eken, ika-inyuŋ itaŋke enye ifep: oro esin inem esie ebigi enye ke esit, ufuɔŋ esie inyuŋ ikpuhɔkede.

EZEKIEL 8:12

Ndien enye obup mi, ete, Eyen owo, nte afo omokut se mbiowo Israel enamde ke ekim, kpukpru kiet kiet ke ubet mbiet ŋkpɔ mmɔ? koro mmɔ edɔhɔde, ete, Jehovah ikwe nnyin; Jehovah ɔmɔkpɔŋ edem emi.

EZEKIEL 9:4

Ndien Jehovah ɔdɔhɔ enye, ete, Saŋa ke ufɔt obio, ke ufɔt Jerusalem be; nyuŋ nim idiɔŋɔ ke ɔkpɔ-iso mmɔ eke esemede enyuŋ etuade ebaŋa kpukpru mbubiam ido emi mmɔ enamde ke ufɔt esie.

EZEKIEL 9:9

Ndien enye ɔdɔhɔ mi, ete, Idiɔk ido ufɔk Israel ye Judah omokpon eti-eti; iyip onyuŋ ɔyɔhɔ ke isɔŋ emi; ndek onyuŋ ɔyɔhɔ ke obio: koro mmɔ edɔhɔde ete, Jehovah ɔmɔkpɔŋ isɔŋ emi, Jehovah inyuŋ ikwe.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

OBADIAH 1:6

Enam didie eyep Esau? eduŋɔre ndibe-ndibe ebiet esie?

MALACHI 2:17

Mbufo emefek Jehovah ke ikɔ mbufo: ndien mbufo edɔhɔ ete, Nnyin ifek enye ke nso? Koro mbufo edɔhɔde ete, Kpukpru mmɔ eke enamde idiɔk efɔn ke iso Jehovah, mmɔ enyuŋ enem enye esit: edɔhɔ ete, Abasi ikpe odu mmɔŋ?

2 PETER 3:4

Eridi eke Enye ɔkɔŋwɔŋɔde ete iyedi enye? koro tɔŋɔ nte mme ete ekede idap, kpukpru ŋkpɔ etie kpasuk nte eketiede toto ke eritɔŋɔ ererimbot.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.