ZECHARIAH 8:9 - Edisana ñwed Abasi Ibom

⁹ Ntem ke Jehovah mme udim ɔdɔhɔ, ete, Yak ubɔk esɔŋ mbufo emi ke mme usen emi edikopde ikɔ emi ke inua mme prophet oro ekedude ke usen oro eketɔŋɔde ndibɔp ufɔk Jehovah mme udim, kpa temple, man ediɔŋ enye.

ZECHARIAH 8:9 ပူးပေါင်းရင်းမြစ်များ

1 CHRONICLES 22:13

Afo eyekut unen, ndien, edieke edikpemede ndinim mme ewuhɔ ye mme item emi Jehovah okowukde Moses abaŋa Israel: sɔŋ esit, sɔŋ idem; kufehe, kunyuŋ udikhe.

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

2 CHRONICLES 15:7

Mbufo ndien esɔŋ idem, ubɔk okunyuŋ emem mbufo: koro se mbufo enamde edinyenede utip.

EZRA 6:14

Ndien mbiowo mme Jew ebɔp, enyuŋ ekut unen, ke uyo prophecy Haggai prophet, ye eke Zachariah eyen Iddo. Mmɔ enyuŋ ebɔp ema ke uyo Abasi Israel, ye ke uyo Cyrus, ye eke Darius, ye eke Artaxerxes, edidem Persia.

ISAIAH 35:3

Mbufo esɔŋ mmeme ubɔk, enyuŋ esin odudu ke edɔŋ eke efumde.

ISAIAH 35:4

Mbufo edɔhɔ mbon nnyekesit, ete, Mbufo esɔŋ esit, ekudikhe: sese Abasi mbufo: ufen ke edi, usiene Abasi; enye eyedi edinyaŋa mbufo.

HAGGAI 1:1

KE udiana-akpa isua Darius edidem, ke ɔyɔhɔ ɔfiɔŋ itio-kiet, ke akpa usen ɔfiɔŋ, uyo Jehovah ke ubɔk Haggai prophet osim Zerubbabel eyen Shealtiel, ɔbɔŋ Judah, ye Joshua eyen Jehozadak akamba oku, ete,

HAGGAI 1:12

Ndien Zerubbabel eyen Shealtiel, ye Joshua eyen Jehozadak, akamba oku, ye kpukpru owo eke esuhɔde, ekop uyo Jehovah Abasi mmɔ, ye ikɔ Haggai prophet, kpa nte Jehovah Abasi mmɔ ɔkɔdɔŋde enye utom, ndien kpukpru owo efehe ndik ke iso Jehovah.

HAGGAI 2:18

Mbufo etim ekere, ndien, mbɔk etɔŋɔde ke mfin emi, ese ini iso, ɔtɔŋɔde ke ɔyɔhɔ usen edip ye inaŋ ke ɔyɔhɔ ɔfiɔŋ usukkiet, toto ke usen eke etɔŋɔde ndibɔp temple Jehovah, mbufo etim ekere.

HAGGAI 2:21

Dɔhɔ Zerubbabel, ɔbɔŋ Judah, ete, Ami mmɔŋ nnyeŋe enyɔŋ ye isɔŋ;

ZECHARIAH 8:13

Ndien ama ekem, kpa nte mbufo ekedide ŋkpɔ isuŋi ke otu mme idut, O ufɔk Judah, ye ufɔk Israel: kpa ntre ke ndiŋyaŋa mbufo, ndien mbufo eyekabare edi ŋkpɔ eridiɔŋ.

ZECHARIAH 8:18

Ekem uyo Jehovah mme udim osim mi, ete,

ŊWED MBON EPHESUS 6:10

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.

2 ŊWED TIMOTHY 2:1

AFO ndien, eyen mi, sɔŋɔ idem ke mfɔn eke odude ke Christ Jesus.

JOSHUA 1:6

Sɔŋ ubɔk, nyuŋ sɔŋ esit: koro afo eyeda isɔŋ emi ŋkɔŋwɔŋɔde nnɔ mme ete mbio emi nte ke ndinɔ mmɔ, edeme ɔnɔ mmɔ.

JOSHUA 1:8

Kuyak ŋwed mbet emi ɔwɔrɔ ɔkpɔŋ inua fo; edi kere enye ke uwemeyo ye ke okoneyo, man afo ekpeme ndinam kpukpru se ewetde ke esit: koro ntem ke afo edikut unen ke usuŋ fo,