ZECHARIAH 8:5 - Edisana ñwed Abasi Ibom

⁵ Ndien nditɔ-iren ye nditɔ-iban eyenyuŋ eyɔhɔ ke aŋwa obio emi, ke ebre mbre ke aŋwa esie.

ZECHARIAH 8:5 ပူးပေါင်းရင်းမြစ်များ

JEREMIAH 31:13

Ndien eyen-aŋwan eyebre ke unek, ye mkparawa ye mbiowo ke ɔtɔ kiet: ndien nyeda inem ŋkpuhɔre eyet mmɔ, nnyuŋ ndɔŋ mmɔ esit, nnyuŋ nnam mmɔ edat esit ke ini ubaha mmɔ okurede.

ZECHARIAH 2:4

Ndien ɔdɔhɔ enye, ete, Fehe kɔdɔhɔ akparawa emi, ete Jerusalem eyeduŋ obio-iŋwaŋ, oto ke uwak owo ye eke ufene eke edude ke esit.

ŊWED ESEME 2:19

Daha ke enyɔŋ tua ke okoneyo ke eritɔŋɔ efen, ŋwaŋade esit fo nte mmɔŋ ke iso Ɔbɔŋ: menere ubɔk fo nɔ enye baŋa ukpɔŋ nditɔ ɔwɔŋ fo, emi eduɔŋɔde mba ke biɔŋ ke ibuot kpukpru mme efak.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

JEREMIAH 31:27

Jehovah ɔdɔhɔ, ete Sese, mme usen ke edi eke ndidade mkpasip owo ye mkpasip ufene nsuan ke ufɔk Israel ye ke ufɔk Judah.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

ZECHARIAH 2:8

Koro ntem ke Jehovah mme udim ɔdɔhɔ, ete Ke ini ubɔŋ edide, enye eyedɔŋ mi utom ke ɔtɔ mme idut oro ekebumede mbufo: koro enye emi otukde mbufo otuk eyen enyin esie.