ZECHARIAH 8:3 - Edisana ñwed Abasi Ibom

³ Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

ZECHARIAH 8:3 ပူးပေါင်းရင်းမြစ်များ

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

ŊWED MME PSALM 48:1

JEHOVAH omokpon, onyuŋ ɔfɔn nte etorode enye akamba ke obio Abasi nnyin, kpa ke edisana obot esie.

EXODUS 29:45

Nyenyuŋ nduŋ ke otu nditɔ Israel, nnyuŋ ndi Abasi mmɔ.

ISAIAH 1:21

Anam didie obio akpanikɔ akabare edi akpara! se inende ɔkɔyɔhɔ ke esit; eti ido ɔkɔduŋ ke esit; edi ke emi mme owot-owo.

ISAIAH 1:26

nnyuŋ nnam mme ebierikpe fo efiak kpa nte ke akpa, ye mbon item fo, kpa nte ke eritɔŋɔ: ndien ke ŋkpɔ emi ebede, eyekot fi, ete, Obio eti ido, obio akpanikɔ.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 32:16

Ndien eti ikpe eyeduŋ ke wilderness, edinen ido eyenyuŋ etie ke eti iŋwaŋ.

ISAIAH 60:14

Ndien nditɔ mmɔ emi ekefikde fi, eyedi edinuhɔ enɔ fi; kpukpru mmɔ emi ekesinde fi ke ndek eyenyuŋ enuhɔ ke ikpat ukot fo; ndien mmɔ eyekot fi, ete, “Obio Jehovah, Zion Edisana Abasi Israel.”

ISAIAH 65:25

Wolf ye eyen-erɔŋ eyedia ŋkpɔ ɔtɔ kiet, lion eyenyuŋ ata nnyanyaŋa nte enaŋ: ndien ama edi urukikɔt, ntan eyedi udia esie, Owo idinamke idiɔk, idinyuŋ ibiatke ŋkpɔ ke ofuri edisana obot mi: uyo Jehovah edi emi.

ISAIAH 66:20

Ndien mmɔ eyeda kpukpru nditɔ-ete mbufo ke kpukpru mme idut, edisɔk Jehovah ke enɔ, edoro ke horse, ye chariot, ye hammock, ye mule, ye dromedary, ke enyɔŋ edisana obot mi Jerusalem, (emi edi uyo Jehovah), kpa nte nditɔ Israel esinde enɔ ke edisana ŋkpɔ eda edi ke ufɔk Jehovah.

ISAIAH 8:18

Sese ami ye nditɔ emi Jehovah ɔnɔde mi, idi mme idiɔŋɔ ye ŋkpɔ ndyɔ ke Israel, ito Jehovah mme udim emi oduŋde ke obot Zion.

JEREMIAH 14:9

Nsinam afo ebietde owo mkpa-idem, ebiet ɔkpɔsɔŋ owo eke mikemeke ndinyaŋa? Ndien afo odu ke otu nnyin, O Jehovah, nnyin inyuŋ ikereke enyiŋ fo; kukpɔŋ nnyin.

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.

JEREMIAH 33:16

Ke mme usen oro ke edinyaŋa Judah, Jerusalem eyenyuŋ oduŋ ke ifure; ndien emi edi se edikotde enye, JEHOVAH ETI IDO NNYIN.

EZEKIEL 48:35

Enye edi tɔsin eto idomo-okuk efureta akan okuk. Ndien toto ke usen oro enyiŋ obio eyekere, ete, JEHOVAH-SHAMMAH (JEHOVAH ODU DO).

DANIEL 9:16

O Obɔŋ, kpa nte ofuri eti ido fo asaŋade, mbɔk, yak iyaresit fo ye ikpahesit fo ekabare ekpɔŋ obio fo Jerusalem, edisana obot fo: koro mme idiɔk ido nnyin ye mme ukwaŋ-ŋkpɔ mme ete nnyin esinde Jerusalem ye ikɔt fo ekabare edi ŋkpɔ esuene kpukpru mmɔ eke ekande nnyin ekuk.

JOEL 3:17

Ndien mbufo eyefiɔk ete ke ami ndi Abasi mbufo, ke nduŋ ke Zion, edisana obot mi: ndien Jerusalem eyedi edisana, isen owo idinyuŋ isaŋake aba ke esit ibe.

JOEL 3:21

Ndien nyedahado ke iyip mmɔ emi mmeŋkedahakedo ke esit: koro Jehovah oduŋde ke Zion.

MICAH 4:1

NDIEN ama ekem ke akpatre ini oro, obot ufɔk Jehovah eyewuhɔ ke ibuot ikpɔ obot, eyenyuŋ emenere enye ekan ŋkpri obot: ndien mme idut eyebuŋɔ eka do.

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

ZECHARIAH 1:16

Mmɔdo ntem ke Jehovah ɔdɔhɔ ete, Nda esit mbɔm mfiak ke Jerusalem: eyebɔp ufɔk mi ke esit, Jehovah mme udim ɔdɔhɔ; ndien eyenyam uruk ke Jerusalem.

ZECHARIAH 12:6

Ke usen oro nyenim mme etubom Judah ke eso ikaŋ ke otu ifia, ye ke nsaraŋ-ikaŋ ke ebek; ndien mme eyeta kpukpru mme idut emi ekande ekuk ke nnasia ye ke ufien: ndien Jerusalem eyesuk eduŋ ke ɔtɔ esie, kpa ke Jerusalem.

ZECHARIAH 14:10

Ofuri isɔŋ eyekabare ebiet una-isɔŋ ɔtɔŋɔde ke Geba tutu osim ke Rimmon, ke edem usuk Jerusalem: enye (Jerusalem) eye-nyuŋ okoŋ, ndien eyeduŋ enye ke itie esie, ɔtɔŋɔde ke inua-otop Benjamin, tutu osim ɔtɔ akpa inua-otop, tutu osim ke inua-otop inuk, onyuŋ ɔtɔŋɔde ke tower Hananel tutu osim ɔtɔ unim wine edidem.

ZECHARIAH 8:16

Mme mmɔ emi edi ŋkpɔ eke mbufo edinamde: etiŋ akpanikɔ kiet ye kiet; enyuŋ ekpe ikpe akpanikɔ ye emem ke inua-otop mbufo:

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

ŊWED MBON COLOSSAE 2:9

Koro ofuri Uyɔhɔ Abasi ke ododuŋ Enye ke idem; mbufo enyuŋ enyene uyɔhɔ mbufo ke Enye;

ERIYARARE 21:10

Ndien enye emen mi ke Spirit adaha aka ke akwa edikoŋ obot, onyuŋ owut mi Jerusalem, edisana obio, emi otode Abasi ɔsuhɔre ke heaven edi, emi enyenede ubɔŋ Abasi:

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.