ZECHARIAH 8:2 - Edisana ñwed Abasi Ibom

² Ŋkofibe akamba ufup nnɔ Zion, ŋkonyuŋ nda akamba ifiopesit mfibe ufup nnɔ enye.

ZECHARIAH 8:2 ပူးပေါင်းရင်းမြစ်များ

1 CHRONICLES 12:19

Ndusuk owo Manasseh ŋko edianare idem mmɔ etiene David, ke ini enye etienede mme Philistine aka ndiŋwana ekɔŋ ye Saul; edi iŋwamke mmɔ: koro mbɔŋ mme Philistine ekoide koi edɔŋ enye ɔnyɔŋ, ete, Enye eyeda ibuot nnyin adianare idemesie etiene ete esie Saul.

ISAIAH 59:17

Ndien enye esine edinen ido ke idem nte edisine-ŋkpɔ, onyuŋ ayara ndun erinyaŋa ke ibuot: onyuŋ esine ɔfɔŋ-idem usiene ke edisine-ŋkpɔ, onyuŋ ada ufup ofuk idem nte ekura.

ISAIAH 63:15

Tie ke heaven tiŋ enyin, nyuŋ tie ke edisana ebiet iduŋ fo, ye iduŋ ubɔŋ fo, se: ufup fo ye nsɔŋidem fo edu mmɔŋ? Nte emum uyom nsia fo ye mbɔm fo oro afo ekenyenede ye ami.

JOEL 2:18

Ndien Jehovah eyefibe ufup abaŋa isɔŋ esie, onyuŋ atua ikɔt esie mbɔm.

NAHUM 1:2

Jehovah edi Abasi ufup ye usiene: Jehovah osio usiene onyuŋ ɔyɔhɔ ifuresit. Jehovah osio usiene ye mme asua esie, onyuŋ ɔkɔhɔrɔ mbon utɔk esie.

NAHUM 1:6

Anie ekeme ndibigi ke iso ifuresit esie? Anie onyuŋ ekeme ndida ke ikaŋ iyaresit esie? Enye aŋwaŋa ifuresit esie nte ikaŋ, onyuŋ obom ikpɔ itiat.

ZECHARIAH 8:1

NDIEN uyo Jehovah mme udim edi, ete, Ntem ke Jehovah mme udim ɔdɔhɔ, ete,