ZECHARIAH 7:9 - Edisana ñwed Abasi Ibom

⁹ Ntem ke Jehovah mme udim ɔdɔhɔ, ete, Mbufo ekpe ikpe ke akpanikɔ, yak kiet onyuŋ anam mfɔn ye mbɔm ye eken.

ZECHARIAH 7:9 ပူးပေါင်းရင်းမြစ်များ

2 SAMUEL 9:7

Ndien David ɔdɔhɔ enye, ete, Kufehe ndik; koro ndinamde mfɔn-ido ye afo mbaŋa Jonathan usɔ, nyenyuŋ nyak kpukpru iŋwaŋ Saul usɔ nnɔ fi; afo eyenyuŋ adia ŋkpɔ ke okpokoro mi kpukpru ini.

ŊWED JOB 31:20

Isin esie mikɔmke mi, idet erɔŋ mi mikonyuŋ inamke idem ofiop enye;

ŊWED JOB 6:14

Owo ukut okut ufɔn ye mme ufan esie; ye owo eke uteŋe Ata Ɔkpɔsɔŋ oyomde enye ndibɔhɔ.

MME ŊKE 21:3

Jehovah ama erinam eti ido ye edinen ikpe akan uwa.

JEREMIAH 21:12

O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 22:3

ntem ke Jehovah ɔdɔhɔ, ete, Mbufo enam ikpe ye edinen ido, enyuŋ esio owo eke ebumede efep ke ubɔk andituk: ekunyuŋ etuk, ekunyuŋ efik esen owo ye eyen-akpa ye ebe-akpa, ekunyuŋ eduɔk iyip owo eke miduehe, ke ebiet emi.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

JEREMIAH 7:5

Edi mbufo ema etim ekabare usuŋ mbufo ye ido mbufo enam ɔfɔn: ema etim enam se inende ke ufɔt owo ye mbɔhiduŋ esie;

EZEKIEL 18:8

eke mibuɔtke ŋkpɔ idia usiene ikaha; minyuŋ ibɔhɔ akwa udori, osio ubɔk esie ke idiɔk ido efep, ekpe ikpe akpanikɔ ke ufɔt owo ye owo:

EZEKIEL 45:9

Ntem ke Ɔbɔŋ Jehovah ɔdɔhɔ ete, Yak ekem ye mbufo, mbɔŋ Israel; mbufo esioŋo ŋkanubɔk ye utuk efep, enyuŋ ekpe edinen ikpe: edorore ikɔt mi nnama mbufo efep: emi edi uyo Ɔbɔŋ Jehovah.

HOSEA 12:7

Owo urua! nsu-nsu udomo ŋkpɔ edu enye ke ubɔk: enye amama owo ndituk.

LEVITICUS 19:15

Mbufo ekunam se minenke ke ikpe: kuteŋe ubuene enyin, kunyuŋ ukpono iso akamba owo: edi kpe ikpe mbɔhiduŋ fo nte enende.

AMOS 5:24

Edi yak ikpe ɔfiɔrɔ nte mmɔŋ, ye edinen ido nte nsinsi akpa.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

ZECHARIAH 7:7

Nte mme mmɔ emi idige ikɔ oro Jehovah ɔkɔkwɔrɔde ke ubɔk mme akpa prophet, ke ini eduŋde Jerusalem kaŋa, enye onyuŋ odude ke ifure, ye mme obio esie emi ekande enye ekuk, enyuŋ eduŋ edem usuk ye unaisɔŋ mben inyaŋ?

ZECHARIAH 7:8

Ndien uyo Jehovah osim Zechariah, ete,

MATTHEW 23:23

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo esiode ubak ikɔŋ ye mfri ye mkpasip kiet ke itie duop enɔ Abasi, enyuŋ etrede ndinam ikpɔ ŋkpɔ ibet, ikpe, ye mbɔm, ye mbuɔtidem.

LUKE 11:42

Edi eyedɔdiɔk ɔnɔ mbufo mme Pharisee, koro mbufo esiode ubak ikɔŋ ye etidot ye kpukpru oruk ikɔŋ udia kiet ke itie duop enɔ Abasi, enyuŋ ekaŋade edinen ikpe ye ima Abasi: mbufo ekpanam ŋkpɔ emi, ikponyuŋ itreke ndinam mmɔ eken.

JOHN 7:24

Ekukpe ikpe nte etiede owo ke enyin, edi ekpe edinen ikpe.

JOHN 7:51

Mmɔ ebɔrɔ enye ete, Nte Afo ŋko oto ke Galilee?

DEUTERONOMY 22:1

AFO ama okut enaŋ eyen usɔ, mme erɔŋ esie nte ediyode esaŋa, kuwɔŋɔre ukpɔŋ mmɔ: kutetre ndida mmɔ mfiak nsɔk eyen-usɔ.