ZECHARIAH 7:5 - Edisana ñwed Abasi Ibom

⁵ Dɔhɔ ofuri mbon isɔŋ ye mme oku, ete, Ke ini mbufo etrede udia, enyuŋ etuade ke ɔyɔhɔ ɔfiɔŋ ition, ye ke ɔyɔhɔ ɔfiɔŋ itiaba, ke ofuri isua ata ye duop emi, nte mbufo eketre udia enɔ mi, kpa mi?

ZECHARIAH 7:5 ပူးပေါင်းရင်းမြစ်များ

2 NDIDEM 25:23

Ekem adaŋemi kpukpru mme etubom ekɔŋ ye ikɔt mmɔ ekopde, ete ke edidem Babylon ama onim Gedaliah ke etubom. Ishmael eyen Nethanian, ye Johanan eyen Kareah, ye Seraiah eyen Tanhu-meth, Netophathite kiet, ye Jaazaniah eyen Maacathite kiet, kpa mmɔ ye ikɔt mmɔ eka ke ɔtɔ Gedaliah ke Mizpah.

2 NDIDEM 25:25

Edikem ke ɔyɔhɔ ɔfiɔŋ itiaba, Ishmael eyen Nethaniah, eyen Elishama, emi otode ke ubon edidem ye owo duop ŋko, eka eketɔ Gedaliah ewot, ye mme Jew, ye mme Chaldean emi edude ye enye ke Mizpah.

ISAIAH 43:23

Afo ukadaha ŋkpri ufene ufɔp uwa fo usɔk mi, ukonyuŋ ukponoke mi ke mme uwa emem fo. Ŋkesinke fi anam ŋkpɔ mi ke uwa, nnyuŋ nsinke incense efek fi.

ISAIAH 58:3

“Nnyin inam didie itre udia, ndien afo mukwe? ituk ukpɔŋ nnyin, ndien afo mufiɔkke?” Sese, mbufo ekut inemesit ke usen utre-udia mbufo, enyuŋ ekpak ofuri utom mbufo.

JEREMIAH 25:11

Ofuri obio emi eyenyuŋ ekabare edi se esobode enyuŋ ebiatde; ndien mme idut emi eyenam ŋkpɔ edidem Babylon ke ofuri isua ata ye duop.

JEREMIAH 29:10

Koro ntem ke Jehovah ɔdɔhɔ, ete, Ke adaŋemi ekemde ke isua ata ye duop ke Babylon, nyedi ndise mbufo, nnyuŋ nnam eti ikɔ mi ɔsɔŋɔ ada ye mbufo, nnyuŋ nda mbufo mfiak ndi ke ebiet emi.

JEREMIAH 52:12

Ekem ke ɔyɔhɔ ɔfiɔŋ ition, ke ɔyɔhɔ usen ɔfiɔŋ duop, oro edi ɔyɔhɔ isua ɔbɔŋ Nebuchadrezzar edidem Babylon efurenaŋ, Nebu-zaradan etubom mbon ukpeme edidem, emi asaŋade utom edidem Babylon, edisim Jerusalem;

DANIEL 9:2

Ke akpa isua ubɔŋ esie, ami Daniel nda ŋwed ntim mfiɔk ibat isua emi uyo Jehovah okosimde Jeremiah prophet abaŋa, ete ke ŋwure Jerusalem eyeyɔhɔ isua ata ye duop.

HOSEA 7:14

Ndien mmɔ isemeke inɔ mi ke esit mmɔ, edi ena ke bed mmɔ etuaŋa: esop idem ebaŋa ibokpot ye obufa wine, ekabare enam ikɔ ye ami.

ZECHARIAH 1:12

Ndien angel ɔbɔrɔ, ete, O Jehovah mme udim, adaŋa didie ke afo udutuaha Jerusalem mbɔm, ye mme obio Judah emi afo ayatde esit ye mmɔ ke ofuri isua ata ye duop emi?

ZECHARIAH 7:3

enyuŋ edɔhɔ mme oku emi edude ke ufɔk Jehovah mme udim, ye mme prophet ŋko, ete, Nte nyesuk ntua eyet ke ɔyɔhɔ ɔfiɔŋ ition, nnyuŋ ndianare idem mi mfep, nte ŋkanamde ediwak isua emi?

ZECHARIAH 7:4

Ndien uyo Jehovah mme udim osim mi, ete,

ZECHARIAH 7:6

Ndien ŋko ke ini mbufo ediade enyuŋ eŋwɔŋde, nte idige mbufo edia, nte idige mbufo ŋko enyuŋ eŋwɔŋ?

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

MATTHEW 23:5

Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:2

Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:5

Ke ini mbufo enyuŋ ebɔŋde akam, ekubiet mbon mbubik: koro mmɔ ema ndida ke mme synagogue ye ke mme inuk efak mbɔŋ akam, ete iwut owo idem. Ke akpanikɔ ke ndɔhɔ mbufo, Mmɔ ema ebɔ utip mmɔ.

1 ŊWED CORINTH 10:31

Mmɔdo mme mbufo ediade, mme eŋwɔŋde, mme enamde ŋkpɔ ekededi, enam kpukpru enɔ Abasi ubɔŋ.

2 ŊWED CORINTH 5:15

Enye okonyuŋ akpa abaŋa kpukpru owo, man mme odu-uwem ekudu uwem aba enɔ idem mmɔ, edi edu uwem enɔ Enye emi akakpade abaŋa mmɔ, onyuŋ esetde.

ŊWED MBON COLOSSAE 3:23

Sededi eke mbufo enamde, enam ke ofuri esit, nte ŋkpɔ eke enamde enɔ Ɔbɔŋ, minamke inɔ owo;