ZECHARIAH 7:12 - Edisana ñwed Abasi Ibom

¹² Mmɔ enyuŋ enim esit mmɔ nte itiat adamant, man ekukop mbet ye ikɔ oro Jehovah akadade spirit esie ɔnɔ ke ubɔk mme akpa prophet: ndien akwa iyaresit oto Jehovah mme udim.

ZECHARIAH 7:12 ပူးပေါင်းရင်းမြစ်များ

2 CHRONICLES 36:13

Enye onyuŋ ɔsɔŋ ibuot ye edidem Nebuchadnezzar, emi akanamde enye otomo Abasi: enye onyuŋ ɔsɔŋ obot-itɔŋ esie, onyuŋ ɔsɔŋ esit esie, ete ikufiak itiene Jehovah Abasi Israel.

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

ŊWED JOB 9:4

Anie ɔsɔŋ ibuot ye enye, ndien okut ifure?

ŊWED MME PSALM 50:17

Sia afo asua item, onyuŋ ɔduɔk ikɔ mi ke edem fo.

EXODUS 7:13

Ndien esit Pharaoh osuk ɔsɔsɔŋ, ndien enye ikopke inɔ mmɔ; kpa nte Jehovah ɔkɔdɔhɔde.

ISAIAH 46:12

Mbufo mme ɔsɔŋ-esit, emi ekpɔŋde edisana ido anyan usuŋ, ekop uyo mi:

ISAIAH 48:4

Oto koro ŋkɔfiɔkde nte ke afo ɔsɔsɔŋ ibuot, itɔŋ fo onyuŋ edi idut ukwak, ɔkpɔ-iso fo onyuŋ edi okpoho;

ISAIAH 6:10

Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

ISAIAH 65:12

mmen mbufo nnim nnɔ ofut, kpukpru mbufo eyenyuŋ enuhɔ enɔ afai: koro ami ŋkotde, edi mbufo iyereke; ndɔhɔ, edi mbufo ikopke; mbufo enyuŋ enam se idiɔkde mi ke enyin, enyuŋ emek se mme-mmaŋa.

JEREMIAH 17:1

EMEDA ntaŋwed ukwak ye iso diamond ewet idiɔk ido Judah: ekap enye esin ke ɔwɔŋ esit mmɔ, ye ke nduk mme itie-uwa mbufo;

JEREMIAH 17:23

Ndien mmɔ ikopke, inyuŋ ikpaŋke utɔŋ mmɔ, edi esɔŋɔ obot itɔŋ mmɔ, ndien mmɔ ikopke, inyuŋ ibɔhɔ item.

JEREMIAH 26:19

Nte Hezekiah edidem Judah, ye ofuri Judah ema eyom ndiwot enye? Nte enye ikabakke Jehovah, inyuŋ ikpe Jehovah ubɔk, ndien Jehovah adahado ke idiɔk-ŋkpɔ oro enye ɔkɔdɔhɔde abaŋa mmɔ? Ke ntre ke nnyin ikpanam akamba idiɔk ŋkpɔ otuk ukpɔŋ nnyin.

JEREMIAH 42:21

Ndien mmasian mbufo mfin emi; ndien mbufo ikopke uyo Jehovah Abasi mbufo, inyuŋ ikopke baba ŋkpɔ kiet eke enye ɔkɔdɔŋde mi utom ke ɔtɔ mbufo abaŋa.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

EZEKIEL 11:19

Nyenyuŋ nnɔ mmɔ esit kiet, nnyuŋ nsin mbufo obufa spirit ke esit idem; nnyuŋ nsio mmɔ esit enyene itiat ke obukidem mfep, nnyuŋ nnɔ mmɔ esit enyene obuk:

EZEKIEL 14:5

man nda esit ufɔk Israel mmum mmɔ: koro ibɔk mmɔ esinde kpukpru mmɔ ekabare ekpɔŋ mi.

EZEKIEL 2:4

Ndien mmɔ enyuŋ edi nditɔ usɔŋ enyin ye eke itun esit. Mmɔŋ ndɔŋ fi utom ke ebiet mmɔ; dɔhɔ mmɔ ndien, ete, Ntem ke Ɔbɔŋ Jehovah ɔdɔhɔ.

EZEKIEL 36:26

Nyenyuŋ nnɔ mbufo obufa esit, nnyuŋ nda obufa spirit nsin mbufo ke idem, nnyuŋ nsio mbufo esit enyene itiat ke obuk mfep, nnyuŋ nnɔ mbufo esit enyene obuk.

ZECHARIAH 1:2

Jehovah akayat esit eti-eti ye mme ete mbufo.

ZECHARIAH 7:7

Nte mme mmɔ emi idige ikɔ oro Jehovah ɔkɔkwɔrɔde ke ubɔk mme akpa prophet, ke ini eduŋde Jerusalem kaŋa, enye onyuŋ odude ke ifure, ye mme obio esie emi ekande enye ekuk, enyuŋ eduŋ edem usuk ye unaisɔŋ mben inyaŋ?

MATTHEW 13:15

Koro esit mbon emi ama akabare odobi, Utɔŋ mmɔ onyuŋ ɔsɔŋ ndikop ikɔ, Mmɔ enyuŋ ebɔp enyin; Mbak mmɔ edida enyin mmɔ ekut usuŋ, Enyuŋ eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ, Enyuŋ etɔŋɔ ntak ekabare, Ndien Ami nnam udɔŋɔ okure mmɔ.

MARK 4:12

man mmɔ esuk ese ŋkpɔ, edi ekukut; enyuŋ esuk ekop ŋko, edi ekufiɔk; mbak mmɔ edikabare, ndien edahado enɔ mmɔ.

LUKE 8:12

Mmɔ oro ke mben usuŋ edi mmɔ emi ekokopde: ekem Satan edi editaŋ ikɔ ke esit mmɔ efep, mbak mmɔ edinim ke akpan-ikɔ enyuŋ ebɔhɔ.

UTOM MME APOSTLE 28:27

Koro esit mmɔ emi amakabare odobi, Utɔŋ onyuŋ odobi mmɔ ndikop ikɔ, Mmɔ emenyuŋ ebɔp enyin; Mbak mmɔ edida enyin mmɔ ekut usuŋ, Eda utɔŋ mmɔ ekop ikɔ, Enyuŋ eda esit mmɔ efiɔk ŋkpɔ enyuŋ ekabare, Ndien Ami ŋkɔk mmɔ.

2 PETER 1:21

Koro akanam baba ikɔ prophet itoho ke uduak owo: edi mme owo etiŋ ikɔ eke otode Abasi, nte Edisana Spirit esinde mmɔ etiŋ.