ZECHARIAH 7:10 - Edisana ñwed Abasi Ibom

¹⁰ Mbufo ekunyuŋ etuk mme ebe-akpa, ye eyen-akpa, ye esen owo, ye eyen ubuene; mbufo ekunyuŋ eduak idiɔk kiet ye kiet ke esit mbufo.

ZECHARIAH 7:10 ပူးပေါင်းရင်းမြစ်များ

JEREMIAH 5:28

Mmɔ ekpon ubom, esem; enyuŋ ekan kpa ido mme idiɔk owo: mmɔ ibiereke ikɔ, kpa ikɔ eyen-akpa, ndien ekut unen: inyuŋ ikpehe ikpe mme ubuene.

1 JOHN 3:15

Kpukpru owo eke asuade eyen-ete esie edi obom: ndien mbufo efiɔk ete, baba obom kiet inyeneke nsinsi uwem ke esit esie.

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

ŊWED MME PSALM 72:4

Enye eyekpe ikpe mbon eke etuhɔde; eyenyaŋa nditɔ unana, onyuŋ anuak owo utuk.

ŊWED MME PSALM 21:11

Koro mmɔ ekerede idiɔk ebaŋa fi, eduak uduak emi mikemeke (ndinam).

1 ŊWED CORINTH 6:10

ye mmɔ eke ebietde iban, ye mmɔ eke esabarede idem, ye mme inɔ, ye mme esin esit ke ŋkpɔ owo, ye mme ɔyuhɔ mmin, ye mbon idiɔk inua, ye mme akan owo ubɔk ididaha Obio Ubɔŋ Abasi inyene.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

ZECHARIAH 8:17

mbufo ekunyuŋ ekere idiɔk kiet ye kiet, ke esit mbufo; ekunyuŋ ema uŋwɔŋɔ nsu: koro kpukpru ŋkpɔ emi edi se ami nsuade, Jehovah ɔdɔhɔ.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

EZEKIEL 22:29

Mbio isɔŋ enam nnama, enyuŋ ewo ŋwo, enyuŋ efik eyen ukut ye ubuene, enyuŋ etuk esen owo ke ido eke minenke.

EZEKIEL 22:12

Ebɔ inyene ke ufɔt fo, ete iduɔk iyip; afo ada udori ye nkɔri, onyuŋ adia mbɔhiduŋ fo ke ŋwo, onyuŋ efre mi. Uyo Ɔbɔŋ Jehovah edi emi.

EZEKIEL 22:7

Mmɔ ese ete ye eka ke ndek ke ufɔt fo: enam esen owo nnama ke ufɔt fo: efik ebe-akpa ye eyen-akpa ke ufɔt fo.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

MME ŊKE 6:18

Esit eke aduakde uduak ibak, ukot eke esɔpde ebine idiɔk,

MME ŊKE 3:29

Kukere mbɔhiduŋ fo idiɔk, sia enye ke oduŋ ke ndueidem ye afo.

ŊWED MME PSALM 140:2

emi eduakde idiɔk uduak ke esit: mmɔ esop idem ofuri usen ebaŋa ekɔŋ.

DEUTERONOMY 27:19

Ɔdɔdiɔk ɔnɔ owo eke oyutde ikpe esen owo, ye eyen-akpa, ye ebe-akpa. Ndien yak kpukpru owo edɔhɔ ete, Amen.

EXODUS 23:9

Kunyuŋ ufik esen owo koro mbufo emefiɔk esit esen owo: koro mbufo ekedide isen ke isɔŋ Egypt.

ŊWED MME PSALM 36:4

Enye ana ke bed esie ekere abiaŋa; onim idem esie ke usuŋ eke midige eti; isuaha idiɔk.

JEREMIAH 7:6

edieke mbufo mitukke esen owo, ye eyen-akpa, ye ebe-akpa, minyuŋ iduɔkke iyip owo eke miduehe isop ke ebiet emi, minyuŋ ibineke abasi efen, eke ɔdiɔkde ye mbufo:

JEREMIAH 21:12

O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 49:11

Kpɔŋ nditɔ akpa fo, nyenim mmɔ ke uwem; ndien yak mme ebe akpa fo ebuɔt idem mmɔ ye ami.

EZEKIEL 18:12

eke otukde owo ukut ye ubuene, owode ŋwo, ndien misanake ubiɔŋ iyak, onyuŋ emenere enyin esie ese ibɔk, anam mbubiam;