ZECHARIAH 4:9 - Edisana ñwed Abasi Ibom

⁹ Ubɔk Zerubbabel emetɔŋɔ ndibɔp ufɔk emi, ubɔk esie eyenyuŋ enam enye ema; ndien afo eyefiɔk ete ke Jehovah mme udim ɔmɔdɔŋ mi utom ke ɔtɔ mbufo.

ZECHARIAH 4:9 ပူးပေါင်းရင်းမြစ်များ

EZRA 5:16

Ntre ke Sheshbazzar oro edi editɔŋɔ ndibɔp ufɔk Abasi emi odude ke Jerusalem; ndien toto ke ini oro ebebɔp tutu osim ini emi edi ika-imaha.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

HAGGAI 2:18

Mbufo etim ekere, ndien, mbɔk etɔŋɔde ke mfin emi, ese ini iso, ɔtɔŋɔde ke ɔyɔhɔ usen edip ye inaŋ ke ɔyɔhɔ ɔfiɔŋ usukkiet, toto ke usen eke etɔŋɔde ndibɔp temple Jehovah, mbufo etim ekere.

ZECHARIAH 1:16

Mmɔdo ntem ke Jehovah ɔdɔhɔ ete, Nda esit mbɔm mfiak ke Jerusalem: eyebɔp ufɔk mi ke esit, Jehovah mme udim ɔdɔhɔ; ndien eyenyam uruk ke Jerusalem.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

ZECHARIAH 2:13

O ofuri obukidem, mbufo edop uyo ke iso Jehovah: koro edemerede enye ɔwɔrɔ ke edisana iduŋ esie.

ZECHARIAH 4:8

Ndien uyo Jehovah osim mi, ete,

ZECHARIAH 6:15

Ndien mmɔ emi edude ke anyan ebiet eyedi edibɔp temple Jehovah; ndien mbufo eyefiɔk ete ke Jehovah mme udim ɔdɔŋ mi utom ke ɔtɔ mbufo. Ndien ŋkpɔ emi eyedi, edieke mbufo editimde ekop uyo Jehovah Abasi mbufo.

MATTHEW 16:18

Ami mmonyuŋ ndɔhɔ fi nte, Afo edi Peter, ndien nyebɔp ufɔk Mi ke enyɔŋ itiat emi, mme inua-etop Hades idinyuŋ ikanke enye.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.