ZECHARIAH 4:7 - Edisana ñwed Abasi Ibom

⁷ Afo akamba obot edi nso ŋkpɔ? Afo eyekabare edi una-isɔŋ ke iso Zerubbabel: ndien enye eyesio itiat ibuot ke mkpo idara, ete, Ufɔn, ufɔn enyene enye.

ZECHARIAH 4:7 ပူးပေါင်းရင်းမြစ်များ

EZRA 3:10

Ndien adaŋemi mme andibɔp etɔŋɔde ndibɔp mme temple Jehovah, mmɔ enim mme oku, esine edisine-ŋkpɔ mmɔ, ekama ukorowo, enyuŋ enim mme Levite, nditɔ Asaph, ekama cymbal, ete etoro Jehovah, nte David edidem Israel eketemede.

ŊWED MME PSALM 114:4

Ikpɔ obot enek nte okukim, ŋkpri obot, nte nditɔ ufene.

ŊWED MME PSALM 114:6

Nso ŋkpɔ akanam mbufo, ikpɔ obot, eke esinde mbufo enek nte okukim? Ye ŋkpri obot nte nditɔ ufene?

ŊWED MME PSALM 118:22

Itiat emi mme andibɔp esinde amakabare edi etubom inuk.

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

ISAIAH 41:15

Sese, mmonim fi ke ukpat-ŋkpɔ ubek ibokpot eke ɔsɔpde, edi obufa, enyene ediwak iso: afo eyetim ikpɔ obot, onyuŋ anuak mmɔ emem; eyenyuŋ onim ŋkpri obot nte mbio ibokpot.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

JEREMIAH 51:25

Jehovah ɔdɔhɔ, ete, Sese, ami nnam ikɔ ye afo, O obot eke abiatde, eke abiatde ofuri ekondo: ndien nyenyan ubɔk ntuk fi, nnyuŋ ŋkpat fi ke edikoŋ itiat mfep, nnyuŋ nnim fi ke obot eke asakde ikaŋ.

MICAH 1:4

Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.

MICAH 4:1

NDIEN ama ekem ke akpatre ini oro, obot ufɔk Jehovah eyewuhɔ ke ibuot ikpɔ obot, eyenyuŋ emenere enye ekan ŋkpri obot: ndien mme idut eyebuŋɔ eka do.

HABAKKUK 3:6

Enye atuak ada, onyuŋ enyeŋe isɔŋ: ese, onyuŋ anam mme idut enyek idem; ndien ŋkani obot esuana mbak-mbak; nsinsi ŋkpri obot esuhɔre: nsinsi usuŋ edi esie.

ZECHARIAH 4:8

Ndien uyo Jehovah osim mi, ete,

ZECHARIAH 4:9

Ubɔk Zerubbabel emetɔŋɔ ndibɔp ufɔk emi, ubɔk esie eyenyuŋ enam enye ema; ndien afo eyefiɔk ete ke Jehovah mme udim ɔmɔdɔŋ mi utom ke ɔtɔ mbufo.

MATTHEW 21:21

Edi Jesus ɔbɔrɔ mmɔ ete, Ke akpanikɔ ke ndɔhɔ mbufo, edieke mbufo enyenede mbuɔtidem, minyuŋ iyikke, idige se enamde ye eto fig emi ikpɔŋ ke mbufo edinam, edi edieke mbufo edɔhɔde kpa obot emi ete, Wuhɔre, kɔduɔ sine ke akwa inyaŋ, eyewɔrɔ osu.

MATTHEW 21:42

Jesus ɔdɔhɔ mmɔ ete, Nte akanam mbufo ikotke ŋwed, ete, Itiat emi mme ɔbɔp-ufɔk esinde Amakabare edi etubom inuk: Emi oto Jehovah, Nnyin inyuŋ ise enye ke utibe?

MARK 12:10

Nte akanam mbufo ikotke kpa ikɔ emi ewetde ete, Itiat emi mme ɔbɔp-ufɔk esinde Amakabare edi etubom inuk;

LUKE 20:17

Edi Enye owuk enyin ese mmɔ, onyuŋ ɔdɔhɔ mmɔ ete, Ikɔ emi ewetde ɔwɔrɔ ndien didie ete, itiat emi mme ɔbɔp-ufɔk esinde Amakabare edi etubom inuk?

LUKE 3:5

Eyemenere kpukpru itihere ebiet ke enyɔŋ, Eyenyuŋ enam kpukpru ikpɔ ye ŋkpri obot esuhɔre, Se ikwaŋade eyekabare enen, Ŋkputuk-ŋkputuk usuŋ eyedɔnɔ;

UTOM MME APOSTLE 4:11

Jesus edi itiat emi mbufo mme andibɔp ufɔk ekesinde, emi amakabare edi etubom inuk.

ŊWED MBON ROME 11:6

Edi edieke otode ke mfɔn, itoho aba ke se mmɔ enamde: midige ntre, mfɔn idige aba mfɔn.

ŊWED MBON EPHESUS 2:20

ema ebɔp mbufo edori kenyɔŋ ukot-ufɔk emi edide mme apostle ye mme prophet, Christ Jesus ke Idem Esie onyuŋ edi akan itiat inuk:

1 PETER 2:7

Enye ɔsɔŋ urua ke enyin mbufo emi ebuɔtde idem ye Enye; edi ama edi mmɔ emi mibuɔtke idem ye Enye, Itiat emi mme ɔbuɔp-ufɔk ekesinde Amakabare edi Etubom inuk;

ERIYARARE 16:20

Ndien kpukpru isuo efeŋe ebe efep, ikpɔ obot enyuŋ esop ke enyin.