ZECHARIAH 3:9 - Edisana ñwed Abasi Ibom

⁹ Koro, sese, itiat emi ŋkonimde ke iso Joshua; itiat emi kiet enyene enyin itiaba: sese, ami nyekap ŋwed ke esit, ke edi uyo Jehovah mme udim, nyenyuŋ nsɔhi idiɔk ido isɔŋ emi mfep ke usen kiet.

ZECHARIAH 3:9 ပူးပေါင်းရင်းမြစ်များ

1 NDIDEM 1:20

Ndien, ɔbɔŋ mi, O edidem, enyin ofuri Israel ese fi, ete afo owut mmimɔ owo eke editienede ɔbɔŋ mi edidem etie ke ebekpo.

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

ŊWED MME PSALM 103:12

Adaŋa nte edem usiaha-utin oyomde ye edem usop, kpa ntre ke enye ɔbɔ nnyin mme idiɔk ido nnyin onim anyan ebiet.

ŊWED MME PSALM 118:22

Itiat emi mme andibɔp esinde amakabare edi etubom inuk.

EXODUS 28:11

Da ubɔk-usɔ akap-itiat, nte ekapde seal, kap itiat mbiba oro, nte enyiŋ nditɔ Israel edide; nam mmɔ sin ke socket o-gold.

EXODUS 28:21

Ndien itiat oro esaŋa ye enyiŋ nditɔ Israel, duopeba: ekem ye enyiŋ mmɔ, nte emi ekapde seal; kpukpru nte enyiŋ mmɔ esaŋade edidu ke esit, ekem ye mme esien duopeba.

EXODUS 28:36

Nyuŋ nam ubak ata eti gold, nyuŋ kap enye nte ekapde seal: EDISANA ŊKPƆ JEHOVAH.

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

JEREMIAH 50:20

Jehovah ɔdɔhɔ, ete, Ke mme usen oro, ye ke ini oro, eyeyom idiɔk ido Israel, edi ididuhe; eyenyuŋ eyom mme ukwaŋ-ŋkpɔ Judah, edi idikwe: koro nyedahado nnɔ mmɔ eke ndisuhɔde.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

ZECHARIAH 3:4

Ndien enye ɔbɔrɔ onyuŋ ɔdɔhɔ mmɔ oro edade enye ke iso, ete, Mbufo esio enye ndek-ndek ɔfɔŋidem oro ke idem. Ndien enye ɔdɔhɔ enye, ete, Sese, mmosio fi idiɔk ido fo ke idem mfep, nyenyuŋ nda edisine-ŋkpɔ ubɔŋ nsine fi ke idem.

ZECHARIAH 4:10

Koro anie owo esin usen ekpri ŋkpɔ ke ndek? Ndien mmɔ eyedat esit, enyuŋ ekut uruk ŋket ke ubɔk Zerubbabel, kpa mbitiaba emi; mme mmɔ emi edi enyin Jehovah emi esuanade ese ofuri ererimbot.

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

UTOM MME APOSTLE 4:11

Jesus edi itiat emi mbufo mme andibɔp ufɔk ekesinde, emi amakabare edi etubom inuk.

ŊWED MBON ROME 9:33

Mmɔ etuak ukot eduɔ ke itiat iduɔ; kpa nte ewetde ete, Sese mmonim itiat iduɔ ke Zion, Ye akwa itiat emi anamde owo ɔduɔ; Owo eke ɔbuɔtde idem ye Enye idinyuŋ ikwe but.

2 ŊWED CORINTH 1:22

emi okonyuŋ efikde nnyin idiɔŋɔ ke idem, onyuŋ esinde Spirit Esie ke esit nnyin, nte akpa ubak udeme nnyin.

2 ŊWED CORINTH 3:3

Ana aŋwa-aŋwa ete mbufo edi ŋwed Christ emi nnyin ikamade isaŋa, ŋwed emi mikewetke ke mmɔŋ-ŋwet, edi ewetde ke Spirit Abasi uwem; emi miwetke ke ŋkpɔ-uwet-ŋwed eke edade itiat enam, edi ewet ke ŋkpɔ-uwet-ŋwed eke edide esit owo.

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

MME HEBREW 7:27

emi minyeneke ndiwa uwa kpukpru usen mbaŋa idiɔk-ŋkpɔ idem esie kaŋa, ndien enye ediwa abaŋa mme idiɔk-ŋkpɔ mbio obio, nte ikpɔ oku oro ekam enamde: koro Enye akanam emi ama ini kiet, ke adaŋemi Enye awade Idem Esie.

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.