ZECHARIAH 3:4 - Edisana ñwed Abasi Ibom

⁴ Ndien enye ɔbɔrɔ onyuŋ ɔdɔhɔ mmɔ oro edade enye ke iso, ete, Mbufo esio enye ndek-ndek ɔfɔŋidem oro ke idem. Ndien enye ɔdɔhɔ enye, ete, Sese, mmosio fi idiɔk ido fo ke idem mfep, nyenyuŋ nda edisine-ŋkpɔ ubɔŋ nsine fi ke idem.

ZECHARIAH 3:4 ပူးပေါင်းရင်းမြစ်များ

2 SAMUEL 12:13

Ndien David ɔdɔhɔ Nathan, ete, Mmanam idiɔk ido ye Jehovah. Ndien Nathan ɔdɔhɔ David, ete, Jehovah ɔmɔnyuŋ adahado ke idiɔk ido oro ɔnɔ fi; afo udukpaha.

1 NDIDEM 22:19

Ndien enye ɔdɔhɔ ete, Kam kop ndien uyo Jehovah: ŋkokut Jehovah nte enye etiede ke ebekpo esie, kpukpru mme udim enyɔŋ enyuŋ ekpere enye eda ke nnasia ye ke ufien.

ŊWED MME PSALM 51:9

Fuk iso fo, kuse mme idiɔk ido mi; nyuŋ sɔhi kpukpru mme ukwaŋ-ŋkpɔ mi fep.

ISAIAH 43:25

Ami, ami ndi andisɔhi mme idiɔk ido fo mfep mbaŋa idem mi, ndinyuŋ ntihi mme ukwaŋ-ŋkpɔ fo.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

ISAIAH 52:1

DEMERE, demere, sine odudu fo ke idem, O Zion; sine edisine-ŋkpɔ uyai fo, O Jerusalem, edisana obio: koro owo edut ye ndek miditɔŋɔke aba ntak iduk fi ke esit.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

JEREMIAH 52:33

onyuŋ ɔkpuhɔre enye edisine-ŋkpɔ ufɔk ukwak; ndien enye adia ŋkpɔ ke iso esie kpukpru usen uwem esie.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

EZEKIEL 42:14

Adaŋemi mme oku edukde, mmɔ ekuto ke edisana ebiet eka ke akwa okure: ndien do ke mmɔ edinim edisine-ŋkpɔ mmɔ emi mmɔ enamde ŋkpɔ ke esit; koro mmɔ edide edisana; yak mmɔ esine edisine-ŋkpɔ eŋwen, ndien esaŋa ekpere ke eke mbio-obio.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

MICAH 7:19

Enye eyetɔŋɔ ntak atua nnyin mbɔm, eyedigi mme idiɔk ido nnyin; afo eyemen kpukpru mme ukwaŋ-ŋkpo mmɔ ɔduɔk ke udem inyaŋ.

ZECHARIAH 3:1

NDIEN enye owut mi Joshua akwa oku adade ke iso angel Jehovah, Satan onyuŋ ada enye ke ubɔk nnasia, ete ineni ye enye.

ZECHARIAH 3:7

Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi.

ZECHARIAH 3:9

Koro, sese, itiat emi ŋkonimde ke iso Joshua; itiat emi kiet enyene enyin itiaba: sese, ami nyekap ŋwed ke esit, ke edi uyo Jehovah mme udim, nyenyuŋ nsɔhi idiɔk ido isɔŋ emi mfep ke usen kiet.

MATTHEW 22:11

Edi ke adaŋemi edidem odukde ndise mmɔ emi etiede, enye okut owo do eke misineke ɔfɔŋidem-ndɔ:

LUKE 1:19

Ndien angel ɔbɔrɔ enye ete, Ami ndi Gabriel, emi ndade ke iso Abasi; ekenyuŋ edɔŋ mi ete ntiŋ nnɔ fi, nnyuŋ mbuk eti mbuk emi nnɔ fi.

LUKE 15:22

Edi Ete ɔdɔhɔ ikɔt esie ete, Ewara eda ata eti ɔfɔŋidem oro edisine enye; enyuŋ esine enye mkpanuen ke ubɔk ye ikpa-ukot ke ukot:

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

ŊWED MBON ROME 3:22

edi edinen ido eke Abasi, emi otode ke mbuɔtidem ke Jesus Christ, osim kpukpru owo emi enimde ke akpanikɔ. Koro ubahare iduhe ke otu owo:

ŊWED MBON ROME 6:23

Koro ŋkpɔ-eyen-utom idiɔk-ŋkpɔ edi mkpa, edi enɔ Abasi edi nsinsi uwem ke Christ Jesus Ɔbɔŋ nnyin.

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

ŊWED MBON COLOSSAE 3:10

ema enyuŋ esine obufa owo, emi ediɔŋde diɔŋ enam enye edi obufa, enyene mbiet Andibot enye, man enye ɔfiɔk ŋkpɔ;

MME HEBREW 8:12

Koro nyefen mme ukwa ŋkpɔ mmɔ, Ndinyuŋ ntihi aba mme idiɔk-ŋkpɔ mmɔ.

ERIYARARE 5:11

Ndien ŋkut nnyuŋ ŋkop uyo ediwak angel, emi ekande ebekpo ye ŋkpɔ-uwem ye mbiowo ekuk; ibat mmɔ osim thousand duop ke itie thousand duop ye mme thousand ke itie thousand;

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.