ZECHARIAH 3:2 - Edisana ñwed Abasi Ibom

² Ndien Jehovah ɔdɔhɔ Satan, ete, Jehovah akpakam aduari fi, Satan; Jehovah emi ekemekde Jerusalem akpakam onyuŋ aduari fi: nte enye emi idige ifia eke esiode ke ikaŋ?

ZECHARIAH 3:2 ပူးပေါင်းရင်းမြစ်များ

2 CHRONICLES 6:5

“Toto ke usen oro ŋkosiode ikɔt mi ke isɔŋ Egypt mfep, ŋkemekke obio ke baba esien Israel kiet ndibɔp ufɔk, man enyiŋ mi odu do; ŋkonyuŋ mmekke baba owo kiet, man enye edi ɔbɔŋ ikɔt mi Israel:

2 CHRONICLES 6:6

edi ŋkemek Jerusalem, man enyiŋ mi odu do; ŋkonyuŋ mmek David, nte enye edi ɔbɔŋ ikɔt mi Israel.”

ŊWED MME PSALM 109:31

Koro enye eyeda eyen ubuene ke ubɔk nnasia, ete inyaŋa enye ibɔ mmɔ eke ekpede ikpe ye ukpɔŋ esie.

ISAIAH 7:4

nyuŋ dɔhɔ enye, ete, Kpeme idem, nyuŋ tie suŋ; kudikhe, kunyuŋ uyak esit emem fi, ubaŋa etak ifia ikaŋ iba emi ewɔrɔde nsuŋikaŋ, ubaŋa ikaŋ iyaresit Rezin ye Syria, ye eke eyen Remaliah.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

AMOS 4:11

Ami nyut ndusuk mbufo ŋkabare nnim, kpasuk nte Abasi okoyutde Sodom ye Gomorrah, mbufo enyuŋ ekabare ebiet ifia eke edabarede ke ikaŋ: edi mbufo ifiakke edem itiene mi; uyo Jehovah edi emi.

ZECHARIAH 1:17

Tɔŋɔ ntak fiori ete, Ntem ke Jehovah mme udim ɔdɔhɔ ete, Mme obio mi eyesiaha nti ŋkpɔ; Jehovah eyenyuŋ osuk ɔdɔŋ Zion esit, onyuŋ emek Jerusalem.

ZECHARIAH 2:12

Ndien Jehovah eyeda Judah udeme esie enyene ke edisana isɔŋ, onyuŋ emek Jerusalem ŋko.

MARK 1:25

Edi Jesus asua ɔnɔ enye, ete, Kibi inua, nyuŋ wɔrɔ enye ke idem.

MARK 9:25

Edi ke ini Jesus okutde nte otu owo ekibede edi, Enye asua ɔnɔ edidehe spirit ete enye. Afo spirit imum ye inan, mmowuk fi, wɔrɔ enye ke idem, kunyuŋ uduk enye ke idem aba.

LUKE 22:32

nte mbuɔt-idem okubɔhɔ fi: ndien afo ŋko, ke ini editɔŋɔde ntak akabare, sɔŋɔ nditɔ-ete fo idem.

LUKE 4:35

Edi Jesus asua ɔnɔ enye ete, Kibi inua; nyuŋ wɔrɔ enye ke idem. Ndien ke ama okosio enye ɔduɔk ke iso mmɔ, ɔwɔrɔ enye ke idem, inamke enye baba ŋkpɔ kiet.

LUKE 9:42

Da eyen fo di ken. Edi nte enye asaŋade edi, demon osio enye ɔduɔk ke isɔŋ, onyuŋ esiŋere enye ɔkpɔsɔŋ. Edi Jesus asua ɔnɔ edidehe spirit oro, onyuŋ anam eyen okop nsɔŋidem, onyuŋ ayak enye ɔnɔ ete esie.

JOHN 13:18

Ntiŋke mbaŋa mbufo kpukpru; mmɔfiɔk mmɔ emi ŋkemekde: edi ŋkpɔ etie ntem man osu nte ewetde ete, Adia-udia Mi osio ukot atiga Mi.

ŊWED MBON ROME 16:20

Ndien ibigike bigi Abasi emem eyedigi Satan anuak ke idak ikpat mbufo. Mfɔn Ɔbɔŋ nnyin Jesus akpakam odu ye mbufo.

ŊWED MBON ROME 8:33

Anie edidori ndimek ikɔt Abasi ikɔ?

1 JOHN 3:8

owo eke anamde idiɔk-ŋkpɔ edi eke Satan, koro Satan ananam idiɔk-ŋkpɔ toto ke eritɔŋɔ. Ema esio Eyen Abasi enim ke ntak emi, man Enye akpabiat utom Satan.

JUDE 1:23

enyuŋ eda ndik etua ndusuk mmɔ mbɔm, esua kpa ɔfɔŋidem eke obukidem asabarede.

JUDE 1:9

Edi Michael, akwa angel oro, ke eriŋwana emi enye aŋwanade ye Satan, ke adaŋemi enye enenide abaŋa okpo Moses, ikedehede isuŋi enye ke ikpe, edi ɔdɔhɔ ete, Ɔbɔŋ akpakam asua ɔnɔ fi.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.