ZECHARIAH 2:9 - Edisana ñwed Abasi Ibom

⁹ Koro, sese, nyenyeŋe ubɔk mi nse mmɔ, ndien mmɔ eyekabare edi se ifin mmɔ ebumede: ndien mbufo eyefiɔk ete ke Jehovah mme udim ɔmɔdɔŋ mi utom.

ZECHARIAH 2:9 ပူးပေါင်းရင်းမြစ်များ

ISAIAH 10:32

Enye osuk etie mfin emi ke Nob: enyeŋe ubɔk esie ese obot adiaha Zion, kpa obot Jerusalem.

ISAIAH 11:15

Ndien Jehovah eyesobo edeme inyaŋ Egypt; onyuŋ ofuŋ ubɔk esie ke enyɔŋ Akpa ke edifiop ofum esie, onyuŋ ɔtɔ enye esin ke idim itiaba, ndien ayak owo esaŋa ebe ke ikpat ukot.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 13:2

Mbufo emen banner ke enyɔŋ iferi obot, emenere uyo enɔ mmɔ, efuŋ ubɔk, man mmɔ eduk ke inua-otop mbɔŋ.

ISAIAH 14:2

Ndien mbio-obio eyemen mmɔ eda edi ke ebiet mmɔ: ufɔk Israel eyenyuŋ ada mmɔ enyene ke isɔŋ Jehovah, onim ke ifin iren ye ifin iban: ntre ke mmɔ editaŋ mme mmɔ emi eketaŋde mmɔ efep; enyuŋ ekara mme mmɔ emi eketukde mmɔ.

ISAIAH 19:16

Ke usen oro Egypt eyebiet iban: eyenyuŋ enyek, onyuŋ edikhe abaŋa mfuŋ-ubɔk Jehovah mme udim emi Enye ofuŋde ese enye.

ISAIAH 26:1

NDIEN ke usen oro mmɔ eyekwɔ ikwɔ emi ke isɔŋ Judah, ete, Nnyin imenyene ɔkpɔsɔŋ obio; Abasi onim erinyaŋa ke ibibene ye ɔkɔ ekɔŋ.

ISAIAH 33:1

IFƆNKE fɔn inɔ fi emi obumede, ndien mibumeke fi; emi onyuŋ owode ŋwo, ndien miwoho ŋwo ye afo! ke ini afo etrede ndibume eyebume fi; ama onyuŋ owo ŋwo ama, eyewo ŋwo ye afo.

ISAIAH 33:21

Koro do ke Jehovah edidi ɔkpɔsɔŋ ke edem nnyin, ebiet akpa mmɔŋ, ye eke akwa inyaŋ; ubom eke awatde udeŋ mbakara idisaŋake ke esit, ɔkpɔsɔŋ ubom ekɔŋ idinyuŋ iwatke ke esit ibe.

ISAIAH 33:23

Uruk fo emetara; mmɔ ikemeke ndineŋere ito mmɔ nsɔŋɔ ŋwuk: itatke ɔfɔŋ-etak-ubom: ndien owo edeme ediwak mbume eke ekebumede; idem mme mbuŋɔ ebume mbume.

ISAIAH 4:5

Ndien ke enyɔŋ ofuri iduŋ obot Zion, ye ke enyɔŋ mme esop esie, ke Jehovah edinam obubit enyɔŋ ye nsuŋikaŋ ke uwemeyo, ye edisak edemikaŋ ke okoneyo: koro ŋkpɔ eyefuhɔ ke ofuri ubɔŋ.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

ISAIAH 60:18

Idikopke aba afai ke isɔŋ fo, idikopke ŋwure ye nsobo ke esit adaŋa fo; edi afo eyekot ibibene fo ete, Erinyaŋa, okot inua-otop fo, ete, Itoro.

ISAIAH 60:19

Utin ididige aba uŋwana fo ke uwemeyo; ɔfiɔŋ idinyuŋ idaha uŋwana iŋwaŋa fi: ndien Jehovah eyedi nsinsi uŋwana fo, Abasi fo eyenyuŋ edi uyai fo.

JEREMIAH 27:7

Ndien kpukpru mme idut eyedi ikɔt esie, ye eke eyen esie, ye eke eyeyen esie, tutu ini idut esie ŋko edi: ndien mkpɔsɔŋ mme idut ye ikpɔ ndidem eyenim enye ke ufin.

JEREMIAH 28:9

Ama edi prophet eke etiŋde prophecy emem, ke ini uyo prophet oro osude, eyefiɔk prophet eke Jehovah ɔkɔdɔŋde enye utom ke akpanikɔ.

JEREMIAH 8:19

Sese, uyo eseme adiaha ikɔt mi oto ke anyan idut: nte Jehovah iduhe ke Zion? Nte edidem esie iduhe ke esit? Nsinam mmɔ ekedade ndisɔi mbiet mmɔ ye mbukpo ŋkpɔ isen idut eyat mi esit?

EZEKIEL 39:10

ndien mmɔ idibiomke eto ke ikɔt idi, inyuŋ isiakke isio ke mme akai; koro mmɔ eyeda ŋkpɔ-ekɔŋ ebara ikaŋ: enyuŋ ebume mmɔ emi ebumede mmɔ, enyuŋ ewo ŋwo ye mmɔ emi ewode mmɔ. Emi edi uyo Ɔbɔŋ Jehovah.

JOEL 2:27

Ndien mbufo eyefiɔk ete ke ami ndodu Israel ke ufɔt, ami nnyuŋ ndi Jehovah Abasi mbufo, eŋwen inyuŋ iduhe; ikɔt mi idinyuŋ ikwe but ke nsinsi.

HABAKKUK 2:17

ikpɔhi ye but eyenyuŋ edoro ke ubɔŋ fo. Koro afai Lebanon eyefuk fi, ye nsobo mme unam emi ekesinde mmɔ ndik, ebaŋa iyip owo, ye afai isɔŋ, ye eke obio, ye eke kpukpru mme andiduŋ ke esit.

HABAKKUK 2:8

Koro afo owode ediwak mme idut, kpukpru mme idut eke esuhɔde eyenyuŋ ebume fi, ebaŋa iyip owo, ye afai isɔŋ, ye eke obio, ye eke kpukpru mme andiduŋ ke esit.

ZEPHANIAH 2:9

Jehovah mme udim Abasi Israel ɔdɔhɔ, ete, Ma uwem mi, mmɔdo Moab miditreke ndi-biet Sodom: nditɔ Ammon idinyuŋ itreke ndibiet Gomorrah: ebiet eke nettle ɔkɔride, ye obube inuŋ, ye nsinsi ndon: ikɔt mi eke edisuhɔde eyebume mmɔ, nditɔ idut mi eke esuhɔde eyeda mmɔ enyene.

ZEPHANIAH 3:15

Jehovah ɔmɔbɔ fi ufen efep, amakabare usua fo efep: edidem Israel, Jehovah, odu ke otu mbufo: afo udukwe aba idiɔk.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

ZECHARIAH 2:8

Koro ntem ke Jehovah mme udim ɔdɔhɔ, ete Ke ini ubɔŋ edide, enye eyedɔŋ mi utom ke ɔtɔ mme idut oro ekebumede mbufo: koro enye emi otukde mbufo otuk eyen enyin esie.

ZECHARIAH 4:9

Ubɔk Zerubbabel emetɔŋɔ ndibɔp ufɔk emi, ubɔk esie eyenyuŋ enam enye ema; ndien afo eyefiɔk ete ke Jehovah mme udim ɔmɔdɔŋ mi utom ke ɔtɔ mbufo.

ZECHARIAH 6:15

Ndien mmɔ emi edude ke anyan ebiet eyedi edibɔp temple Jehovah; ndien mbufo eyefiɔk ete ke Jehovah mme udim ɔdɔŋ mi utom ke ɔtɔ mbufo. Ndien ŋkpɔ emi eyedi, edieke mbufo editimde ekop uyo Jehovah Abasi mbufo.

ZECHARIAH 9:15

Jehovah mme udim eyekpeme mmɔ; ndien mmɔ eyedia, enyuŋ edigi itiat-utop; eyenyuŋ eŋwɔŋ, enyuŋ eyomo uyom nte ke wine; ndien iyip eyeyɔhɔ mmɔ nte ke bowl, ye nte inuk itie-uwa.

JOHN 13:19

Ntɔŋɔ adaŋemi nditiŋ nnɔ mbufo, ke ini ŋkpɔ emi miwɔrɔke isu kaŋa, man ke ini ediwɔrɔde osu, mbufo ekponim ke akpanikɔ ete Ami ndi Enye.

JOHN 16:4

Edi ntiŋ mme ŋkpɔ emi nnɔ mbufo, man, ke adaŋemi edikemde ini mmɔ, mbufo ekpeti ete mma ŋkasian mbufo. Ŋkasianke mbufo mme ŋkpɔ emi ke eritɔŋɔ, sia nsuk ndodu ye mbufo.