ZECHARIAH 2:4 - Edisana ñwed Abasi Ibom

⁴ Ndien ɔdɔhɔ enye, ete, Fehe kɔdɔhɔ akparawa emi, ete Jerusalem eyeduŋ obio-iŋwaŋ, oto ke uwak owo ye eke ufene eke edude ke esit.

ZECHARIAH 2:4 ပူးပေါင်းရင်းမြစ်များ

ESTHER 9:19

Mmɔdo mme Jew obio iŋwaŋ, eke eduŋde ke mme obio iŋwaŋ, enimde ɔyɔhɔ usen ɔfiɔŋ Adar duopenaŋ ke usen idara, ye udia, ye ufɔn, ye eke owo enɔde enɔ esɔk mbɔhiduŋ mmɔ.

ISAIAH 33:20

Se Zion obio ederi nnyin, enyin fo eyekut Jerusalem iduŋ ifure, tent eke midiwuhɔkede; ididibekede mme ɔkpɔhɔ esie ke nsinsi, baba uruk esie kiet idinyuŋ ikibeke.

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie:

ISAIAH 49:20

Nditɔ itie-unana fo eyetɔŋɔ ntak edɔhɔ fi ke utɔŋ, ete, Ebiet afaha mi akan: sehere nɔ mi, man nduŋ.

ISAIAH 54:16

Sese, edi ami mbot odom-utim eke ofukde utim ke ikaŋ ukaŋ, onyuŋ osiode ŋkpɔ unam utom esie; edi ami nnyuŋ mbot osobo-nsobo, nte enye abiat.

JEREMIAH 1:6

Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

JEREMIAH 31:24

Ndien Judah eyeduŋ ke esit, ye kpukpru mme obio esie ɔtɔ kiet, mbon iŋwaŋ ye mmɔ eke esaŋade ye ufene.

JEREMIAH 31:27

Jehovah ɔdɔhɔ, ete Sese, mme usen ke edi eke ndidade mkpasip owo ye mkpasip ufene nsuan ke ufɔk Israel ye ke ufɔk Judah.

JEREMIAH 33:22

Kpa nte emi mikemeke ndibat me udim enyɔŋ, minyuŋ ikemeke ndidomo ntan inyaŋ; kpa ntre ke ndinam ubon David, owo mi, ye mme Levite emi esaŋade utom enɔ mi, ewak.

EZEKIEL 38:11

Nyedɔk ke isɔŋ obio iŋwaŋ; nyesim mmɔ eke etiede ke ifure, emi eduŋde ke ndueidem, kpukpru mmɔ eduŋ enana ibibene, eto usuŋ ye itim inyuŋ iduhe,

DANIEL 1:17

Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

DANIEL 1:4

nditɔ eke mibiomke baba ndo, eke enyuŋ eyede iso, enyuŋ edide ɔniɔŋ ke kpukpru oruk eti ibuot, enyuŋ efiɔkde ŋkpɔ, enyuŋ edide mme asian ke ifiɔk, eke enyuŋ enyenede ukeme nte edidade ke akwa ufɔk edidem, eke edinyuŋ ekpepde mmɔ ŋwed ye usem mme Chaldean.

MICAH 7:11

Ke usen eke edidiɔŋde ibibene fo, ke usen oro ke edinam adaŋa (fo) okpon.

ZECHARIAH 1:16

Mmɔdo ntem ke Jehovah ɔdɔhɔ ete, Nda esit mbɔm mfiak ke Jerusalem: eyebɔp ufɔk mi ke esit, Jehovah mme udim ɔdɔhɔ; ndien eyenyam uruk ke Jerusalem.

ZECHARIAH 1:17

Tɔŋɔ ntak fiori ete, Ntem ke Jehovah mme udim ɔdɔhɔ ete, Mme obio mi eyesiaha nti ŋkpɔ; Jehovah eyenyuŋ osuk ɔdɔŋ Zion esit, onyuŋ emek Jerusalem.

ZECHARIAH 12:6

Ke usen oro nyenim mme etubom Judah ke eso ikaŋ ke otu ifia, ye ke nsaraŋ-ikaŋ ke ebek; ndien mme eyeta kpukpru mme idut emi ekande ekuk ke nnasia ye ke ufien: ndien Jerusalem eyesuk eduŋ ke ɔtɔ esie, kpa ke Jerusalem.

ZECHARIAH 14:12

Ndien emi edidi ufen emi Jehovah edimiade kpukpru obio emi ekeŋwanade ekɔŋ ye Jerusalem; obukidem mmɔ eyeye-mere ke mmɔ esuk edida ke ukot mmɔ, enyin mmɔ eyenyuŋ eyemere ke ndudu mmɔ: edeme mmɔ eyenyuŋ eyemere ke inua mmɔ.

1ŊWED TIMOTHY 4:12

Kuyak owo esin fi kabaŋa uyen fo, edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.