ZECHARIAH 13:9 - Edisana ñwed Abasi Ibom

⁹ Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

ZECHARIAH 13:9 ပူးပေါင်းရင်းမြစ်များ

2 SAMUEL 7:24

Afo omonyuŋ ɔsɔŋ onim ikɔt fo Israel ke idemfo ke ikɔt fo ke nsinsi: afo, Jehovah, omonyuŋ akabare edi Abasi mmɔ.

ŊWED JOB 23:10

Koro enye ɔfiɔkde usuŋ eke odude ye ami: enye odomo mi: nyewɔrɔ mbiet gold.

ŊWED JOB 28:1

KORO silver enyenede itie eke ekutde enye, gold onyuŋ enyene ebiet eke ediɔŋde enye:

ŊWED MME PSALM 144:15

Ɔfɔfɔn ɔnɔ mbon eke etiede ntem: ɔfɔfɔn ɔnɔ mbon eke Jehovah edide Abasi mmɔ.

ŊWED MME PSALM 43:4

Ndien nyeka ke itie-uwa Abasi, kpa Abasi ata idaresit mi: nyeda harp ŋkɔm fi, O Abasi, Abasi mi.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

MME ŊKE 17:3

Eso-utara edi eke silver, furnace onyuŋ edi eke gold: edi Jehovah odomo esit owo.

IKWƆ SOLOMON 2:16

Ama mi edi okim, ami nnyuŋ ndi esie: enye ɔbɔk ufene esie ke otu mme lily.

ISAIAH 43:2

Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

ISAIAH 48:10

Sese, mmatara fi, edi idige ke silver; ndomo fi ke akamba ikaŋ ukut.

ISAIAH 58:9

Ndien afo eyekot, ndien Jehovah eyeyere; afo eyeseme, ndien enye eyedɔhɔ ete, Se mi. Ke afo ama osio ɔkpɔnɔ, ye erinyanare nnuen-ubɔk, ye oburobut nneme ke otu mbufo efep;

JEREMIAH 24:5

Nte nti fig emi, kpa ntre ke ndidiɔŋɔ mbon ntaŋ-mfep Judah, emi mbinde ke ebiet emi mfep nsin ke isɔŋ Babylon, ke mfɔn.

JEREMIAH 30:22

Emi edi uyo Jehovah. Ndien mbufo eyedi ikɔt mi, ami nyenyuŋ ndi Abasi mbufo.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

JEREMIAH 32:38

Ndien mmɔ eyedi ikɔt mi, ami nyenyuŋ ndi Abasi mmɔ:

JEREMIAH 9:6

Jehovah ɔdɔhɔ ete, Iduŋ fo odu ke ufɔt nsu; nsu esin mmɔ minyimeke ndifiɔk mi.

EZEKIEL 11:20

man mmɔ esaŋa ke mme ewuhɔ mi, enyuŋ enim mbet mi, enyuŋ enam mmɔ: ndien mmɔ eyekabare edi ikɔt mi, ami nyenyuŋ ndi Abasi mmɔ.

EZEKIEL 14:11

Man ufɔk Israel ekukpɔŋ aba mi ediyo, ekunyuŋ eda kpukpru mme idiɔk ido mmɔ esabare idem mmɔ, edi edi ikɔt mi, ami nnyuŋ ndi Abasi mmɔ: emi edi uyo Ɔbɔŋ Jehovah.

EZEKIEL 20:38

ndien nyekpɔri mbon nsɔŋ-ibuot ke otu mbufo mfep, ye mmɔ emi eduede mi: nyesio mmɔ ke isɔŋ emi mmɔ eduŋde ke esit, ndien mmɔ ididukke ke isɔŋ Israel. Ndien mbufo eyefiɔk ete ke ami ndi Jehovah.

EZEKIEL 36:28

Ndien mbufo eyeduŋ ke isɔŋ emi ŋkɔnɔde mme ete mbufo, ndien mbufo eyedi ikɔt mi; ami nyenyuŋ ndi Abasi mbufo.

EZEKIEL 37:27

Iduŋ mi eyenyuŋ odu ye mmɔ: ndien ami nyedi Abasi mmɔ, mmɔ eyenyuŋ edi ikɔt mi.

DANIEL 11:35

Ndien ndusuk mmɔ emi edide ɔniɔŋ eyeduɔŋɔ, man edomo mmɔ, enyuŋ esio mmɔ ndek ke idem efep, enyuŋ enam mmɔ esana, tutu osim ke utit ini: koro osuk ebetde ini emi ekedoride.

DANIEL 12:10

Eyesioŋo ediwak owo ndek ke idem efep, enyuŋ enam mmɔ edi edisana, enyuŋ edomo mmɔ; edi mme idiɔk owo eyenam idiɔk; baba idiɔk owo kiet idinyuŋ idige asian, edi mmɔ eke enyenede eti ibuot eyedi asian.

JOEL 2:32

Ndien ama ekem, kpukpru owo eke esemede ekot enyiŋ Jehovah eyebɔhɔ: ndien mmɔ eke ebɔhɔde eyedu ke obot Zion ye ke Jerusalem, kpa nte Jehovah ɔkɔdɔhɔde, ye ke otu mmɔ eke esukde emi Jehovah okotde.

LEVITICUS 26:12

Nyeyuŋ nsaŋa ke otu mbufo, nnyuŋ ndi Abasi mbufo, mbufo eyenyuŋ edi ikɔt mi.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte

ZECHARIAH 8:8

ndien mmɔ eyeduŋ ke ufɔt Jerusalem: ndien mmɔ eyedi ikɔt mi, ami nyenyuŋ ndi Abasi mmɔ ke akpanikɔ ye ke edinen ido.

UTOM MME APOSTLE 2:21

Ama ekem, eyenyaŋa kpukpru owo eke esemde ekot enyiŋ Jehovah.

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

1 PETER 4:12

Ndima, ekuyik ikaŋ-ikaŋ idomo eke odude ke otu mbufo, eke etienede mbufo man edomo mbufo efiɔk, nte edide utibe ŋkpɔ ɔwɔrɔ mbufo.

ERIYARARE 21:7

Owo eke akande eyeda ŋkpɔ emi enyene; ndien nyedi Abasi esie; enye eyenyuŋ edi eyen Mi.

ERIYARARE 8:10

Ekem ɔyɔhɔ angel ita ofri; akamba ntantafiɔŋ, emi asakde nte nsaraŋ ikaŋ, oto ke enyɔŋ ediduɔ; ɔduɔ ke ubak akpa kiet ke itie ita ye ke idim-mmɔŋ.

ERIYARARE 8:11

Enyiŋ ntantafiɔŋ oro ekere Etidot. Ndien ubak mmɔŋ kiet ke itie ita akabare etidot, ediwak owo enyuŋ ekpaŋa oto ke mmɔŋ oro, koro enamde enye odoro.

ERIYARARE 8:12

Ekem ɔyɔhɔ angel inaŋ ofri; ndien emia ubak utin kiet ke itie ita, ye ubak ɔfiɔŋ kiet ke itie ita, ye ubak ntantafiɔŋ kiet ke itie ita; ete mmɔ ekabare ebire ke ubak mmɔ kiet ke itie ita, uwemeyo okunyene uŋwana ke ubak kiet ke itie ita, onyuŋ edi kpa ntre ye okoneyo.

ERIYARARE 8:7

Akpa angel ofri; ndien edim-itiat ye ikaŋ, eke abuahade ye iyip, etibe, enyuŋ eŋwaŋa mmɔ eduɔk ke isɔŋ; ndien ikaŋ ata ubak isɔŋ kiet ke itie ita, onyuŋ ata ubak eto kiet ke itie ita, onyuŋ ata ofuri awawa mbiet.

ERIYARARE 8:8

Ekem udiana angel ofri; ndien emen se ibietede akamba obot eke asakde ikaŋ, eduɔk ke inyaŋ;

ERIYARARE 8:9

ndien ubak inyaŋ kiet ke itie ita akabare edi iyip; ubak ŋkpɔ kiet ke itie ita eke edude ke inyaŋ, kpa ŋkpɔ eke enyenede uwem, enyuŋ ekpaŋa; enyuŋ ebiat ubak mme ubom kiet ke itie ita.